منتديات هيبة ملك منبع إبداع لاينضب - الطفوله مايقدرها صغير

/
/

الطفوله مايقدّرها صغير
مايحس بطعمها في هالعمر

حتى لوشفناه بالفرحه يطير
مايحس بطعمها إلا لا كبر

لاكبر حسّ الطفوله شي غير
يوم لاوقات اللهو عنده ثمر

يوم كان لجيله الفطري سفير
والهموم بدنيته تعني صفر

إسألوا من عاشها واصبح كبير
كيف يوم انّه يعدّونه ( بزر)

حتى لوحطوه في منصب وزير
حنّ لو يذكر حياته بالصغر

حتى لو انه غني والا فقير
للطفوله طعمها كل ماذكر

ومن يقول اني بها النظره غرير
يرجع لماضيه والبوم الصور

الشاعر راشد السكران