على الله يازمن بشكــي جروحي والليــالي طوال

على الله يازمن بشكي جروحي والليالي طـوال
عسى راعي العنا ينسى عناه وينشرح صـدره
.

على الله يازمن بشكي همومي و(الهموم جبال)
تعدّت عاصمة حزنـي حـدود الـــــــــعالـم بأسـره
.

خساره يالسنين اللـي كتبتـي سيـرة الرحــــــال
فرحت أمس وحـــزنت اليوم بس الخوف من بكره
.

لساني كم (شكى صمته) والى منّه حكى ماقـال
طغى (طبع السكوت) بسيرة المــحروم من صغره
.

سقى الله يوم كنت اضحك وبالي مستريح البــال
ضحوكٍ ماعرفت الــــــحزن وش معناه وش قــدره
.

وكـبرت وكـبرت أحـــلامي وصــارت قصة الترحـال
أماني في مــهب الـــريح وحلـمٍ (ماكتمـل) بـدره
.

بعذر اللي مع أيامه جلس (يبـكي) على الاطـلال
تذكر ماضي أفـــــــــراحـه اليـن (خنقتـه العـبـره)
.

عزيزه يالــــــعيون اللي حضنتي (دمعـة) الرجّـال
حبـــستي دمـعته بين المحاجر يوم (ضاع) امـره
.

عزيزه يالحروف اللي (سكتي) والكــــــلام يقـال
حكيتي.. (ماشكيتي) الهمّ وهمّ القـلب (ياكبـره)
.

عــزيزه ياليدين اللي ثنيتك (باصـــعـب) الاحـوال
اكفّك ســاعة الحــــاجـه وامـدّك ساعـة القـدره
.

وعزيز النفس لو يصبر على (صــبر) الليالي نال
ابصبر والرجل يصبر ومقياس الرجــــــــل صبـره
.

انا منهو (حمل همّه على راسه) تقـول عقـال
مجاديف الزمن (دارت عليه) ونَسّـــــف الغتـره
.

وانا منهو فقد صوته وبعض الصوت به مــــازال
دعيـت الله يفرّجهـا علـيّ (وبحَّـــــــت النبـره)
.

أشيل الحمل عن غيري وحملي صار (ما ينشال)
كما الشيخ الهزيل اللي مشيبه (منقضٍ ظهـره)
.

(جروحي مزنةٍ ) منها هطل فيض الشعر همّال
سقت جدب العروق اللي تبلـل ريقهـا قـــطـره
.

وعن (حر الزمن) صارت حروفي للـجروح ظلال
تذرّت عن (هبوب الـياس) حلمٍ قد بنـى قصـره
.

عساها للمطر روحٍ بها وادي (الظما) ماسـال
عروق سنينها جفّت وورّاها (الزمـن غـــــدره)
.

عساها للمطر روحٍ قضـى مرباعهـا ماطـــــال
كساها (ثوبها الاصفر) .. وكانت تلبس الخضره
.

على الله ينجلي وقتٍ قضيته (همٍ) و (غربـال)
ويشعّ النور في قلبٍ غشى (ليل الظَلَم) فجـره
.

(على الله) والولي الله وبامر الله يزيـن الحـال
ويضحك للزمن قلبٍ مع (همومه) قضى عمره

للشاعر :عبد الله بن عميره

خساره يالسنين اللـي كتبتـي سيـرة الرحــــــال
فرحت أمس وحـــزنت اليوم بس الخوف من بكره
.

لساني كم (شكى صمته) والى منّه حكى ماقـال
طغى (طبع السكوت) بسيرة المــحروم من صغره.

سقى الله يوم كنت اضحك وبالي مستريح البــال
ضحوكٍ ماعرفت الــــــحزن وش معناه وش قــدره



صح لسان قايلها

وتسلم يمين ناقلها


دمتِ ودام نبضك

ليدي

وربي ابياات روووعة


بس هالبيت يعني كلام ثاني \

أشيل الحمل عن غيري وحملي صار (ما ينشال)
كما الشيخ الهزيل اللي مشيبه (منقضٍ ظهـره)


يسلموا يا الغلآإ

يسلــــمووو ع المرور

الله الله إبدأأأع بجد


هذا الإبداع على أصولة << مدري وش أقتبس وش أخلي
كلهم حلوة صراحة


عوافي أختي على الموضوع


ودي وتقديري ..