شريت حوت ودافع الفين دينار

يالله ياعالم خفيات واسرار
يواحد(ن) تستر عيوب الخليقه

سبحانك المجري بحيرات وانهار
ادخل عليك اطب ذيك الحريقه

يارب تجعل لي معزه ومقدار
وتفرج لعين(ن) همها ماتطيقه


شريت حوت ودافع الفين دينار
والحوت في بحره بغبه عميقه

بنيت في سعره عمارات وادوار
وطبخت من لحمه ايدام وسليقه

قالو لي أسلم عادة الوقت غدار
زرع مشاكل بين شق وشقيقه

ماطعت يوم الناس قالو لي اشوار
ركبت راس(ن) فكرته ماتعيقه

والحوت جاله فالبحر شبك بحار
خمه وشبكه ماله الا دقيقه

واليوم حظي يصفق يمين بيسار
خرب على نفسه وضيع طريقه


من طلق الثنتين لو كان مختار
يصبر على لوم البشر والخليقه

بدعي وربي واحد(ن) فوق جبار
يفرج لعين(ن) همها ماتطيقه

من طلق الثنتين لو كان مختار
يصبر على لوم البشر والخليقه



ابداعـ زيزومـ .. صح لسانــك .. ولاتبخــل علينــا ..

يعطيك العافيه

يافخامه

ملاحظه : في بيت كتبته بالغلط لاني يوم اكتب القصيده كنت فاتح موضوعين لذا انوه واعتذر وتم التعديل

يارب تجعل لي معزه ومقدار

وتفرج لعين(ن) همها ماتطيقه

اللهم آمين ..
,,,

شريت حوت ودافع الفين دينار

والحوت في بحره بغبه عميقه ,,, والحوت جاله فالبحر شبك بحار خمه وشبكه مــالــه الا دقـيقـه

صح لسانك .. شاعر وما عليك كلام .. كتتب فأبدعت
وأي شيء يطلع من القلب تأكد بأنه يكون جميل
,,,
كل شي مقدر , يصير لو ما صار
ولابـد ياخـوي تؤمـن بالـحقيقه
وما اظن هالبحار من رجال خيار
رحل بصيدته وعقب عيون غريقه
لابد ما يجيله يوم والزمن دوار
والبحار الماهر ما شي يعيقه
وبأنصحك ياخوي نصيحة أخ وجار
لا تجعل مشاعرك بالحيل رقيقه
وأنسى كل اللي يجيك من أخبار
وأبعد عن شي , النفس ما تطيقه
وأنسى البحار , أخذ صيدته وطار
وأصبح الحوت معه مثل رفيقه

يعطيك العافيه يا أســامـه

وصح لسانك على الرد الجميل