/مدخل /

لبى عيونك ولبى الخد والشفة..
وخشيمك اللي على صغره برى حالي
جيتك بثوب الغلا والعفة والحب
مشتاق لك ..
واللي على بالك على بالي

http://www.up-00.com/dqfiles/sc556700.gif

لبى عيونك ولبا خدك وخاله
ولبى المحيا ولبى الليل والشفه
فديت عمرك بتجريحه وغرباله
لوتشربه الارض غبره والبحر جفه
هلي كما البدر غيضي كل حفاله
وسجي عن الليل لايلهيك في صفه
وهزي على صوت رجف القلب وهباله
الطار قلبي وكف توجعه شفه
ياشفه العين قبل تجين جماله
وجيتي ولاشفت غيرك لو رفع كفه
كنك لحالك حضرتي الحفل في الصاله
ولاشفت غيرك بشر ياقمه العفه
انتي زعيم رفع للقوم فنجاله
وكل تعذرشروبه ليله الزفه
انتي بيمني الحلا والناس بشماله
ثقيله العقل فيك الدم ياخفه
احيي فقيد بغيت ابكي على اطلاله
في غيرك يموت لو احييه وازفه
وان عودت للغلا غلاك بلحاله
انتي بكفه وباقي الناس في كفه

http://upload.rashed-elmajed.com/up/...94c2503975.jpg
لبّى عيونك كيف ما جيك وآصلـك
وانت الهوى اللي ساكنٍ بالمحاني
برحل على شانك وبسكن منازلـك
واصير جارك وانت بيتك وزانـي
وحدك تربعت بحياتي على الملـك
العرش عرشك وانت سيد المكاني
بعيش تحت امرك من اخرك لأولك
في وسط قلبي ما تضـام وتعانـي
تتوه نظرات العرب مـا تحصّلـك
بعيد عن عين الحسـد والهوانـي
يا مصعبك ياصاحبي وانت مسهلك
يا مطول بعادك وشوفـك ثوانـي
مرات من حبك ابي كيـف ابطّلـك
ومرات من حبك انا اكبـر انانـي
والناس تنصحني تقول اش مبهذلك
ولا كأنه يشبهه شخـص ثانـي؟
واقول انا من دون ما جيك واسألك
يسلم حبيب الروح ساكـن كيانـي
اعشق مسافاتك ولو درت في فلك
ماهمني لو بعـد زولـك عيانـي
دامي عرفتك كيف ياصاح بجهلـك
والجهل بالمعـروف هـدّم مبانـي
لبّى عيونك قلتها قبل مـا آصلـك
ويقولها قلبـي بوسـط المحانـي

/ مخرج /

تقول:
لاشفت زولي صابتك خفة
انا لاشفت زولك
(((جاني هبالي )))