السلام عليكم
اخابركم ياحلووين
اليوم جايب لكم قصه من قصصي الخونفشاريه
خابرين الحواري ومشاكلها هذا عند الشباب
اما البنات والله مادري عنهم
المهم هذي قصتي
يومني زعيم حارتنا
ليه خلووني زعيم
لاني كنت قووي مره
لدرجه اني طقيت عشر طعشر بنقالي بصبع >> يابن الايه
لدرجه ان عيال الحاره مستغربين وينادوني (( مايكل جاكسن )) لاني كنت قووي
المهــم .. مــره من المراريرات ... جاني واحــد مــن عيال الحــاره يبــي فــزعتـي ... لان عيال الحاره اللي جنبنــا طقــوه...... وانا اللي اقــوله ابشــر .. والله لأجعلهن يندمون على طقك ولاجعلن دمائهم انهــارا .. لركب >> اقعد يالزير سالم
وتدرون ليش انا سويت كذا ... لاني كنــت احــب اخــت هالولــد.. وكانت هي تمــوت فينــي ... خصــوصا اذا لطخــت وجهــي بالفـــازليــن وقمــت ألمــع في الشمــس والذباب متجمع حولــي .. وبنطلــوني اخضــر وبرتقالي .. والفنيلــه الزرقا
والكم الاصفر تحس اني لوحه راسمها بيتهوفن >> متعوب عليها هع
>> لا والله نحسك زبالة بيتنا
وكنــت اذا مريت من قــدامهــا انفــاسها تتــوقف من الحــب ومن الاعجاب
>>وانت الصادق .. انفاسها تتوقـف مــن ريحتـــــك الخـــايسه
المهــم ... خوينــا هــذا .. اللي طقــوه ... شـــرانـــي مــرررره ... بس مشكلتــه انــه غبـــي ....
لدرجــة ان كل واحد في العالم يوسوس له شيطــان واحــد .. اما هــو عنــده خمـــس شيــاطيـــن .. واحـــد يوسوس لـــه والاربعـــه والباقين يفهمونه
بــس عــاد لازم افــزع معــه عشــان اختــه ما تقــول انــي خــواف ...
. وعلى قول المثـــل .. لاجــل عيــن تكرم عينك ياللي لعينك تحزن عين وتفرح عين
ههههههه
المهــم
... رحــت ان وهــو للحــاره الثــانيــــــه .... طبعا عيال حارتنا الباقين ماراحوا معــانا
لانهــم عــارفيــن ان عيال الحــاره الثــانيــه
.. كلهــم جلــوف وكبــار ونشيطيــن ....
واول ما خشينــا حــارتهــم وانا اللــي اصيــح باعلــى
وينكــم يالدجــاج .. اللــي يقــول انه رجـــال يقــابلنـــي ... واللــي يــرشنــي بالمــويه ارشـــه
بالكلب
ومــا امــدانـــي اخلــص مــن كلامــي الا ذاك الكــف اللي يمشــي تليريون مدري وش اسمه
>> يرحم امك قل مليوون اسهل
والتفــت بســـرعــــــه ... واشــوف قــدامــي سيقــان آدمــي .
.. وانــاظر فــوق ... هالولــــد اللــي ما قدرت اشوف وجهــه مــن
طــوله ... والله ياهــو كبيـــر >> مسووي صاادق
اعتقــد انــه من انواع الديناصورات
وقــال لي : عــد اللــي قلتـــه
وانا الي قامت رجولي تتصاقع مع بعض وقمت اتنافض كاني رقاصه
قلت : والله ماقلت شي .. بس امي ارسلتني اشتــري خبز
ولا لقيــت في بقالتنــا شــاهي قلــت اجــي بقــالتكــم اكيــد راح القـــى طمـــاط
>> ينعن ام التصريفه الخووف ومايسووي
وهـــو اللــي يمسكنـــي مــن فنيلتــــي ويجــرنــي فــي الشـــارع
اللين صار الشــارع يلمــع من النظــافـــه
طبعــا خــويــي اللي كان معي انحــاش وجلس يراقب الوضع من بعيــد
وخلاني مع اندريه العمــلاق بلحــالي
وقــام يبقــس فينــي ويكفــخ فينــــي .. وانا اقــوله مستسلم
والله ما اعودها ... وهــو يضــرب فينــي بجد واخلاص بالدين والعقيده >> شطح
وانا اللي انفلت منــه وانحــاش .. والله ذيك اللحظــه لو كان فيه سباق كان اخذت الاول بدون منافس
المهم
وصلت حارتنا .... وانا اللي اشــوف البنــت اللي احبهــا قــدامي
وقامت تنــاظر فينــي مستغــربه طالع وجهــي كنه كراسة رسم طالب في اولى ابتدائي
من كثر الجلد الي جاني
وقامـــت البنـــت تضحـــك وراحـــت
وانا اللي اقــول في نفســي ايه هذا الحب اكيــد انهــا ضحكــت
لانهــا معجبه فيني وفي شجاعتي ويمكن تبي تخفف علي من هول المضاربه
شفتو الحب وشلوون
المهم
طــاح وجهــي .. وعــرفت ليش البنــت تضحــك
لانهــا صــادتنــي على حقيقتـي وعــرفــت انــي دجــاجـــه
وصرت مسخــره في الحــاره .. لدرجــة ان جانــي عقــده نفسيــه اسمهــا .. فرانكفورت
>> لاتدققون بالاسم
المستفاد من الموضوع
1- لاحد يتلقف على احد >> براا
2- لايصير فيكم مثل ماصار لي >> عليك مستفااد انما ايه
3- لاتسووي نفسك قووي ترى بيجي الاوى منك >> ترا ماقصد نفسي
المهم : هذا الموضوع من مخيخ الاستراتيجي
تحياتي
منقووول لشخص عزيز علي ولزيز زيكم
اتمنى تعجبك قصته
|[ فعاليات المنتدى ]| 
العرض العادي
