::روابط مهمة:: : استرجاع كلمة المرور| طلب كود تفعيل العضوية | تفعيل العضوية | تسجيل عضويه جديده

 

هذه الرسالة تفيد بأنك غير مسجل لدينا. لتسجيل الرجاء اضغط هنـا

مواضيع لم يرد عليها


|[ فعاليات المنتدى ]|

مركز تحميل هيبة ملك

الـمدونـآت

الجمعيه الخيرية

( قريبآ



•« ..: عـذب الـكـلام :.. »• ممـآ راق وإستراق / حروف كتبت بماء الذهب

الإهداءات

فقدتكـ حيـــــل....ياقلبي.....

•« ..: عـذب الـكـلام :.. »•

إضافة رد
 
Bookmark and Share أدوات الموضوع إبحث في الموضوع انواع عرض الموضوع
قديم 01-11-2012, 03:42 AM   #1
الييمه
[مشرفه قسم : الصور + الجوال ]


الصورة الرمزية الييمه
الييمه غير متواجد حالياً

بيانات اضافيه [ + ]
 رقم العضوية : 5718
 تاريخ التسجيل :  Sep 2011
 أخر زيارة : 06-27-2013 (12:40 AM)
 المشاركات : 1,699 [ + ]
 التقييم :  2051
 الدولهـ
Saudi Arabia
 الجنس ~
Female
 MMS ~
MMS ~
 SMS ~
حين اشتـــآآق اشعر وكأني[ مدمنه]تنتظر جرعه
فأحقن نفسي بذكرياتك واغفو معها
 اوسمتي
:: وسـآم آلمصّور آلآسبوعي :: :: تميز ذهبي :: مميز البلآك بيري + الأيفون :: الانتقاء المميز :: 
لوني المفضل : Black

اوسمتي

افتراضي فقدتكـ حيـــــل....ياقلبي.....



فقدتكـ حيـــــل....ياقلبي.....




تدري وش وقَّف غيابك ؟
وقَّف غيابك [ سنيني
] !
نبض قلبي

ليه ساكت ؟
والدموع اللي تباكت ؟
كل هذا صار فيني !!
يعني معقوله تغيب
وما تراجع بـ القرار
؟
منظر غيابك كئيب !
واقف بـ " سكة قطار " !
في قفص صدري ربيت
كيف أحس الطير طار ؟
لا
نهاري هو نهار ..
وفيك أسهى ما دريت !
ومن يكلمني يقول :
يا بخت من به سهيت
إنت ما حسيت يمكن
والغياب أكبر دليل
:/
دايم يردد لسانك :
" لذة الشي القليل
"
راضي قلبي في قليلك !
المهم ألمح وجودك
تحترق أعصاب قلبي

وإنت غايب
!
يا برودك !!!




تدري وش ب ع ث ر
غيابك ؟
قلب من تغليك عينه !
من بعد ما كان يشوفك
رغبته ومعنى سنينه
ليه يا عيني بكيتي
؟
قالت عيوني : حزينه
!
قلت يرجع إن هديتي
قالت إبتنهيد : وينه ؟!
هذا " قلبك
" بين إيدينك ..
وما أبيك ترده لي !
من كثر ما قلت :
وينك
؟
صرت أسألني علي !
ضعت في زينك وشينك
مات قلبي و إنت حي !
ما تهم صارت سنينك
وما يهمني كل شي !
كل هذا وإنت باقي ..
مستغل نقطة فراقي !
ما لقيت بوقت همي " شخص " ..
وبـ الفرحه ألاقي !





