|
البــــــــــارت التاسع
والعــــــشرون الصبح الساعه 9 نسايم دخلت سلمت على اهلها هي ونايف بعد احضان ودموع دخلت تصحي اخواتها نسايم: ندى ندى قومي يالله ندى: انقلعي وسكري الباب نسايم: اوف نهى نهى قومي نهى نومها خفيف: نسايم هلا راحت ولمتها نسايم: اقول روحي غسلي وجهك ونكمل بعدين التفتت على ندى تعرفها نومها ثقيل ولو قامت بترجع تنوم ندى: لاتناظريني قمت خلاص نسايم: اشوى لاني كنت بجيب مويه وعاد انتي تعرفين الباقي ندى: طيب تقلعي بروح الحمام واجيك نسايم: اولا ليش ماتسلمين علي وثانيا ماراح اطلع نواف فيه ماابغى احرجه ندى تغيرت ملامح وجهها: نواف هنا نسايم: ايه هو اللي جاي يستقبلنا هو وفهد ندى: زين بغسل واجيك عندي موضوع مهم نسايم: اوكي لاتطولين ندى كانت تفكر وللحين ماستقرت على بر + + + الجده: سلمان روح دق على العيال كلهم من اولهم لاخرهممن صغيرهم لكبيرهم زين قلهم لايتاخرون سلمان: ياشين الواحد لين صار عم ليش ورى ماتدقين انتي الجده: قل امين سلمان: امييين الجده: جعله يجي اليوم اللي اتصل فيه على عيالك سلمان: اميـــن على طاري العيال خلني بدق على مشاعل اول وحده الجده: ايه اصبر ترى خالك يقول انك ماذي البنت كل ساعه متصل اتصل مره كل يوم تسد سلمان: وشو حلمي حرمتي مالكم دخل الجده: مشكله الواثقين قم وسوي اللي قلتلك+ سلمان: ان شالله + + +++ نسايم: معقوله ندى: والله نسايم: طيب وانتي ندى: مدري والله نسايم: حمد الله وشكر تدرين ياندى دايما انتي عصبيه حتى خطبتك جت بعصبيه ندى: اقول اسكتي وضفي وجهك عند رجلك نسايم: رجلي مع رجلك برى ندى: من قالك اني بوافق ولافيه امل نسايم: يعني رافضه ندى:لا نسايم: اجل ندى انسدحت على السرير: مدري مدري ندى تبي تحمق نسايم: اذا راح نواف علميني بسلم على نايف نسايم: نعم نعم اقول الجدار وراك يمدحونه للي فيهم ارتجاج ندى:ههههههههههههههههههههه حلـــــوه حلوه بس لاتعيدينها + + + + طلعت نسايم من عند اهلها نايف:الحمد الله يارب نسايم: ليش نايف: لاننا ماصرنا بنفس الدوور معهم نسايم:ههههههههههه صادق + + + + الساعه 11 من جد صاير الدور بيت ابوهم ام فهد طالعه بجلاها بتروح تقهوي الجده وراها حسنا بالترمس والفناجين فهده مسويه خطه مع نهى فهده: نهى افتحي الباب زين نهى: طيب بس تعالي بسرعه لا يشوفك احد فهده: طيب خلك عند الباب (الخطه: فهده تروح للنهى من دون عبايه يعني بتغامر) استعدت فهده فصخت الصندل مسكتها بيدها شافت نهى فتحت الباب انطلقت للباب توها بتوصل الا اصقعت بهذا الجدار اللي من الصدمه مسيكين طقت جبهته بالصندل دخلت بسرعه نهى سكرت من الضحك على شكل فهده فهده: ياحماره لاتضحكين نهى: الا بضحك شكلك يمووت ضحك فهده: اوووف والله بصيح بدت تتعبر<< المرححله قبل الصياح نرجع للبرى شوي عبد العزيز(انا هاذي حالتي ماشوفها الا بجزمه ولاطقه ولاسبه والله حاله بس هي ليش طالعه كذا ليش مالبست والله بنات اخر زمن شكلي انا اللي بتغطى) ++ ++ ++ ++ تجمعو العائلات وراحو للبيت ابو سيف افتح الباب سيف دخلو الشياب قلطهم سلمو ودخلو دخل ياسر بعد الششياب سيف: هلا والله يسووور اخيرا جيتى ياسر: انت وش جايبك هنا سيف: انت ماتعرف ان هذا بيتنا ياسر: لا مو بيتكم بنت ولد عمتي هذا بيت خالهاا واحنا جايين نزورهم انت وش موقعك من الاعراب سيف: لحظه انتو عمام ساره بنت عموه ياسر: ايه سيف: حلللللللللو وانا ولدخالها ياسر: كــــــذاب سيف: والله ادخل لايجي ابوي يزفني عشاني ماقلطتك ياسر: طيب دخلو بعد عشر دقايق دخل فارس وهو لابس الكندوره الاماراتيه ومسوي السفره حقتهم ومضبط شكله سلمان: ياهووووه حركتات>> هذي لك هيفا لف لفه على نفسه: تغيرت صح نواف: والله كنك كيس ملح فارس: انت من اخذ رايك انت بجهه والذوق بجهه + + + + عاد الحريم غير فتحت لهم ساره استقبلتهم وسلمت دخلو جوى للمجلس وجلسو جت ام فارس كانت جيتها مترقبه دخلت بدت تسلم من اليمين وصلت عند الجده اللي كانت بصدر المجلس الجده وقفت تناظره نص دقيقه بعدخذتها بالحضن وقعدت تبكي ام فارس كانت تتمنى انها لحظه تكون بحياه زوجها اللي انحرم من اهله بسبتها جلست ام فارس وكانت مبين بين لمحات عيونها االحزن كان كل شي فيهم يذكرها بزوجها ++ بعد نص ساعه راحو يتغدون وبعد ماخلصو ساره: ناديه هذي حصه بنفس عمرك ناديه: احلفي بناخذها معنا للرياض حصه: ليش لا انا مطفره من اهلي ناديه:هههههههه على الريحه تستغنسن حصه: ملل شسوي ام فارس: الرجاجيل بيجون يشربون شاهي هني محد اعترض يمكن هذي عاده عندهم ++ ندى: الله البلشه ماجبت جلال نسايم: ولا انا قولك خل نلبس عبايتنا ندى: يلله لبسو البنات عباياتهم ماعدا ساره راحت تجيب جلال صلاه ... شمه وحصه مو من عوايدهم يتغطون فتحجبو على جلابياتهم ++ دخلو الرجاجيل وجلسو نص المجلس حريم ونصه رجال البيبسي: مروان ووائل وومشعل ورامي مروان يكلم مشعل: الحين هذول منهم مشعل: اكيد بنات خال فارس ولا كان تغطو مروان: لا خلهم كذا احسن مشعل: وجع مروانوه اسكت مروان: ماورانا شي قز وبلاش وعلى عيون اهلنا وش تبي بعد قز بس مشعل: شف سلمان مايستحس اللي يشوفه يقول ماعمره شاف مشاعل مروان: اسكت انا محظر له مفاجاء ولا اروع مشعل: والله ان شالله فيها اكشن مروان: وحنا راجعين بتعرف ساره تدز رهف: بس يكفي مطالع في اخوي كنك ماشفتي عيشه رهف: هاه.. من قالك اني اناظر اخوك انا عاجبتني التحفه اللي وراه ساره: اجل التحفه اجل رهف: يووووه منك سكوووت حصه: ساروه ساره: هلا حصه: منو هذاك اللي لابس تي شيرت اسود ساره: اي واحد اللي بنطلونه جينز ولا بيج حصه: لا بيج ساره: ايه توقعت هذا مشعل ولد عمي حصه: هذا مشعل ولا توركان ما شالله مزيون رهف: شكرا حصه: انتو شدخلج رهف: اخوي حصه: اها طيب ليش ماطلعتي حلوه شراته رهف:هههههههههه والله مدري شوفي اللي لابس ثوب هذاك اخوي الكبير حصه: هذاك من قعد وهو ساكت كانه تمثال رهف: هو دايم كذا ساره: ايش رايك بهذاك اشرت عى نواف حصه: ملييح بس طبعا مايجيشي عند مشعل ندى: كانت مركزه معهم يوم انتبهت ساره لها جابت طاري نواف ++ نوافطول الوقت يطاع ندى وهي ولا على بالها شايته جهت الرجال بس تناظر الحريم وتسولف على البنات + + + + اذن العصر راحو يصلون العنود: يالله بنات بنروح للسينما رهف: لا تكفين ماودي العنود: من شاورك بتروحين غصب بعد عده اراء ومحاولات اقناع ركبو السيارت وجا معهم سيف وشمه وحصه + + +بسياره مروان: عمي انا عندي لك مفاجاه سلمان: والله وش هي؟ مروان:انت متزوج مشاعل صح سلمان:ضرب السكان وانت وشدخلك خلك بمفاجتك ولا قد تقول اسمها مروان: اقول لايكثر ترها بنت خال ابوي واسمها اعرفه ماله داعي طواله السيره سلمان: لاتقول اسمها مروان:ك عمي اسمع لاتصير ثور سلمان" من هو الثور ؟ مروان: رامي بس انت خلنياقولك وش المفاجاءه سلمان: عطنا وش عندك مروان طلع من جيبه شريط جابر الكاسر اللي اسمه يامشاعل: خذهةواسمع الاغنيه ولا اقولك شغله هنا سلمان: مستانس جالس بيناتهم كانه شبخ هو شاف مشاعل ولا ماشافها: لالا بسمعه بعدين بلحالي على رواق مروان: خذ راحتك ++ وصلو وعند شباك التذاكر كانت المعركه:البنات يبون هندي والاولاد رعب بعد حرب ضاريه دخلو فلم مصري صف كامل لهم جههه اولاد وجهه بنات بنص نايف ونسايم وبنهايه سلمان ومشاعل ++ جلسو يشوفون الفلم جت حركه مش ولا بد مروان: هييه بنات سكرو عيونكم نواف: لاخلهم هم على وجه زواج << يناظر ندى ندى ودها تروح وتنتف راسه فهده: يازينك ساكت ولا وحده فينا وجهه انها تتزوج نواف: انتي وش دراك تعرفين اللي بالقلوب فهده: عاد هذي صعبه اعرفها بس توقع عبد العزيز: لاتتوقعين اخاف تنصدمين بشي فهده انواع الفشيله التي لاحدود لها واحد وراهم مصيري: مش حتسكوتو بقى مش كفايه ده ابو عضلات مس مخلي مقال الواحد يبص(يقصد نواف) سلمان: بس بس فشلتنوا عند اخوانا المصريين ++ نهايه البارت |
البارت الثلاثون
بعد ماطلعو من السينما: العنود: والله الفلم تحفه رهف: صادقه اول فلم اشوفه يعجبني كذا في جهه ثانيه: حمد( الحين هذي ليش حاقده على طول الوقت وتناظرني باحتقار يمكن هي ناظرتها كذا لا شفهم اذا جت تناظرهم محد تجيه هالنظرات غيري) نهى(اعوذ بالله ليش يناظر) رهف: عززيز ترى بنروح نتمشى شوي عبد العزيز : بلحالكم رهف: ايه عادي حنا كيار معنا وحده متزوجه خلاص نايف: هييه حرمتي تخلونها عذركم لا والف لا اصلا انا وياها بنروح سحب نسايم وراح فارس كان يكلم ولد خاله على جنب مادخل بالجو المهم بعد قيل وقال واسئله اتفقو ان حمد يروح مع البنات ++ حمد: وانا حمال الاسيه كل مره انا اجركم يالله ياقوم نهى: لك الشرف حمد: نعم نهى: كلام الشيوخ ماينعاد حمد(يبيلها تكسير راس) البنات تمشو وتشرو وستانسو بعد وقت حمد: الو مروان: هلا حمد: تعالو دوركم تعال انت ومشعل مروان: طيب انتو وينكم فيه حمد: شفت المحل الي........... مروان: ايه هذاك اللي تبيع فيه حلوه حمد: عشان كذا ذكرته تعال يالله ترى حامت كبدي من البنات فهده: حمد بتروح حمد: ايه الا اذا كان فيه ناس يبوني اقعد قعدت فهده :اي ناس الله يعافيك من بيجي حمد: مروان ومشعل فهده: فلللله حمد: ليش فهده:هاه بس بس ++ جا مروان ومشعل واستلمو البنات>>>بضاعه كانو طالعين من المحل حصه: شمه شوفي هذيج عطرها شال البقعه شمه: هيه والله صدقج مروان ومشعل كاعاده الاولاد قاطين اذنهم مروان: مشعل الحق فيه مطاقه مشعل: وينها مروان: مدري هذيم تقوله مروان: وين المطاق حصه: شنو مشعل: ترى نفزع عادي حصه: شنو مشعل: ناس سوي كفخ كفخ مرونا:ههههههههههههههههااااي حصه: لو سمحتي ناديه شوفي شنو يبون مو فاهمه عليهم ناديه : صبر ندوووش شوفي اخوانك ندى: وش قايلين للبنت اعترفو مشعل:هي قالت فيه مطاقه وانا سالناها عنها ندى: انتو وش عليكم مروان : اسئليه بس اسئلت حصه اللي انكرت انها قالت فيه مطاقه حصه: ساره شوفي هذيلا مو فاهميني ساره جت ويعد سالفه فهمت ساره:ههههههههههههههه والله انكم تخريف اي مطاق البنت تقول ان فيهه وحده مرت عطرها ريحته قويه وانتو ماتفهمون اي مطاق ههههههههههه مروان: تكلمو زي الناس ولا حد قايل شي مشعل: ايه والله حصه: انا ماتكلم زي الناس انت الخبل ماتفتهم مروان: هاه كنها تسبنا مشعل: ايه والله تسب مروان: والله لوماانك بنت كان شفتي حصه: اف الجدار وراك راحت وخلتهم مشعل:ههههههههههههههههههههههههههههههههههه ههههه واللله خطييره مره تعصب مروان: وانت تضحك وبس الحين بتزعل ومايبقى بنت ماتهاوشنا مشعل: بزران خلهم +++ خلصو دوران بالمول وراحو للبيت ابو سيف ياخذون الاهل الساعه7 وصلو للبيت وطبعا لازم يدخلون يتقهوون شوي نايف كان واصل قبلهم هو ونسايم بعد ماتمشو على البحر دخلو نايف طلع يكلم بشارع لانه يبي ياخذ رقم من سيارته بينقله اللي على التلفون البيت اللي قبال بيت ابو سيف انفتح الباب وكـــــانت الصدمـــــــــــــه 7 7 7 7 7 7 7 7 نايف وقف وترك الجوال جلس يناظر نفس الشخص كان رجل خمسيني بالعمر كلن شكله مو صاحي بمعني مريض نفسي نايف انصدم بعد القوه والجبروت يصير فييه كذا نفس الشخص اللي من سبع سنين سيف طلع لانه حس ان نايف طووول سيف: نايف وش فيك تطالع فييه نايف مازالت الصدمه ماثره علييييه: ..لا سيف: لاتطالع فيه هذا واحد مينون قتل بنته عشان واحد مايستاهل نزل هذا الكلام على نايف مثل الصواعق نايف ماكان فييه حيل للجدال ولا نقاش ركب السياره وبقدره قادر وصل الفندق + + سلمان: سيف وين نايف سيف: مادري طلعت ولقيته يطالع ابو جيرانا المينون وراح ركب سيارته ومشى ناديته مارد علي سلمان: اها...زين سلمان شك بالوضع اتصل على نايف سلمان:الو نايف وصوته حيلل تعبان: الو سلمان طلع من المجلس: نايف وش فيك نايف راح صوته وتبدل بنبره محزنه : سلمان.... شفته ياسلمان سلمان: خاف على نايف ركب سيارته وراح له وهو يكلمه بطرييق سلمان: من شفت؟ نايف: شفته والله اني شفته سلمان: نايف من هو؟ نايف:خليفه سلمان: كيــــــف؟ نايف: خليفه خليـــــــفه خليفه ماغيره سلمان: كيف شفته وهو نايف: مجنون طلع مجنون وصل سلمان للنايف وبعد جهد قدر نايف يفتح له الباب (عقد نايف: نايف قبل 7 سنوات كان يدرس برى والتقى بوحده اماراتيه ماكان بينهم اي احتكاك مجرد سلام وكلام للدراسه بس ومره من المرات كان نايف يبي منها كتاب ويسال عن بعض الاشياء بدراسه لانها بنفس القسم شافها عمها اللي مايرحم كان سكران وظن فيها ظن السوء ضربهابقسوه عذبها الى ان ماتت وتمرمط نايف من بعدها سنتين بالمحاكم الاوربييه لمى رجع وفتح الكتاب اللي كان اخر شي منها لقى فيه رساله منها تعبر عن مشاعرها له وتوصف حبه لها ومن بعدها وهو يحس بالذنب هذا غير الشهاده اللي مفروض تكون معاه غير السنتين اللي قضاهم ورى المحاكم الا ان تبينو انه عمها سكران وهو بريء بس بعد ايش بعد ماراح كل شي منه دراسته حبه وسنين من عمره)) سلمان: نايف خلاص السالفه راحت من سبع سنين نايف: لا ماراحت قتلها بسببي وتقول راحت والحين مجنون هو مجنون تعرف كيف مجنون يعني حياة ضاعه بسببه سلمان: نايف يرحم اهلك لازم تتعدى هالموضوع خلاص البنت الله يرحمها وانت الحين متزوج مايحق لك تغامر بحياتك وحياة نسايم بسبب قديم (نسايم كان قلبها قارصها واتصلت على نايف واله مسكر اتصصلت على سلمان اللي جواله بجيب البنطلون رد وهو مايدري) نايف: وانتو هذا اللي همكم نسايم اتصنع الضحكه عشانه كذب وسوي نفسك سعيد على شانها خلاص انا طفشت منكم ومنها يكفي زواجي غصب هذا بالحاله يكفي نسايم سكرت االخط ماودها تسمع اكثر كل اللحظات اللي فاتت كانت كذبه منه كانت صدمه بالنسبه لها + رهف: بنات خلي نطلع نتعشى ندى: صادقه ونعم راي فهده: اول مره احس ان عندك سلفه نهى: يالله بس طبعا لازم ناخذ اولاد ندى: اجل مو لازم شمه: الا كيف مو لازم يالله بقولهم + + بعد مشاورات ومنه الاولاد طلعو يتعشون نواف عازمهم على حسابه نواف: الا ماتدرون عن نايف وينه حمد: اخوك ولا اخوي نواف: خلا تزوج نسايم ماتدرين وينه نسايم: لا مدري .....فهد وصلني للفندق فهد: ليش منتيب جايه معنا نسايم:لالا وين مافي مجال وفيني النوم وصلوني فهد: طيب راحو وحطو نسايم بالفندق وسلمان يوم درى ان مشاعل رايحه ركب سيارته ولحقهم نسايم راحت للغرفتهم وطقت الباب ودخلت بالكارد اللي معها نسايم رحمت نايف بقوه كان نايم و حاط يده على راسه حست انه من جد تعباااان + + + اما عند الشباب ندى كانت مره متوتره وضايقه ماودها تجتمع مع نواف بمكان وخصوصا كلام ابوها ابو فهد: ندى انتي الحين تقريبا شبه مخطوبه ندى: ايش ابو فهد: اصبري لاتعصبين انا بس ابيك تكونين شوي تكانه اذا طلعتو يعني مو زينه انك تاخذين راحتك خلك تكانه واعقلي وعن الهبال ندى: حقدت من جد على نواف اذا كان هذاابوها قال هالكلام بسببه وهو عمره ماقاله لها كيف اذا وافقت + + وصلو للمطعموكان من اختيار نواف (بيتزا هت) العنود: استانسي ياندى مطعمك المفضل نواف: والله اجل مثلي ندى ماعطتهم اهميهة طبعا ظاهلايا العنود: انت من كلمك انا اقصد ندى العنود بكلامها هذا خلت ندى تضحك نواف: مااظن في شي يضحك بس تدرين اهم شي انك ضحكتي ندى عطته نظره وسفهته جلسو على طاوله طبعا مو طاوله عدد من الطاولات لانو عددهم كبير ماشالله والشي اللي كان من جد تحفه:المطعم مافيه بارتشنات(حواجز يعني ): مو مثل السعوديه رهف: وش نسوي الحين فارس: لاتسوين شي بس انتي اجلسي رهف سكتت متفشله ومستحييه سلمان: بما اني عمكم انا اقولكم ايش انا بجلس على راس الطوله ونصف الجلسه بنات والنصف اولاد وانتهينا مروان: يافري انت سلمان: اسكت لااهون ياسر: لالا انا عترض يوم قالها جلسو كل العيال لانهم يعرفوون اذا رفض واللله ليطلعهم صار ترتيب الطاوله سيف +سلمان فهد:ـــــــــــــــ: ياسر مروان:ـــــــــــــ:رامي مشعل:ـــــــــــــ: وائل عبد العزيز:ـــــــ:حمد فارس:ــــــــــــــ: نواف ساره:ـــــــــــــ: العنود ندى:ــــــــــــــ:رهف نهى:ــــــــــــــــ: فهده ناديه:ــــــــــــ: حصه شمه+ مشاعل طبعا المطعم كللللللله صار لهم من بعد المائده ا للي صفوها عليها ندى: والله مافتش لو اييش نهى: يابنت لاتفتشينغطي وجهك بطرف طرحتك ندى: لالا مابي فهده: عندي فكره : سوير عنيده حطو طرحتكم بينا وبينهم العنود: وييييييييييييين قالولك بالثمامه اسكتي بس كل وحده تتغطى بطرف طرحتها فهده: ترى من جد اتكلم نهى:ههههههههه والله انك عجوز ياسر: بنات بس اسكتو سكتو البنات لانةياسر جدي اذا قال شي بيسويه ياسر: سلمان يكفي مطالع خل البنت تاكل سلمان: عويض الله من شرك وجهك نكد علي انت موب حاضر ملكتنا ياسر: مكاتك انت ومشاعل ايه حا ظرها فهد(يبي يرفع ضغط سلمان): وش فيها مشاعل سلمان: للمره الالف والمليون اقولك لااااا تثول اسمها فهد: مين مشاعل سلمان: ايه يمسك عليه الملح ويخبط راسه بها مشاعل: بس بس كل هالمعركه عشاني سلمان: هاه والله لاقيم داحس والغبراء عشانك ياسر: اقووول قومو سلمان: خلاص خلاص ندى: كانت اكثر الجالسين توتر نواف عيونه ماترحم وهي مو ناقصته مطمنه راسها لاصق بالطاوله العنود: ندو ليش ماتاكلين ندى رفعت راسها: انا لا بس شبعانه رهف: من من شبعانه اقووول اوش لايكثر طول اليوم ناكل وانتي ولا ذقتي شي نواف قاط اذنه معهم ياسر: من اللي لسانه يبي قص رهف: انكتمت مره وحده فارس: لك الاحقيه الا عليها ياسر: منهي ساره<<<كلن على حسب تفكيره ساره كانت تسولف ومانتبهت لما قال ساره ساره:نــــــــعم ياسر: محد ناداك ساره: الا انت ياسر: لا مروان: مسك كاسي البيبسي: سكووووووووووووووووووت حمد: خير ان شالله مروان: طق الشوكه بالكاس الللي فيه ببيبسي: والله بما انا بهذي اللمه الحوه احب اقول الله لايغير عيلنا ابد واقول اللي على وجه زواج لا يقطعونا او يتغيرون مثل الزمن وبس وتشييييز ضرب كاسه بكاس مشعل ياسر: تدري كنت ابكوفنك على حركه الكفار بس سكت لان كلامك اعجبني مروان: شكرا عم الصمت لثواني كلن كان يفكر بكلامه مع انه قايله هباال لاغير بس لامس شي كبير فيهم قطع السكوت صوت فهده: نهى بس الله ياخذك نهى: لا واالله وانتي تقزين عادي فهده: هو يناظرني نهى: وصمه هذا ح......كانت بتزل بس تداركت الموضوع فهده: حرام عليك هالحوار والمشاده حمد كان ياظر نهى المنفعله عبد العزيز مستمتع وهو يشوف فهده تدافع وكانو يتمنون انهم يسمعون كلامهم حمد يفكر بصوت عالي: ليتني اقدر اعرف وش تقول عبد العزيز وكمان بصوت عالي مع تنهيده: ايه والله وفجاءه كل واحد انتبهه للثاني ناظرو في بعض بعدين ضحكو مع انهم مافهمو شي وكل واحد متوعد الثاني بكومه اسئله + + طلعو ورجعو للفندق ندى مقفله معها ركبت مع فهد اما نهى بعد الحنه والازعاج من فهده بتروح معها الشباب كل واحد بيكمل السهره بطريقته سيف واخواته رجعو للبيت مع ساره وفارس عبد العزيز رجع بعد ماقالل للحمد ينتظره باللوبي اما البيبسي كان محرم عليهم التاخير لبعد الساعه12 ندى جالسه بوسط دوااامه كبييييره من الافكار نهى وفهده بغرفه فهده وعايشين عالم ثاني فهده: نهى ماقلت لك نهى: ايش؟ فهده: فيه اغنيه تغنيها امي سارره دايما وانا اعجبتني ودروتها بالنت ولقيتها بشغلها صبر نهى: منزلته على جوالك فهده: اف كورس نهى: سمعينا الاغنيه كانت من النوع السامري القديم جدا وكانت طووويييله اغاني زمااان فهده: نهى عطيني الجلال نهى: ليش فهده: لابس برقص زي العجايز عطيني نهى: طيب فهده: ترقص مثل العجايز ومنسججمه مرره + ++ حمد: هلا عبد العزيز: اخيرا ماابغيت عساك نومتهم حمد: لا بس امي مسكتني ومدري كيف خبر ك عاد عبد العزيز: اها طيب0......اممممم حمد انت اليوم يوم ردييت علي من تقصد حمد يستغبي ويعرف طبيعه عبد العزيز بهذي المواضيع: انا متى عبد العزيز: ولا شي خلاص حمد:ههههههههه ياقلبو على اللي يستحوون عبد العزيز: اف منك خلاص حمد: انا بقولك وانت قلي عبد العزيز اوكي وقرب الكرسي منه وجلسو يتساسروون حمد ك قااال كل السالفه باللي فيها لانه مايهمه شي عكس عبد العزيز حمد: هاه وش رايك عبد العزيز: واللله مدري بس يمكن هذا مو سبب يخليها تكرهك حمد:اقولك اذا شافتني تبدى عيونها تدور وتناظر السقف وبعدين تذكر اني فيه وتتكرم بنظره استحقار ماعلينا مني انت عبدالعزيز توه بيهدالسبحهتتذكر ان فهده اخته: قاله مع تقطيع بعض الاشياء حمد: معليش صحيح ان فهده اختي بس اقولك لسانها طويل ماتنقوى عبد العزيز: انا اقواها حتى هي تعقل اذا شافتني مدري ليش حمد: وناسه لوتاخذ فهده وانا اخذ نهى اااااااااااااه>>> تنهيده من خاطر عبدالعزيز: لاتستبق الاحداث ماتدري هالمراهقات وش في روسهم حمد: الا بستبق ليش لا عبدالعزيز: ماعلينا بروح انوم ورانا قومه بكره حمد:اييه صح والله انك صادق يالله تصبح على خيير ++ ++ ++ راح حمد للفوق والوضع مثل ماهو فهده منسجمه وشوي الازيراان ونهى سرحت بعالم ثااني دخل حمد بدفاشه بيهاوش فهده على صوت الاغاني عاللي وشاف نهى نهى شافته ولسؤ حظها الحماما برى الغرفه مالها الادالوب طمرت للدالوب (خزانه)فتحته ودخلت حمد:ملت من الضحك شكلها وهي مخترعه يمووت من الضحك فهده لاتسالون عنها عايشه اجواءهامن تحت الجلال سحب حمد الجلا وسكر الجوال فهده: نهوووه ياسخييييفه.....اوه حمد حمد: انت جالسه مع الجن فهده: لاوااللله تو نهى هنا حمد: انا دخلت الغرفه مافي احد فهده: لايكون سوتها وراحت بس جوالها هنا حمد: انتي متاكده انها جت معك فهده: من جد بدى الشك يلعب براسها: اييييه حمد: يمكن طلعت منا ولا منا فهده ماصدقت هالاحتمال وطلعت نهى سمعت صوت الباب ينفتح وينصك فتحت باب الدالوب بتطلع الاوحمد منسدح على سرير فهده حمد:هههههههههه والله انك تحفه عليك اماكن تنخشين فيها مره جمس ومره الدالوب والله يعلم بكره وين نهى: ماردت عليه بس ودها تصفقه من خاطر حمد مسك جوالها وفتحه وجلس يناظر الصور ونهى لمى شافت انه مسك الجوال خافت مررره لايشوف الرسايل ويظن فيها شي ثاني حمد: حس انه مصخها منسدح وحابس البنت قبل مايطلع: خلاص بطلع انا برووووووح ترى يعني اطلعي طلع حمد ونهى طلعت ووجها محمر من الحر والاحرااج جت فهده اللي ماعندها خبر بشي فهده: نهووووه وينك نهى: وين يعني هنا وخري عني بنوووم وخبطت نفسها على السرير بقوووه فهده: ماتدري وش السالفه وليش هي معصبه سكرت اللمبات ونامت +++ الصبح الساعه8 ابو فهد: ندى ندى يالله قومي ندى: قامت بسرعه: وشو ابو فهد: اليوم الاحد يالله ندى: هاه..طيب بلبس وجي لبست وطلعت طبعا كل من نايييم ونزلت مع ابوها وجلسو وطلبو فطووور بعد مافطرو سالها ابوها ابو فهد: هاه ندى ايش قلتي؟ ندى:....... ............++++++++++++++++++++++++++++ ++++++++++ +++++++++ نهايه البارت البــــــارت الواحد ولاثلاثين ابو فهد: وش قررتي ياندى ندى تلخبطت وانحاسات كانها ماتدري بالموضوع حست بثقل الجبال على صدرها ندى:...... ابو فهد: ندى انا اكلمك واذا رافضه انا ماعندي مشكلع بس يكون سبب مقنع وانا معك فيه ندى: انا اصلا مستحيل افكر في نواف كازوج او شخص اعيش حياتي معه بس تفكير هذا كان بس عشان طلبك مني ابو فهد استغرب من ردها: طيب اقدر اعرف ليش ندى لفت بوجهها للجهه الثانيه كنايه انها ماتبي تتكلم ابو فهد : يعني رافضته ندى رجعت نظراتها لابوها:ايه ابو فهد:شوفي انت بنتي وهو ولدي واذا انت رافضته لك حقك بس بعد انا لي حق اعرف ليش تردينه هو بمثابه ولدي واكيد هذا الشي بيسوي حزازيات اذا كان شي يسوى انا معك اما لا اسمحيلي لي تصرف ثاني ندى كان ابوها خذها لللدوامه ورماها كانت من جد متردده حتى لمى نزلت ماكانت متوصله للقرار وكمل عليها ابوها ندى: انا اقولك انا مااقدر اتزوج نواف لو ايش يصير ابو فهد تنرفز:ليش ندى سكتت فتره وبعدين قالت: نواف مثل اخوي ماعتبره زوجي ابو قهد: مو سبب مقنع ندى: الا مقنع ابو فهد: العصبيه مالها داعي لاتعصبين وانا متاكده مليون بالميه انه في سبب غير هذا ندى: مافي شي وهذا انا مابتزوجه لو على جنازتي ابو فهد: خلاص انت قلتي اللي عندك بس مثل ماقلت لك اذا سبب مو مقنع بيكون تصرفي غير ندى: بتزوجني غصب عني ابو فهد: الظاهر ماتعرفين ابوك لا مو انا اللي اغصب بتني بس الا يام جايه الحين ارجعي للغرفه وحطي ببالك الموضوع هذا للحين ماانتهى ندى مالها حيله راح ولا جا ابوها قامت: عن اذنك + + ابو فهد اتصل على نواف اللي كان ينتظره نواف بسرعه البرق نزل ندى ماكان ودها تروح بسرعه للغرفتهمةتحس بثقل غريب على قلبها قعدت تتمشى بعدين صعدت بترجع كانت تناظر الارض وتفكر نواف:ندى ندى انصدمت وبين هالشي على عيونها اللي طلعت قدام اخر شخص تبي تشوفه بهالحظه هو نواف: ندى وش فيك ندى ماهي قادره تتحمل راحت وخلته قبل لاتنفجر نواف وش فيها هاذي نزل نواف وهو يحاول يتجاهل الموقف اللي صار + + ابو فهد:هلا وليدي استرييح نواف:هلا جلس نوا فوهو يتقرص وابو فهد يقرى الجريده نواف طفش :وش قالت اكيد رفضت ابو فهد سحب تنهيده: شوف انا ماخذت منها جواب نواف: كيف يعني ابو فهد: البنت مو معترضه على فكره الزواج معترضه عليك انت نواف ماستغرب: انا ابو فهد: انا مادري ايش اللي صاير بينك وبينها او ايش تفكر فيه بس البنت ماخذه عنك فكره غلط ورافضه انها تتزوجك نواف اكتئب فكرته عشان يقدر يعتذر لها ويعوضها عن اللي سواه فيها تبخرت ابوفهد: لاتضيق خلقك انت ولدي مثل ماهي بنتي وتهمني مصلحتكم انتم الاثنين اذا انت تبيها قلي وانا بنصحك بنصيحه يمكن تنفعك نواف: وربي يشهد علي اني للحين ابيها ابو فهد: طيب انسى اني خالك او واحد كبير اعتبرني