أجواء جميلة وممطره على مدينة جدة .. 3/1/1432هـ

صبآحكم/مسآئكم .. رحمه .. وخير .. وبركه

ومسائكم .. أجواء حللوه .. وأمطار نقيه .. وكل شيء حلو


,,,


في يوم الخميس .. تاريخ : 03/01/1432 هـ

كانت الأجواء في مدينة جدة .. رووعه وخياليه ..

وما صدقت .. انه خميس نص دوام .. واخلص الساعه 2 مساء .. وع طوووول ع البيت


,,,


المهم .. يوم جيت البيت .. لقيت الأجواء شييي تجنن .. وقلت الظاهر بتجي أمطار ..

و ياارب جعله خيير







عاد .. جبنا القهوه وجلسنا في الحوش .. وإلا جاء المطر واشتد علينا ..

وقلت مافي الا اروح .. اعس المنطقة .. وأشوف الأوضاع

وهذا الجيب .. حقي .. والسيارة اللي جنبه .. حقت .. ( مهستر والله يستر )








,,,



قلت مافي غير الجيب .. سياره قويه ولو حصل لنا شيء نقدر نخارج نفسنا

وكان الجوو .. مرررره مطر














,,,


المهم .. قلت بطلع لـ شرق جده .. وبروح للجبال .. وأشوف السيول والأمطار








,,,,,


طبعاً الطرق خطيره .. ودرب سيل


وهذي الصوه .. لـ (وادي قوس ) وجيت وقت المطر .. قبل ما تجي السيول القويه

ولو تشوفونه فيه سيل بسيط ..

طبعاً .. هالوادي .. قبل سنه .. امتلأ بالسيل .. وسبب كارثة جده المعروفه

لأنه يروح على جزء من حي قويزة ..


وأنا يوم صورته .. واقف على قمة عاليه .. بحيث لو جاء سيل .. أكون بعيد عنه << خوااف










,,,


بعدها قلت بروح لبداية السيل .. يوم ينحدر من الجبال .. وبلحقه قبل ما يجي

عشان بشوفه ع الطبيعه ^_^














وهذي بداية السيل .. وكان بسيط .. والجوو يجنن

ولاحظوا .. رغوة السيل .. وهي أول شيء يجي في السيل

ويسمونها البدو ( رغوة السيل )









,,,


وهذا السيل .. كل شوي يزيد .. ويرتفع .. وأنا واقف








,,,


وقلنا بنقطع السيل مشي .. على بدايته








,,,


وبصرآحه بدأ يزيد بقووه

سبحان الله .. ما كنه الأرض الفاضيه .. اللي مافيها قطرة ماء ..

وكانت المويه تمشي شوي شوي .. وكل شوي تزيد








طبعاً كل هذا .. في أقصى الشرق .. من مدينه جدة ..

وهالسيل .. يبدأ من هالموقع .. ويروح على وادي قوس .. وتتجمع كل الأدويه الصغيره فيه

واذا زاد وصار قووي مرره .. يروح على شارع جاك .. وعلى جزء من حي قويزة

ولكن لقينا سد احترازي بسيط .. ولعله يسد السيل أو جزء منه

والسد ترابي .. وله مميزات وعيوب

من عيوب السدود الصغيره .. أنه يسد السيل ولكن لو صار السيل قوي .. ينفجر

ويأثر بشكل كبير على المنطقة اللي ورا السد ..












,,,


هذي صور للسيل ..







وقلت دام توه صغير .. خلنا نقطعه ونشوف الدنيا صح

لأنه والحمد لله .. ما كان قوي .. مثل اللي جاء بالسنه الماضيه

يعني كان بسيط .. وما منه خوف


















,,,


بعد كل هذا .. قلت برجع شوي .. واروح ورا السد << بايعها

ولكن ضعنا شوي .. وتغربلنا .. ^_^

وضيعنا مكان السد .. واستغربنا مافيه أثر سيل








,,,


وهذي صورة لغنم .. لقيناها في الطريق .. << اوم الشطحه








ودنا بـ تيس .. نآخذه ونشويه



,,,,,



ومثل ما كان توقعي .. اللي كنت خايف منه .. السد .. أنفجر شيء بسيط جداً


ولكن لقينا الشيولات .. والمحركات الثقيله .. متواجده .. من الحكومه ..

ما تقصر والله .. وشغااااله تلحق تدفن قبل ما يزيد السيل


,,,

وهذي صورة السيل .. بعد ما انفجار جزء من السد ..

ولكنه فقد نصف قوته .. وجاء ضعيف .. لأن القوه في السيل الأول المنحدر من الجبل

ولكن هذا ضعيف وما منه خوف







,,,,,



وش رآيكم بهالصورة .. ؟ سيل .. وعلى منظر غروب ..

وشسمه .. مدري وين قرأت موضوع أو رديت عليه .. يقول ان الرومانسيين يحبون الغروب

<< لآ توآخذونه ..








طبعاً مثل ما قلت لكم .. ما فيه خوف .. لأنه بسيط .. ومستحيل يوصل للعمران ..

يعني يمشي شوي ويوقف ..

بس قلت خلنا نقطعه ونلحق نرجع لطريقنا الصحيح .. لأننا محجوزين جوااا

















,,,


وأنتهينا ..





كانت رحلله ممتمعه .. جداً ..


,,,


وإن شاء الله استمتعتوا معنا

مع أني ما شلتكم معي


ودمتم .. س س سآلمين *_*

أنِـشاء الله تببسطون أسـامة ..
,أنشـاء الله تجينا بعد سيوال مثلكم ..
هههههه

على العموم أبداعت في التصوير,,
ومو غريبة على واحد مثلك ..
تسلم يدينك يا معلم

وآآآآآو تبارك الرحمن

هنيكم الرحمه ,, ويعطيك العافيه أسوم يا سلام يا سلام مراسلنا في موقع الحدث

وربي بجد استمتعت هنا .. و الحمدلله ع سلامتكم أسوم .. أنا امس سمعت فيه وخوفونا

بس دامو ما شاءالله جيبك سوى صولات وجولات عند السيل الله يعطيه العافيه وطولة العمر

معناتو ان شاءالله الأمور طيبه

يوفقك ربي ويسلم ايدك وكامك ما قصرت

الله واكبرر الله يجعله خير وبركه يارب
والله يطرح فيه البركه
توني جايني اتصال من المحبوبه ..
تقريب 90 كيلوعن حايل .. ماني قايل اسمعها
عليهم مطر من الساعه 8 صباح للحين وتبرق وترعد
وانشالله انزل لكم صور للموضع في وقت اخر
والله يستر ع الجميع يارب ..
اليوم جاينا رش احنا ياأهل الرياض
اخوي يحكي لي واهو طالع
يالله بالامطار والاجواء الزينه ..
ودي بطلعت البرر ..

تسلم اخوي أسامه ع الرحله الممطره
احذروم من السيؤل والله يكافيكم الشر

من جد جوو خقه

يستـــــــآآآآهل المغـآمره ..

آوســـــــــآآآآمه ..

آسامتعنـآ بقووه ..

مـآآآننحرم هييك طرح ..

❀❀