تدري وش معنى غيابك ؟
يعني " الموت
" المحقق !
عمرك إنتَ شفت [ دفتر ] ..
من غلا شخص يتشقق !
يعلَم الله .. وش [ ظروفي ] ..
يا بعد عيني .. وشوفي ..
مدري وش فيها حروفي !
ما تبي تكتب (
أحبك
).. !
ليتك .. الليله " معايه " ..!
ليمتى وهذي السوالف ؟
كل ما جيتك .. تخالف !
قول إذا عـ البُعد حالف
وما تبي ترجع لي ثاني !
قول ..
علمني ..
عشاني
لا تعلِّقني .. بـ دربك
بين قلبي .. وبين قلبك
!
ما أبي أكثر .. أعاني ..
عـ الأقل , عطني [ نهايه
] ..!
من أماني لي أماني
في دقايق في ثواني ..
أحترق وأقول :
وينك
..؟
إيه وينك
..؟
وين عينك !
يمكن بـ لحظه أشوفك ..
ويمكن إنِّي ما أشوفك !
وبين كل يمكن ....
أموت
!
وأرجع أرجع للسكوت
يعني أرجع للـ " بدايه
" ..!




مدام الشوق ما جابك
وبـ/قلبي
الشوق متنثر :
غيابك حيل يذبحني

ويخلي الحب
يتعثر !
قليل إن قلت في حقك
ومهما قلت أنا مقصِّر !
كثير أشياء تدفعني
عليك ،
إعذرني ما أصبر !
أحبك (
لا
) ما أبيها !
أبي أكثر من [ أحبك
]
ومدامك دنيتي فيها
حبيبي ما أبي "
أكثر
" !
قدرت أنسى جميع الناس
وفعلاً صرت أنا ناسي
..!
يا ماخذ منِّي الإحساس
أبي أنساك ....,
ما أقدر !!
معاي إنتَ أكون بخير
وقلبي حيل مستانس ..
عن العالم حضورك غير

وفيك [ الكل
].. متأثر !
تبي تقسى تبي تبعد ؟
وأنا أشتاق لك ويَّاك !
تعال إن جابك الموعد
أنا ما أبيك ( تتأخر ) !
حزين القلب بـ غيابك :"(
وفيه الجرح ما
يصغر
!
أقول أشفى مع المُدَّه !
وأشوفه يكبر
..
و يكبر
.....!





تدري وش يقهر
غيابك ..؟
[ قلب
] في الغيبه سهر !
كل خلق الله إذكروني
وإنت ..
ما عندك خبر
!
يعني ما هزِّك قصيدي ؟
كل ما تقرا ( جديدي ) !
ودِّي أسمع رَد / مُقنع :
وينك بـ عيد الفطر
؟
كيف من غيرك أعايد ؟
يـ اللي " متهنّي " بـ عيدك ..
عطني الحل المُحايد
فيدني ...
الله يفيدك !
لا
حياتي /
هي حياتي ..
و الصبر ؟
وين الصبر !
راح مثلك يا غلاتي
وما بقى فيني [ عُمر
] ...!
عيد

وإنت بعيد عنِّي ؟
بذمتك هذا إسمه ( عيد ) !
كل من جاني يهنِّي
قلت :
دونك مو
سعيد
..!
بس ....,
تذكَّرني بـ غيابك
..
والفَرَح يملي ثيابك :
عيدك مبارك حبيبي
وعيدي من غيرك ..
قهر
!




تدري وش غيَّر
غيابك ؟
غيَّر " غيابك
" نصيبي !
غلطتك سدِّييييت ( بابك
) !!
و غلطتي ويَّاك : طيبي !
زين ما فكَّرت ....
فيني ؟
قبل لا تترك سنيني ؟
وش أسوِّي في " إيديني " ؟
ما تبي غيرك
حبيبي
!
من يشاركني حياتي ؟!
و " نصّي الثاني " .... خذيته !!!
وش بقالي من غلاتي ؟!
وقلبي من شفتك .... نسيته !!
من يحب إنسان ناقص ؟
ما معاه إلا " الجروح
"
إنت في الغيبات راقص !!
وآنا [ موتي
] من تروح !
ما رضى قلبي جروحك
ليه ترضى لي جروحي
!
إنت " أحزاني
" طموحك !
وآنا أفراحك [ طموحي ] !!