شاب وطايش نواف مستغرب:طيب ابوفهد: شوف انتم اكثر شي طلعاتكم ودايما تاخذون البنات وفي حركات وامور تصير من ورانا وقدامنا على بالكم انا مانجري عنها انا ندري بس متغاضين عنكم وانتم الحين بسفر واكيد شي شبه يومي بتشوفون بعض حاول تكسبها بس بحدود الادب ماتتعداها نواف صدق تنح هذا خاله يقول كذا ماينشره عليه اذا طلع بناته متلثمات:ايوه ابو فهد: انت لك الحريه بشوري هذا او بدونه انك تقدر تكسبها لك بس هاه بتني مايجيها شي يعني حدود الادب وحدود انها بنت خالك وانت ولد عمتها لازم تحط لك خط احمر ماتتعداه نواف طايره عيونه: طيب اقصدالين ايش الحد الاحمر<<عجبته السالفه ابو فهد: اولا لاتناظر فيني بستغراب انا كنا مثلكم اغاني ودداسن ونطول شعورنا شباب في كل زمان عنده حركاته وانا عشان ام فهد سويت كل شي والحد الاحمر هذا انت تحطه مو انا حسب اخلاقك نواف: اها طيب انا بروح انام مانمت ابو فهد: اذنك مع وااذكر الله +++ نواف راح للغرفه وانسدح بس اللي مسيطر عليه كيف يكسبها له وعقب اللي سواه ماظنتي تلتفت عليه ++ الساعه 11: نهى: فهده قومي بروح الحمام....تكرمون فهده: مسكرته عنك روحي نهى: واخوانك وين اوديهم فهده:اصلا رامي عندكم وحمد عادي نهى الا هو البلشه قومي لااكسر هالابجوره فوق راسك |
فهده: كم الساعه
نهى:11 فهده: زييين قد راحو العيال نهى: وين بيروحون فهده تتثاوب: مدري وش اسمها هذيك اللي يلعبون بالمويه نهى: ود وادي فهده: هاذي هي عليك نور نهى: وجع ليش يروحون فهده: خليهم يطافشون بالمويه ويجون نهى: بلاك ماتدرين وش هناك اي مطافش يرحم اهلك فهده: وانا ش دراني قلت بتاخذوني قال:الجدار وراك يمدحونه نهى: زيين طلعت من الغرفه وراحت الحمام لمى طلعت مالقت فهده استغربت دخلت لنص الغرفه الا فهده ماسكتها واشتغلت المظاربات وصراخ ومهاوش فهده: طيرت النوم من عيني نهى: ليش خويك فهده: وجع عيبب وكملو المطاق الين دخل ابو حمد عطاهم كم كلمه ++ ندى من رجعت للبيت وهي قافله معها بقوه دخلت كان مروان وائل ورامي بيروحون ندى: سفهتهم دخلت غرفتها حسبت بضيق الدنيا فيها مسكت جوالها واتصلت ندى: الو نسايم صوتها مبحوح: هلا ندى: وش فيك نسايم : ابد مافيني شي ندى: نسايم طلبتك تعالي عندي ابيك بشغله ظروريه نسايم : بشوف اذا صحى نايف رديت لك خبر نايف: خبر بايش نسايم كانت معطيته ظهرها : ابدا ندى تبيني اجي عندها نايف:ههههههههههههههههههههههه نسايم: ارتفع ضغطها ليش ذا يضحك وهي مجمعه عليه: في شي يضحك ايف: ايهه لان الاخ نواف مصحيني يبني اروح له نسايم شدها الحوار: صدق نايف: ايه اجل كذب فتره سكووووووت نسايم: وش اخبارك عقب امس ان شالله احسن نايف تغيرت ملامح وجهه: الحمدالله....الا من رجعك امس نسايم: فهد الله يعافيه نايف:الله يعافيه انا بروح البس تبين اوصلك اجهزي نسايم: طيب ++++++++++++++++++ في بيت خال فارس فارس: يمه شفتي بنات عمي ام فارس : ايه والله شفتهم ماشالله كل وحده احلى عن الثانيه ساره: هو يقصد وش رايك برهف ام فارس ابتسمت بوجهه: وش فيها رهف فارس: ماعليك منها ولاشي ساره: الا يمه وش رايك فيها ام فارس: قمر لا اله الا الله جمال ونعومه واهم شي اخلاقها ساره تاشر على فاررس اللي منسجم وحاط راسه على يده امة فاري ماقدرت تمسك نفسها : ضحكت عليه فارس اتنبه وطلع من الغرفه خلاها لهم ++++++ نسايم وصلها نايف وراحت سلمت ودخلت عند ندى نسايم: وش فيك انتي من دخلت ساكته ندى ماستحملت وبكت نسايم تعرف ندى مستحيل تببكي الا على شي يسوى نسايم: وش فيه ندى: انا رفضته نسايم: طيب هذا رايك انت اللي تبين هالشي ندى: فهمتها كل السالفه نسايم:اها ..ززكذا طيب اكيد ابوي ماراح يسوي الا الخير لك ندآ: تتوقعين نسايم: تستهبلين اكيد مااتوقع الامتاكده وجلسو يسولفون وندى ملاحظه شحوب نسايم وسرحانها اقتحم سلمان الجلسه : سللللام وش فيكم تناظروني كذا نسايم: ولا شي ناظرها سلمان كانه يبي يتاكد من شي: وش اخبار نايف نسايم/ بخير<<قالتها بحسره سلمان: ماودكم تتغدون انا حدي جووعان بعد السباحه اللي ولا احلى نسايم حست بغصه نجى: قالت: انتو روحز بروحكم انا والبنات بننزل بعدين سلمان: اوكي بس الشباب مابيون اقول خلني اخذها حجه واتغجى مع مشاعل ندى:عمـــــــــي خلي البنت اذا جت معك مب ماكله ابدا سلمان بدهشه: لييش ندى:لانك ماتستحي يعني ماعندك تتغزل فيها سلمان:اشوى بس كذا روعتيني الله يقطع ابليسك ++++++ اتفقو البنات ونزلو على الطاوله كل البنات العنود: بنات لازم نطلع اليوم ناديه: ايه والله نبي نروح لشي مشاعل: من بيودينا نناديه: ناخهم كلهم ندى: لا مو لازم نجرهم كلهم واحد اثنين يكفوون العنود: خلاص اجل نواف ضمان مني بيجي ماراح اليوم مع العيال بصبح ومريح ماتوقع يرفض ندى كان احد صفقها كف الحين هي ماتبيه يجي وبيجي اتفقو ان نواف وحمد: بيروحون للسوق اولا راحو للستي سنتر وكان زحمه على عادته حمد: شوفو انا بننقسم كذا مايصير نمشي مع بعض فهده: صادق اول مره تقول شي يفتح النفس حمد: بنت احترميني نواف: خلاص انا باخذ ندى والعنود ورهف ومشاعل حمد: والباقين معي نهى: من بقي يعني انا وفهده وناديه ناديه: لا انا ابي مشاعل تجي معي ابس اشاورها هي تعر ف ايش يناسبني نواف: خلاص خذوها العنود:هههههههههههههههههه والله كاننا بضاعه ندى: بروح مع نهى نواف: لا انت مايصلح تروحين محتاجينك ندى جلست عشر دقايق تفكر وش كان يقصد بس هو مشى وتعداها عشان يكون لها مجال تفكر كل واحد فيهم راحح بطريقه ندى ماكانت تشتري ولا شي تدور وتفكروبس لدرجه انها توقعت ابوه قايل له انها موافقه رهف: وااااو عنود شوفي هذا البادي يجنن العنود: يجنن خليه يطلع لك مقاسك رهف سالته وطلعت هذي اخر حبه العنود: خساره مره جنان نواف: وشو الخساره العنود: لا بس لقينا قطعه تجننن ولا في مقاس نواف:اها رهف: العنود تتوقعين تصير على ندى العنود: ايه اكيد رهف : اجل باخذها لها العنود: اصبري وينها هي نواف كان مركز معهم السالفه فيها ندى وتذكر هي وينها نواف تلفت بسرعه ولا لقاها طلع برى المحل اما ندى كانت بنفس المحل بس بمكان بعيد شوي رهف والعنود قاعدات يتشاورون نواف يبي يمسك اعصابه ويفكر وين راحت رجع دخل بيقول للعنود رهف انه بيدورها بس لقاها هناك نواف راح لها نواف: وينك خوفتيني عليك ندى طارت عيونها وش في الدنيا رجعت تناظر التنوره اللي