الـدآنــه ~

بسم الله الرحمن الرحيم ~


يسعد أوقآتكم يا آل هيبه

شيء في خاطري يحكي عن وضعي خلال الأيام اللي فاتت وحبيت أترجمه على هيئة أبيات متواضعه



,,,,,



يقول مو لهالدرجة وصلت بيننا الميانه
وسواتك تشوفها صح ؟ جاوب بالأمانه

قلت له والله مقصدي واضح ونبيل
وهروجي كلها بـ نية الطيب مليانه

قام يصارخ ويهل علي بالدعاوي
وما صدقت يطلع هالحكي من لسانه

أفزعني بأسلوبه وأنا أخبره عالي
عالي بأخلاقه وبمعاملاته لأخوانه

عقبها قررت الرحيل ولكني معاهد
وملتزم في أشياء وأساعد انسانه

جاني الهم والضيقه وزدتها بالعلاج
وصرت مثل الغريب اللي بيترك أوطانه

كيف أرحل ؟ وأنا ما تركت لي بصمه
مثلي مثل اللي ماله في التميز خانه

وقلت قبل ما أروح بقول له حكمه
من يصون لسانه بين العرب , صانه

حاولت أحكم عقلي وعقول ناس رشيده
حينها اكتشفت إني مثل الطرطعانه

شبيت وولعت وأنا أحسبها حقيقه
وصارت عيوني في ذاك اليوم سهرانه

وأثاريه يمزح معي ويلعب بأعصابي
واثاريه مو بروحه ! معه من جيرانه

والصراحه نويت لهم ولكن بأجلّها
وبأطبخ اللعبه وأنا موطّي نيرانه

لا تصدقون , تراني أمزح ومسامحهم
كله على شان اللي معه وعلى شانه


ودي أسمي رفيقه اللي معه , لؤلؤ
و اسمحولي ودي اني أسميه الدانه

والعذر منهم ومقامهم أكبر من قصيد
لأني ما أجيد نظم الشعر وأوزانه

ولولا الميانه اللي بيننا ولولا معزتهم
ما كتبت القصيد رغم إني مقفل بيبانه

وختامها المعنى مدفون ولابد ينكشف
بعد فتره , وأكيد بتكون نفوسكم طربانه

<< بقلمي 08/08/1431