تدري ليه أكره
غيابك ؟!
...... لأني في الغيبه / أموت

" ضيقتي " بعدك تجيني ,
و ( البُكى
) من غير صوت !
اسأل [
الضيقه
] : بديتي ؟
قالت إنّك فيها .... راضي ! .
دام قلبك
صار – بيتي
لا يصير البيت { فاضي
}
في غيابك شوف وجهي .!
أدري متغيِّر عليك ,
كل شي " منّك " وحشني

: كل تفاصيلي تبيك
:
ليه أشوفك في (
منامي
) ؟
ودوم أحس إنّي بـ جنبك ؟
لو نويت / أقسى .... بـ كلامي .!
أفقدك أكثر , و أحبك

تدري لو بيدي ؟؟ .. : كرهتك

بس هـ الشي مو بـ إيدي !!
شوف بـ غيابك [ مدحتك ]
و ما
رضى يذمِّك قصيدي !





تدري وش " يحرق
" غيابك ؟؟
إللي جايب لي / التعب
... ؟
( يحترق قلبي
) , لأنه :
قلب حبي .. من خشب
!
لا تشب النـار
فيني .,
وتشعل , أيامي , و سنيني
يا حبيبي كنت : أبكي
:
و ما تطفّي النار - عيني
!
حبي لك مثل " السحابه
"
أعشقك و أروي ترااابك

مادريت ( الحُب غــابه
)
و إنت /
ممنوع إقترابك
!
ما سمعت أصوات غيرك !
كنت أسمع بس [ صوتك ]

هذا شرّك
, وين خيرك ؟؟
- ما تخاف إني أفوتك !
كلمة توصف لك عذابي ؟
يحرق إحساسي : غيابك
صرت أقرب من ثيابي .
و تحسد عيوني ثيابك !
صوتي , الباقي ( معايه )
و صوره { بروزها سكوتك }
إنت عايش ! في النهايه ,,
و آنا بـ الفرقى : أموتك
!





تدري وش شفت بـ غيابك
؟
شفت وش يعني { السواد
}
تلبس إنت الثوب الأبيض
وألبس " ثياااب "
الحداد
!
ينتكس لـ إحساس فيني
- ما أشوفك ! وين عيني ؟
قلت لـ/الفرحه : أجي لك ؟
قالت آسف : لا
تجيني !!
كنت أحلم في [ الخيانه
]
وصرت أشوف الـ
ح
ـلم دايم !
يالله عاد / إكذب أمااانه
وقول إني كنت : نااايم !
الغياب . . . أثّر علي

ما أتحمّل . . أي شي !!
موتي كل لحظه أشوفه
ليه جبت الموت لي .؟
البقى براسك يا غالي

وعظّم الله فيك , أجري ..!
في غيابك هذا حالي
في إيدي أحفر لي قبري
!





ليه وربك ؟
من تخون ؟
ومن عشانه ؟
من هو يسوى في عيونك
من هو أشغل فيك ذنبك
وغيّر إخلاصك " لسانه " !
ياه يا صدقي ويا كذبك
أعتبر هذي . . . إهانه !
{ الأمانه ~
.......... قلب حبك
!
وَ
~ إنت
}
........... ما صنت الامانه
!
تعتقد . . هذا جزاي ؟
طعنتك جت من وراي
وقلبي ينزف لك حنانه !
روح له وعطني وفاي ,
رجّع إحساسي مكانه
وإنتفارق , في هدوء
ما نعيد . . الإسطوانه
إنه بعض الظن سوء
وإنه بعض الحُب إثم
عاشق وأطلب لجوء
شاعرك إطلق عنانه
لا تسولف لي عليهم
" النوايا و الخطايا "
حتى لو عندك سوالف
إحتفظ فيها لـ [ نفسك ]
إنت مجرم في عيوني
وثابته فيك الإدانه !
قلبي
لك فارس شجاع
ما ترجّل من حصانه
عاش لك في كل لحظه
ومات لك فارس زمانه !





تدري وش قوّى غيابك ،
" قلب
" عذّالي . . علي !
يا هواي إللي بـ صدري
أختنق - لو فيك شي !!
لا يموت "الحُب
" فيني
وإنت في غيابي تعيش !
بس أبي عينك بـ عيني
وقول : هذا صار ليش ؟
من خذاك ومن خذاني !
من بكى لي ومن بكى لك
!
إفهم الجمله : عشاني ،
يحكي عنّك من حكى لك .
أدري تسأل وش بسوّي ،
{ كل حادث له - حديث }
ما يعكّر - صفو جوّي :
لا ( خبيثه ) ولا ( خبيث )
إنت في الغيبات تَلهو !
وآنا في قلبك - فخوراً
فاز بـ اللذات
، منهو :
كان يا عمري " جسورا...