معها وسفهته نواف: والله ذوقك حلو انا حب اللون البحري ندى رجعت التنوره بكانها بطريقه تنرفز يعني تراك مزعج نواف كان مهياء نفسيا لاي حركه منها ولا همته مشت وراحت للعنود وندىواعجبها البادي كثييير واخذته ++ نروح للحمد حمد ماسك مفاتيحه ويلعب فيها من الطفش ومن نهى اللي فقعت مرارته نظراتهاة طلع جوال واتصل على عبد العزيز حمد: بتذبحني والله عبد العزيز: من ايه نهى حمد: تناظرني كني سارق حلالها عبد العزيز: عندي فكره حمد:وش هي عبد العزيز: اسفهها وخله لاتناظرها حمد: مااقدر عبد العزيز: حمد:اوووووف ضف وجهك باي ++++++ وجلسو على هالحال دوااااره من مكان الا مكان بنهايه راحو بيتعشون كل وحده طلبت شي الا ندى رهف: يابنت انا اخبر اللي يسافرون يسمنون من اللاكل والمطاعم وانتي ولا في امل ناحفه مدري كم كيلو اطلبي لك ندى: مالي نفس العنود: مزاجك بيوديك للموت وش بيضرك لاكلتي نواف كان يسمع النقاش بهدوء ولا كانهة معهم نواف: خلاص خلوها براحتها ندى من سمعت حسه التفتت للجهه الثانيه رن جوالها ندى: هلا نسايم: هلا والله ندى: نسايم: ندى عندي اخبار ندى: ايش هي نسايم: اليوم سالني نايف اذا كنت اعرف شي عن موضوع الخطبه ندى تحمست ونست: ايوه نسايم: قلتله ايه هي قالت لي بس كان معصب شوي ندى: كذابه وش قال نسايم: تدريــــن ان نواف خاطبك من دون مايقول للعمتي ولا احد هو يبيك ماقالهم يعني هويبيك ندى بهتت بلحظه : يعني ايش تفرق نسايم: يعني ياخبله 80% بالميه يكون يحبك ندى: ايـــــــــــــش انهبلتي انتي الظاهر ماتعرفينهازين<<تتكلم بصيغه المونث عشان مايدري انهم يتكلمون عنه نسايم: الا اعرف يالمخفه طيب يش مايحبك ندى: عشان.....عشان.... يوووووه مدري نسايم: شفتي ندى: لا وكيف اتاكد نسايم: سوي مثل الافلام ناظري في عيونه ندى ماصدقت التفتت له وناظرت عيونه وشافت كل اللي قالته نسايم نزلت الجوال وحطت على الطاوله العنود: عيب عليك لاتناظرين فيه كذا ندى كانت عايشه عالمها ماتدري ان نواف عايش هالعالم معها قاطعهم صوت نهى نهى: ندىىىىىىىىىىىىىىىىىى وش تقولك نسايم سنه تردين ندى انتبهت على نفسها نزلت راسها سحبت شنطتها وقامت العنود: وين ندى: بروح دوره المياه راحت مشاعل: ياحلوه من هنا ندى كانت عاكسه الطريق راحت وطبعا جوالها على الطاوله ونسايم على الخط ساعه تناديها العنود:الو نسايم: بسم الله وين ندى ايش سوتي فيها العنود: الا وين اخوي تاركته وتهذرين بالجوال نسايم: نايف وفهد وعبد العزيز طالعين وانا اكلم اختي العنود: نفسي اعرف وش قلتي للندى خليتيها تبحلق بنواف كذا<<ياعمري ماتدري وش السالفه نسايم: انا ماقلت شي اسولف عادي العنود: اقطع يدي لو كانت سوالف بس اخليك الحين نواف: الحاله عنده غييير مايقدر يوصف شعوره كان متنح وشعور بالنصر والخوف والسعاده مختلط بداخله بس نظره ندى لها معنى بس بس ......التفكير تخذه ندى: راحت للدوره المياه<<<تكرمون تجمع شتاتها اللي سببه نواف جللست ذكرت كل كلام نسايم واستنتاجاتها سحبت نفس تريح عدلت نفسها وطلعت راحت لهموكانت غير راحت ندى ورجعت ندى ثانيه العنود: وش فيك ندى وهي تجلس ماتبي تناظر احد: ولا شي نواف كان يغير اسمه في البلوتوث ندى التفتت لقته مشغول اطمئنت نفسيا ان النظره هذيك مااحس فيها ماتدري ايش ناوي يسوي غير اسمه وحطه((نظره منك تشتتني وتللملني)) سوى بحث وطلعله اسمها اللي ماتغير ابدا((عاشقه الورد)) ارسل لها هي قرت اسمه استقبلت وطلعت اغنيه اميره الورد فتحتها ندى واكن صوتها مررره عالي اسمعت اولها وقفلته بعد ماعرفت الاغنيه سرقت نظره للنواف وتاكدت انه هو مرسلها قاطعتهم عنود العنود: نـــدى قولي تم ندى: تم بس علىا ايش العنود: ايش قالتلك نسايم ندى:ايشش لو تموتين ماقلت لك العنود:طيب كتنم تتكلمون عن مين ندى عصبت عليها مرررررررررررررررررررررررررررره لانها احرجتها ندى: اقول ورى ماتسكتين كنا نتكلم عن اللي نتكلم عنه يالملقوفه العنود: انا ملوقوفه الله يسامحك بس ندى:الا ملقوفه اجل تسالين حتى نواف صاحب الشان ماسال........انتبهت ندى على اكبر غلطه لها بحياتها العنود:نواااااااف كنتم تتكلمون عنه نواف كان مسبه ومستانس ندى جتها الصيحه وش تقول نواف: لالا اذا سالفه تخصني انا لازم اعرف نجى سكتت ماقالت ولا شي ولاناظرت ولاواحد فيهم حمد حس انم ثقلو دم شوي حمد: الا يانهى ......بتنومين عندنا اليوم نهى: وش عليك حمد: لا بس سوال عشان نفضي لك الدالوب نهى تفشلــــــت: فهده: اي دالوب الله يهديك حمد: اقصد سرير فهده: حمدان اسكت مالك دخل سكتو وكل واحد بقلبه شي ومر يومهم مثل باقي الايام فهده: نهى تعالي معي نهى: لا والله ماجي تعال انتي فهده:ليش لا المهم ترى سمعتان شيابنا بيروحون كلهم للبر بناء على طلب امي ساره ننهى: والله وناسه العنود: بنات هناك فكره ندى:وش هي العنود: الحين مو غرفتنا جنب غرفه خالي نفضيها ونفتح باب الطوارئ ونفلها بلحالنا نهى: تكفينا غرفه وحده العنود:لا انا ابي اجيب شمه وحثه وساره ندى: صح صح اوكيك اخذي الاوكي من الشياب ونجمعه تمورو العنود: ندى مادودك تقولين ندى: انقلعي عن وجهي يالله دام النفس عليك طيبه |
البـــــارت الثاني والثلاثثون
قامت مصدعه من ازعاج نهى وفهده امس من جد قلبو راسها بالازعاج والهيصه طلعت للاهلها لقت بالصاله نسايم وامها ندى: صباخ الخير ام فهد: صباح النور نسايم: هاه شبعتي نوم ندى: ايه ام فهد: العصر خالتي تبي تروح للبحر ومزعجتني تقول اخلصوبدري ندى: امي ساره بتطلع بالشمس والرطوبه الله يعنا عليها جلسو يسولفون وراحو وعلى الساعه 4 راحو للبحر جلسو وفرشو الزوالي الجده:ااااااه البحر يرد الروح وينسي الهموم الجد: افا اي هموم الجده: همومك الجد: انا ا الجد: افا ياساره الحين تقولين علي هم الجده: لا محشوم مو انت الجد: اجل من الجده: ياخي كلام ينقال لاتاخذ على كل كلمه الجد: لاتقولين ياخي انا زوجك الجده: ززززيييين +++++ عبد العزيز كان جالس بروحه ماخذ له زاويه يفكر والبحر قباله نواف طب عليه: ليش جالس بروحك عبد العزيز: افكر نواف: في ايش عبد العزيز: يالملقوف نواف: افا ملقوف بعد بقوووم مسكه عبد العزيز اصبراصبر نواف: وش تبي غبد العزيز: وش صار بعد الكف نواف: وش عليك عبد العزيز: اواجهه مشكله تشبه مشكلتك نواف: وشلون عبد العزيز: بس هي اللي تطقني نواف: صادق ..