منتديات هيبة ملك منبع إبداع لاينضب - يا عود يا ريان_لابن فطيس

نص راائع من روائع ابن فطيس

يـا عــود يا ريــان يـا ضـامــي القـد = يـا موحـش العينين نظرات و أهـــداب
وش قد مخزون الوفا فيك وش قـد = أخاف من شوف الحبل و أذكــر الداب
إن كــان منهــا ذا المحبـه ولا بـــد = وف الشروط التاليـه و احسب حساب
مــا هـو تكبـر لا وربـي علـى حــد = بــس الشروط أنــوار ما تنتــج عتـــاب
عطني صـدوق الـود واخذ الوفا رد = ولا اجــدد بالجفــا جــرح مـــا طــــــاب
و إن شفتني مغليك حذراك والصد = تــرى التغلــي درب تشتيــت الأحبــاب
ولا يغــرك مـن يقـول إثقـل و شــد = ترى أغلب الفرقى من أشوار الأصحاب
وفــاي دايـم دام حبـك معـي جــد = و ألبســك مـن صــادق الـــود جلبـــاب
مـاني بمـن حبـه نـزل يـوم ثم شد = أقيــم كــان الوصل لـه ساس و أطنـاب
وقلبي لمن حبه سنـا برق و أشـد = وللخــاين اللـي خـان بـه خافـق غـراب
هذي شروط الــود ياصـافي الخــد = وافقــت ولا خــذ معـك قضبــة البــــاب

وسلامتكم