تدري وش سوَّى غيابك ؟!
مـوَّت غيابك سوالف ..!
ما يخوِّفني زماني
بس من فرقاك خايف ..!
فجأه أصحـى ومـا أشوفك ..!
لا تهددني ... ظروفك
إعتبرني .. حلم / واقع
وإلاَّ ظلٍ ما يطوفـك
ضاميٍ عطشان .. جيتك ,
لا يعشمني سرابك ..!
تسمح بكلمه ؟!
............ بغيتك :/
قبل لا تبدي غيابك ..!





تدْري وشْ معْنى
غيابكْ
؟
يعْني :
أسْوَءْ شيْ شفْتَهْـ طولْ عمري !!
تبْدي ضحْكاتي هلابكْ
وفي وداعكْ
ما ينامْ الجَرحْ بدْري !
وإنتْ كيفكْ
شوفْ وشْ ناوي عليـه !
هاكْ قلبي وهاكْ سيفكْ
وسوْ فيني اللي تبيه !
لا تحاتيْ
صفّحْ بكيفكْ جروحي
وإشْطبْ آمالي و طموحي
وإعْتبرْ قلبي كتابكْ !!





تدري وشْ ح ط ّ م غيابكْ ؟
مرْكَبْ بداخلْ شعوري
منْ نسى قلبكْ .. حضوره
قلبي ما واجَهْ / شعوره
عندي ما بـه شي ضروري
فاقد إحساسْ الأماني
لا مراسي لا مواني
وصارتْ الدنيـا / قسى !!
وصار دوري ..
أعشق أنواعْ الأَرَقْ !
وألفظ أنفاسْ الغَرَقْ !
وصوت معناه الخَطَر !
وقلبْ ميّتْ / يحتضر !
منْ غيابكْ السلامه
فيها قلبي ما رسى !
لا صباحي هو صباحي !
ولا مسا قلبي / مسا !
يا حبيبي في .. غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني
والسؤال اللي ذبحني :
- صدق هو فعلاً نسى ؟
راح وأهداني الأسى !
وما وصلتْ إلا لـ حقيقهـ :
الجفـا أسْهَلْ طريقـه لـ/القسى..!





تدري لو ينطق غيابك ؟
بس أبسأل وين كنت ؟
ووين رحت بغيبتي ؟
وبسأله عن وضع قلبك !
هنت عنده أو ما هنت؟
ياللي مِن غيرك حياتي/
ما لها داعي ومعنى !
صار قلبي ما يحاتي:
بعد ما تخليت عنـه !
إيه كل الناس عندي
بس مابيهـم بدونك ..!!
تدري يا عمري بأنك .,
عندي كل الناس إنت !
ومهما تجرحني / مسامح
وكِل طعناتي / عوافي
عشت وافي لدنيتك
وبموت وافي ..
ما اخونك لو تجافي
ما هو آنا اللي إن ضاقت علي الدنيا / خنت !




غيبِتِك [ قسمه ونصيب ]
خلْني أشرَه عـ ( الزمن )
يا حبيبي .. ما هو عيب
إن بكى فينـي .. الوزن
( يا تصيب و يا تخيب )
[ فكره ] .. في بالي تزن
إنتَ [ أكثر ] مِنْ حبيب
إنتَ لي .. معنى ( وطن ) ..!!
يعني مِنْ غيرك " غريب "
ما أساوي .. أي ثمن ..!!
وإنتَ أقرب مِنْ / قريب
[ رمش ] وشعوري جفن
ولما عَن عيني .. تغيب
لا مدينـه .. ولا سكن..!!
مااااتــ .. إحساسي العجيب
وصرت أبحَث عَن كفن.!!
ما هو كل جرحٍ يطيب
وما هو كل حزنٍ : " حزن " ..!!