وشلون عبد العزيز: يعني اذا شفته لازم جزمه ولا رقعه ولا سبه يعني نواف شهق: فــــــهده عبد العزيز: وش دراك نواف: واضحه السالفه فيها جزم عبد العزيز: احترم نفسك نواف: هالبنت عنيفه الله يهديها عبد العزيز: ماتقصد والله نواف: ايه دافع تلقى طقتها عندك مالها مثيل ياحلوها عبد العزيز مسك جبهته وفيها اثر طقه : اي والله نواف: بعد هذي منها والله فهده معلمتك الاصول نواف: من يصدق عبد العزيز يحب وحب عربيجي ياسلام عبد العزيز: ماعليك انت بس وش سوييت نواف: قال كلل السالفه عبد العزيز: والله منتب سهل نواف: شسوي طريقه مريحه ومفيده عبد العزيز: ايه بس من جد قويه والله خالي مو سهل +++++++ قام نواف من عند عبد العزيز بعد عشر دقايق جا حمد حمد: قررت قرار عبد العزيز: مماهو قرارك؟ حمد: اني بناظرها نظارات استحقار منها اشوفها ومنها اعلمها ماتستحقرني عبد العزيز: حلووه ميب شينه حمد اجل يالله بروح انفذ سي يو عبد العزيزز: وافيني بنتائج عبد العزيز جلس يفكر الكل تحرك وصار يدور مصلحته الا هو |
+++++د
راشد: ناااايف نايف: هلا راشد: روح نادي نسايم وتمشى معها نليف: لا شكلها مستانسه كذا راشد: لاتجنني قم تكفى مدري لي متى بعلمك +++++++++++ البنات رهف: وش صار على الموضوع العنود: صححح اصبري اتصل على سوير العنود: هلا ساره: مرحبا الساع العنود: هلا سوير ترى اليوم بتجين عندنا ليليه للبنات العزابيه فقط نسايم دفتها نسايم: وااللله لاجي ماعلي منك واعلى مافي خيلك اركبيه العغنود: لالا نسايم: بروح للزوجي مالت عليك وتوها قايمهة ونايف جاي من حظها نايف: اشوى جيتي مالي خلق اناديك نسايم: ليش مالك خلق نايف: لا اقعد انادي خلينا نروح كذا نسايم: حتى انا كنت بجيك نايف: ليش نسايم:ابدا البنات جحدوني مايبون متزوجات قلت اجي عندك نايف: اها نسايم: الا انت وش تبي نايف: ابد قلت اخذك نتمشى انا للحين بشهر العسل ولا نسيتي نسايم: لا مانسيت ++++++++++++++++++++++++++++ العنود: ياللله سوسو ساره: ماعندي مانع بس بشوف فارس وامي العنود: فارس قوليله رهف تبيني اجي وبيوافق وخالتي خليها علي رهف تدف العنود العنود: ناس يزعلون من الحق وش فيك انتي ااااي رهف: اسكتي ساره:هههههههههااااي هي عندك العنود: هذي هي ساره: زييين العنود: اسمعي تعالي انتي وحصه وشمه اقنعيهم وتعالو اوكي ساره: اوكي العنود: اقلبي وجهك ساره:هههههه يالله بقلبه ++++++++++++++++++++++++++++ وجا الغروب وصلو على الساعه 7: العنود: عبد العزيز طلب قل تم عبد العزيز: تم العنود: نبيك تغني لنا عبد العزيز:ااممممم اوكي بس شوي نواف: يالله اقلبي وجهك العنود: اخوي العزيز نواف من زمان ماشفتك نواف: والله حتى انا وين الغيبات العنود: دنيا ومشاغل نواف: ورى ماتنقلعين للمشاغلك العنود:هههههههه زين بنقلع +++++++++++++ البيبسي: مروان: تدرون اهلنا وش كنهم وائل: ياحلوهم حلواه مشعل: يقطع سننين الحب تحب هل القبيله عشان وحده وائل: بكل الحالات بحبهم رامي:والله انك تحفه الحين غير جوالك يصير خير على الحب<<تفكير مراهقين وائل: لاجهازي حلو وانا مرتاح معه وفيه كل اللي ابيه ليش اغير مشعل: يعنبو االبخل اللي فيك وائل: خلني بجمع فلوسي مروان: ليش بتكمل عمار ولا بتصرف على عياالك وائل: لاوانت الصادق بتزوج مشعل: عمرك18 وشلون بتتززوج ممكن افهم وائل: لا اذا مشى مخططي ان شالله ابو22 متزوج مروان: اجل بدور لي وحده احبها مشعل:ليش مروان: عشان اخلص جامعه واتوظف علشانها وائل: لاتطنز ترى من جدي اتكلم مروان: والله اول مره احس ان حبك للناديه اثمر يعني دايم احسك مراهق وائل: اااااه ناديه هذي حلمي لازم اخلص الجامعه بثلاث سنين عشان اذا تخرجت تكون هي متخرجه من الثنوي واخطبها ماتدري لو مااخذها ايش يصير فيني مروان: انا ماحس انك مثل اول يعني تلاحقها وتبيها تكلم وائل: هذاك كان مراهقه بس حبي لها حقيقي ولا ودي ابعد عنها لحظه بس مالي صفه رسميه عليها ولا ابي افرض نفسي عليها يعني من الادب انا بتركها بحالها وان شالله الله بيعوضني اذا تزوجتها مروان ومشعل ورامي حسو انه يتكلم جد اكن يتكلم عن طموح مو عن مراهقه رامي: الاماقلت لي اهلنا وش كانهم مروان: صح شفت طاش ماطاش رامي ومشعل::::::هههههههههههههه صادق مروان: والله نفس اللمه وائل:ههههههههههههههههههههههه مروان: كانك فهد اخوي فاهي حتى بالضحك مشعل: امشو خلونا نروح للشباب ++++++++++++++++ نواف: عبد العزيز متى بتروح لهم عبد العزيز: البنات نواف: ايه عبد العزيز: شوي وروح نواف: تكفى خلهم هم يجون عندنا اذا رحت مانقدر نجي عبد العزيز: اامممم ليش نواف: انت فاهم فرصه لازم مانضيعها عبد العزيز: صح نادوهم وجو البنات الا ندى لانها راحت تكلم امها وبتلحقهم نواف: اكتئب لانه يحسها ماجت بسببه ++++++++++ عبد العزيز: هاه ست عنود وش تبين نغني العنود: امم بنات فكرو معي فهده: انا رايي...... العنود: اوووووش لايجينا شي من غبارك فهده: انا العنود: ايه كل اغنيه فيها غبار الدنيا من قدمها فهده: زيين حمد: انا اقول غني اغنيه رابح تحملتك عبد العزيز فهم قصده وبدى يغني نهى: كانت مسرحه تفكر ليش اختار هذي الالغنيه :: تحملتك بما فيه الكفايه***ولاظني بتحملك ثاني نهى مالقت جواب الا بعيون حمد عشان كذا التفت ولقته يطالعها بنظره غير الليي تعودت عليها منه فيها نوع من الاستحقار نهى ماتوقعت يوم انه بينقلب عليها حتى لوكان اللي تحس فيه اوهام سرحت بتفكيرها بنص الاغنيه نواف كان جنب عبد العزيز نواف ارتبش عبد العزيز غني اميره الورد بسررعه عبد العزيز قطع الاغنيه: وشو نواف: غني اميره الورد كانت ندى بطريق لهم عبد العزيز: طيب طيب طبعا الكل انتبه لان نواف قطع المود عليهم بدى يغنيى ندى لما قربت جلست ركزت في الاغنيه التفت على نواف على طول طاحت عينها بعينه اميره الورد ليش الورد مفتونك ***ليه بحياته يحاول يشبه الوانك كم من فراشه تمنت تلمس غصونك***والورد ياما تمنى يعيش بغصان التفتت خلصت الاغنيه وندى تناظر رمل الشاطئء العنود جنب ندى العنود: هلا والله باميره الورد خربتي المود علينا بسبه وردك ندى: انا العنود: ايه نواف خرب الجلسه بسببك ندى: نوااف العنود: ايه يعني ماتدرين من عقب يومنا بسوق وانا اشك فيكم صراحه ندى: خيييييييير تشكييين فين..... قاطعهم فهد: والله هالاغنيه جت بوقتها ياندى>>كان بعيد فلكل بيسمع ندى: ساكته فهد: ايش