تدري وش ناتج غيابك ؟
زادت بـ قلبي الهموم !
[ الفَرَح ].. عنِّي مسافر
وحزني ضيفي كل يوم
صرت أسأل
صرت " ضايع "
حلم هذا أو حقيقه ؟!
كنت شاري وإنت / بايع
به مثل هـ الضيق ضيقه ؟!
عطني من وقتك / دقايق
شوف وش فيني
و روح !
يا حبيبي حيل ضايق
حس مرَّه بـ الجروح !
يعني جرحي ما يهمِّك ..!؟
وعادي عندك لو [ أضيق ]
إنسى إنَّ إسمك .. حبيبي
صير لي عون و صديق
ليه قلبك .. ما يبالي ..؟
وقلبي " محتاجك " يبيك
إنتَ عندي شخص غالي
تكفى لا تصدمني فيك
ما بقى لي شخص / غيرك
وإعتيازي لك .. تعب
إيه محتاجك وشوقي
نار وغيابك " حطبــ " !





عليك شلون ما أزعل ؟
وتسوِّي أشياء تجرحني !
تضايقني بـ أفعالك ..
وتظن إنِّك مفرحني ؟
تسوِّد وجهي بـ طعونك ..
وتبيِّض ( وجه ) أحزاني ..!
[ ياليت ] اللِّي حصل منِّك ..
حصل من واحدٍ ثاني !
مثل غيرك ومنتَ غير ..
جرحت جروح ما طابتــ ..!
هقيته فيك يطلـع خير ..
ولكن هقوتي " خاااابت "
صدمني الكل ..
ومو ناقص !
بعد منِّك تجي صدمه
تحطْها بذمِّتك ( عادي )
وسيعهـ صارت الذمه !
بسيطه كانت أحلامي ..
توقعتك تحب لي الخير
وتدوِّر .. راحة أيَّامي !
وأشوف إن الحقيقه غير ..
تحب الخير لـ جروحي ؟
حبيبي الوقت ما قصَّر
وكلمة حق .. يا روحي :
( جميع الناس تتغيَّر ) !!!




تدري وش ينهي غيابك ؟!
ينهي أحلامي و [ طموحي ]
ويبتدي مشوار حزني ..
وتنتشر فيني جروحي !
ما بقى للشوق حاجز
من كثر ما عاش فيني
كيف أقول : إشتقت لك ؟!
وصورتك دايم بـ عيني !
كيف أضحك ؟!
كيف أنسى ؟!
وإنت غايب عن مكانك
لو يخون الكل ويقسى
قلبي لك عمره ما " خانك " ..
ما قدر يترس عيوني ..
من بعد عينك عيون !ليه مستغرب جنوني ؟
يا موصلني الجنون ..
شفت كل الدنيا هذي ؟!
ما تساوي أي شي !
قمت أسأل نفسي [ وييينك ] ..
من معاي ؟
ومن علي !
وبـ/النهايه لا تحاتي ..
تبقى في دفتر حياتي :
أغلى كلمه ..
وأحلى كلمه !
إنطقت فيها " شفاتي " ..!




تدري وش " يقتل " غيابك ؟!
يقتل إحساسي و عمري !
وين رايح عن عيوني ؟
ليه ؟
تو الناس !
بدري !
إدفن أسراري معاي ..
ما أبي أي شخص يدري
لا تسولف من وراي !
خل يكون الحب " عذري " ..!
وإن سأل عني قليبك ؟!
لا تفكِّر في الجواب !
قول [ إحتاجك ] حبيبك ..
وإنت لاهي بـ الغياب !
من يحبك
......... وش مصيره ؟!
- " يحترق " قلبه أكيد !
تنهي أحلامه الكبيرهـ ..
وتبدي في حبٍ جديد !
ولا يهمك قلب حبّك !
وضحَّى في عمره / عشانك ..
المهم يرتاح قلبك ..
وتلقى في الدنيا / مكانك !
صرت أبعد من منامي !
وكنت أقرب من ثيابك !!
أختصر باقي كلامي ؟!
حيل يقتلني غيابك




تدري وش بكَّى غيابك ؟
موق عين اللي تحب !
مهتني حضرة جنابك
والمشاعر " تنتحب " ..!
المطر من غبت ينزل
إمتلت عيني وخدِّي !
ما رضى قلبي يعزِّل
رغم إنِّك صرت / ضدِّي !
إستحَت منِّك [ طعوني ] ..
وما قويت أصير ضدِّك !
ليت ما شافت عيوني
من يذمني [ ضيف ] عندك !
إنسَحَب فرحي / وطموحي
ويني عنِّي ؟
- ما دريت !
صرت أضحك من جروحي
وداخلي ياما ( بكيت ) .. !
صارت الراحه / ألَم
واللي باقي ..
ما سَلَم !!
" التَعَب " واقع أعيشه
قلبي بـ الفرحه حَلَم ..!
دمعتي تمشي تسولف
وإنعَمَت عين الشفايف
وكل دمعه تطيح منِّي
إنكتَب فيها " حسايف "
مو غريب أبكي عشانك
الغريب إنِّك .. تخوِّن !!
ويبقى مثل أوِّل مكانك
وأعتبر هـ الجرح ( هيِّن ) ..!
فدوه لك جرحي و ضيقي ,,
المهم قلبك يحب
تدري وش موتي الـ حقيقي ؟!
[ من حياتي تنسحب ]





تدري وش صحَّى " غيابك " ؟
جرح نايم من سنين !
ما ربحت
وما فرحت
جرحي فيني يستهين !
غيبتك كانت خساره
إفهم التعبير زين
من ترك قلبك دياره
وجه جدرانك ( حزين ) !
دمعتي تملي عيوني
عين تسأل فيني عين
تبكي فيني أو بدوني
وضعت بين الدمعتين !
وين أيَّامك يا " غايب " ؟
قلبي يسأل قول وين !!
يا بعد كل الحبايب ..
شوف وش سوّى الحنين !
نمت وفي حلمي لقيتك
وقمت أردد كلمتين :


لا تغيب أكثر فديتك


 
 توقيع : الييمه

استغفـــــــــــر الله العظيـــــــم عدد ماكان وعدد مايكون وعدد الحركات والسكون




.يداااعبها الخجل منووووره
يامرحبا الساع بالذيب الامارات
يامرحبا الف ب الناس اجناااس


رد مع اقتباس
قديم 01-20-2012, 12:24 AM   #2
شيخة السعوديه
:+:هيبة ذهبي:+:


الصورة الرمزية شيخة السعوديه
شيخة السعوديه غير متواجد حالياً

بيانات اضافيه [ + ]
 رقم العضوية : 5776
 تاريخ التسجيل :  Oct 2011
 أخر زيارة : 02-28-2014 (03:18 AM)
 المشاركات : 1,042 [ + ]
 التقييم :  482
 الجنس ~
Female
 MMS ~
MMS ~
لوني المفضل : Dimgray

اوسمتي

افتراضي



طرح في قمة الروعه حبيبتي

تسلم الايادي وننتظر الزود

يعطيك العافيه


 
 توقيع : شيخة السعوديه

ســبــحـان الـلـه وبـحـمـده ~~~ سـبـحـان الـلـه الـعـظـيـم


رد مع اقتباس
قديم 01-20-2012, 01:12 AM   #3
joodY
:+:هيبة برونزي:+:
سبحان الله وبحمده


الصورة الرمزية joodY
joodY غير متواجد حالياً

بيانات اضافيه [ + ]
 رقم العضوية : 4581
 تاريخ التسجيل :  Jun 2010
 أخر زيارة : 12-18-2015 (06:39 PM)
 المشاركات : 547 [ + ]
 التقييم :  40
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Darkgreen

اوسمتي

افتراضي



يعطيـكٌ العــافيــةة ع الطرح ..
طرح رائعٌ كــٌ ٌ ٌ رووعــ’’ـةة مواضيعك .
دمتي مميــزة اليمــه .
يستــأهٌل اللـآاآيــكـٌ ٌ ٌ ٌ ,
ووديٌ


 
 توقيع : joodY



وينٌ مٌ ٌ كـنت يسعدكٌ ربيٌ ٌ ..