لون وردتك الييوم وريني شنطتك<<كانت اذا جت تطلع تحط الورد بسير الشنطه عشان العبايه ندى سحبت شنطتها وبعدتها فهد: لاتحولين شفتها بحري اول مره اشوف ورده بحريه مروان:ههههه مصخنه مشعل: مخنوقه نواف كان على وجهه ابتسامه ذات معاني<<احلفي): بحريه بس حلوه ندى ضاعت بخلاقينها وصارت تلعب بالرمل ++++++++ سلمان: هذي الاغنيه اهدا للزوجتي ياسر: لاتهديها سلمان: حنا بدبي مو بارياض يعني اوووش حكمد: خله حلاله احسن مننا ياسر: وش قصدك حمد: ولاشي سلمان: عبد العزيز غني انت بحري عبد العزيز: اختيار حلوو مرره خصوصا انا على البحر انت بحري وانا اليم يقولون اللي يقولي انا بحبك متيم خل العذال يموتون انت بقلبي غالي لو عنك يسالون انت بحري وانا اليم يقولون اللي يقولون مشاعل:تشققت من الفرحه والحيا معا عبد العزيز هذي الاغنيه اهدا لشخص واحد فقط قاعد هنا قهد: انا شكرا عبد العزيز: من زينك المهم لشخص واحد وبس ::: ضميني ضميني من شمال ومن يمين ***ضميني ضمه صغير يحبونه هله نهى: فهوده هذي اكيد لك فهده ارتاعت: انا لالا مستحيل بعدين هو قال شخص يعني ولد نهى: ياغبيه شخص يندرج تحتها الذكر والانثى فهده: اووش خليني اسمع كان صوت عبد العزيز رائع جدا جدا لانه يغني من قلبه قلب اضافه للموهبته الراقيه بعد هذي الاغنيه الجد: ياشباب ساره تبي سامري غنو لها فهد: امي ساره وشتبين الجده: ابي مريت باب للمحبين عبد العزيز: مانعرفه غيرها الجده: اجل ياجر قلبي عبد العزيز: ولا هذي مروان: امي ساره صايره سعاد حسني حقتنا مشعل: بنفتح لها روتانا زمان رامي:ههههههههههههههههه بعد مشاورات وغبار اغاني الجده مافيه سامري يعرفونه الا نحمد الله الجد: اجل مادمها نحمد الله قومو ياعيال ارقصو معي فهد: فلله بنرقص معك الجد: من كلكمك انا اقصد عيالي رهف:اخص عماني بيرقصون العنود: يعيشون خواالي ورقصو وردحو وقطو العيال يستهبلون ++++++++++ على الساعه 9 رجعو وتعشو جت ساره وشمه وحصه بعد لقناع وسوالف زن جوال شمه: الو هلا مرحبا بك...... اوه....لامو بالبيت....لاتزعلة ...أنزين...يصير خير....وانا بعد...بااي مشاعل: افا من تكلمين شمه: انا اكلم هزاع نهى: عيني عينك ساره:ههههههههه هزاع زوجها فهده: متزوجه شمه: لاملكه زواجي الاسبوع الجاي ترى كلكم بتحضرون مشاعل: زواج امراتي وناسه هيصو البنات الى الفجر صلو ونامو من التعب شمه وحصه استاسنو على الجو الفله اللي مستحيل يعيشونه مع غير احفاد ساره وحمد حصه: تفكر مطيحين الميانه بقوووووه معهم وهممايعرفونهم لو يعرفونهم ايش يسوون كان هذا سوال يدورر ببال حصه +++++++ الساعه 9 الصبح دخلت نسايم عليهم الغرفه وكانت مبهذله حب (فصفص) وقراطيس وناس نايمه بكل مكان نسايم نايمه شافت وحده نايمه على الكنبه نسايم تطالع من هذي مستغربه بعدين عرفتانها حصه شكلها غير نسايم شغلت التلفزيون وطوووولت على الاخير وطلعت بعد مارتاعو البنات ندى: انا بعرف الكلب اللي داخل ومسوي فينا كذا العنود نايمه ومضيعه جوالها يرن ا لعنود: الو نواف: قومي يالله العنود: وشتبي الله يخليك مو رايقه لك نواف:قومو بطلعكم اليوم العنود: هاه بعدين نواف: العنود قومي.... يسمع صوت ندى معصبه ندى: اف والله لو اعرف من السخيف اللي مصحين بالطريقه الهمجيه هاذي كاننا بسينما مو مكان نوم نواف: العنود ندى وش فيها العنود: شغلنا تلفزيون وزعلت<<<دايخه من النوم نواف: ليش العنود: مدري تقول بروح للسينما<<<ماتدري وش السالفه تسمع وتخرف نواف:اها طيب سكر الخط لانه يعرف العنود اذا كلمتةاحد وهي نايمه اذا قامت تنسى نواف قرر انه يوديهم للسينما عشان ندى وهو مايدري انها تحشيشه من تحشيشات العنود نواف: بعد الغدى نواف: بنات بطلعكم اليوم للسينما العنود: وش الطاري نواف كذا مزاج ندى ماهمها الموضوع اصلا ونواف تحطم شوي بس ماراح \حماسه رراحو وراحو العيال معهم كلهم لان الحريم راحو للسوق الذهب نواف: وش الفلم اللي تبونه<<<يناظر ندى العنود: هندي نواف: وعع صدق انكم بنات ندى تبي تعاند: نبي هندي نواف: براحتكم ودخلو الفلم الهندي بعد مرور نص ساعه هناك بدى الموال المعهود لكل بنت تشوف فلم هندي: بكي وصياح فهده: قعدت تشاهق حمد: هه نهى وش فيها فهده نهى تبكي: تقول البطل حلو حرام يموت وشهقت تصيح مروان نزلو دموعه من الضحك عليهم هو ومشعل حمد: استخفيتو حتى الهنود اللي بالصاله يناظرونا يحسبونا مهابيل فهده: مااااات حراام لااااااا مشاعل: فهده حي حي شوفيه ما مات متعلق بشجره فهده: والله مامات الحمد الله ندى كانت ساكته وتتحمد ربها ندى دموعها غاليه عليها حيل واماتطلع الا بوقت العصيب مو فلم هندي سلمان: هذا وانا اقول حرمتي سنعه اثره اخس منهم الاولاد مطنزه والبنات متقلبين صياح وضحك طلعو كانو كثار يمشون وندى كانت بعيده عن البنات نواف: شكل الفلم مااعجبك ندى ماردت عليه ناظرته نواف: ردي ياكافي مره سفهه ندى: والله كفك للحين مكفيني اذا اشتقت لك جيتلك تعطيني كف ثاني نواف تحطم من كل قلبه كان بخاطره انه عدل ولو شي بسيط من صورته قدامها كره نفسه وكره يده اللي انمدت عليها وقف بمكانه بعد كلامهاكان محبط ندى مشت وتركته وهي بداخلها بركان متلومه فيه وتحس ببتانيب الضمير وزعلانه منه كانت مشاعره مختلطه نواف لمى بعدو عن انظاره ولا شاف اثار ندى طلع وركب سيارته وراح عبد العزيز: غريبه وين نواف تو كان معنا حمد: دقيقه بتصل فيه........مايرد علي عبد العزيز: خلني ادق انا اتصل لقاه مغلق ندى كانت متوتره مررررره بعد اللي صار واختفاء نواف كان زياده يزيد الجرح ملح رجعو للبيت الساعه8 وندى على اعصابها مافي خبر عن نواف كان الكل عادي الموضوع عنده الا هي جت الساعه2 باليل ولا رجع جتهم العمه ودموعها على خدها ام نايف: ولدي مدري وينه مالقيته ولا يرد علي دخيلك ياخوي انك تدوره نسايم: ماسكتها وتهدي فيها ندى: كانت تتفرج من بعيد من شافت منظر عمتها كذا تحس وكان فيه شي طبق على صدرها تحس بالوم والذنب كانها خاشته عندها ابو فهد: خلاص يالطيفه اهدي اكيد رايح منا ولا منا لطيفه: لالا انا قلبي ماكلني عليه من كم يوم مدري وش فيه لا ياكل زي الناس ولا ينوم زي الناس |
| الساعة الآن 10:29 PM. |
Powered by vBulletin Version 3.8.7
Copyright ©2000 - 2025, Jelsoft Enterprises Ltd
دعم وحماية
مرسانا لخدمات الويب
HêĽм √ 3.1 BY: ! ωαнαм ! © 2010