....
ذيـب الامـارات
يٌ ٌ مرحبٌـآ منوووووور التووقيع :


رد مع اقتباس
قديم 01-20-2012, 11:31 AM   #4
الييمه
[مشرفه قسم : الصور + الجوال ]


الصورة الرمزية الييمه
الييمه غير متواجد حالياً

بيانات اضافيه [ + ]
 رقم العضوية : 5718
 تاريخ التسجيل :  Sep 2011
 أخر زيارة : 06-27-2013 (12:40 AM)
 المشاركات : 1,699 [ + ]
 التقييم :  2051
 الدولهـ
Saudi Arabia
 الجنس ~
Female
 MMS ~
MMS ~
 SMS ~
حين اشتـــآآق اشعر وكأني[ مدمنه]تنتظر جرعه
فأحقن نفسي بذكرياتك واغفو معها
لوني المفضل : Black

اوسمتي

افتراضي



المشاركة الأصلية كتبت بواسطة شيخة السعوديه مشاهدة المشاركة
طرح في قمة الروعه حبيبتي

تسلم الايادي وننتظر الزود

يعطيك العافيه
ياشيخه انتي الرووووعه
سلمتي الغلا


 

رد مع اقتباس
قديم 01-20-2012, 11:32 AM   #5
الييمه
[مشرفه قسم : الصور + الجوال ]


الصورة الرمزية الييمه
الييمه غير متواجد حالياً

بيانات اضافيه [ + ]
 رقم العضوية : 5718
 تاريخ التسجيل :  Sep 2011
 أخر زيارة : 06-27-2013 (12:40 AM)
 المشاركات : 1,699 [ + ]
 التقييم :  2051
 الدولهـ
Saudi Arabia
 الجنس ~
Female
 MMS ~
MMS ~
 SMS ~
حين اشتـــآآق اشعر وكأني[ مدمنه]تنتظر جرعه
فأحقن نفسي بذكرياتك واغفو معها
لوني المفضل : Black

اوسمتي

افتراضي



المشاركة الأصلية كتبت بواسطة ,‏Мά ŵ7šђţķ مشاهدة المشاركة
يعطيـكٌ العــافيــةة ع الطرح ..
طرح رائعٌ كــٌ ٌ ٌ رووعــ’’ـةة مواضيعك .
دمتي مميــزة اليمــه .
يستــأهٌل اللـآاآيــكـٌ ٌ ٌ ٌ ,
ووديٌ

منوووووره الصفحه بوجودك ياقمر


 

رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ياقلبي ريحنا.. همسة احساس •« ..: عـذب الـكـلام :.. »• 3 03-24-2012 05:49 AM
لاتكابر ياقلبي سهم القلوب الـقْسم الإسلامي 2 03-14-2012 01:50 PM
حدثهم ياقلبي سديم •« ..: عـذب الـكـلام :.. »• 4 04-03-2011 05:14 PM
لاتحزن (ياقلبي).. مذكرات مجروح القسم الـعـام 7 10-24-2008 12:27 AM
لماذا كل هذا العذاب ياقلبي ؟؟؟ أسير الرمش •« ..: عـذب الـكـلام :.. »• 8 08-08-2007 09:18 AM

RSS RSS 2.0 XML MAP HTML

^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~

Preview on Feedage: %D9%85%D9%86%D8%AA%D8%AF%D9%89-%D9%87%D9%8A%D8%A8%D8%A9-%D9%85%D9%84%D9%83 Add to My Yahoo! منتدى هيبة ملك Add to Google! منتدى هيبة ملك Add to MSN منتدى هيبة ملك Subscribe in Pakeflakes منتدى هيبة ملك Add to Windows Live منتدى هيبة ملك



Powered by vBulletin Version 3.8.7
Copyright ©2000 - 2018, Jelsoft Enterprises Ltd
دعم وحماية مرسانا لخدمات الويب
HêĽм √ 3.1 BY: ! ωαнαм ! © 2010