{ البارحـه يـوم الاوادم خواشـيـع (سعد بن جدلان) ...}

الســــــلام عليكمـ ورحمت الله وبركاته ..





أقدم لكم قصيده لشاعر الكبير : سعــــــــد بن جـــــدلان الاكلبي













الرفقة









البارحـه يـوم الاوادم خواشـيـع
في نومها وناعلى الكـوع واعـي

هم(ن)يمزع سترة القلـب تمزيـع
تقول ينهش ثومـة القلـب افاعـي

خذت القلم من بين روس الاصابيع
وحبيت اميز سيرتـي وانطباعـي

عزلت من صدقـان عطلةالاسابيـع
وعزلت من ضحك الوجيه الصناعي

وعزلت من بنين بامالـي مشاريـع
جميد برد ولانس الشمـس ماعـي

وعزلت من زرع الخلـي البلاقيـع
وعزلت من رفـع الثنيـه رباعـي

من نفعة اللـي ماطلبنـي منافيـع
جميلة(ن)في غيـر اهلها ضياعـي

في اسواقها ماعاد لشـري ولابيـع
لخطيت من رفقة طويـل الذراعـي

اللي على الرفقـه يسوقـه دوافيـع
هـذاك تشـرى رفقتـه ماتباعـي

امايشجعني علـى الطيـب تشجيـع
والايعلمنـي حمـيـد المسـاعـي

والا ليامنـه رمعـنـي روامـيـع
وضاقت على كل الفجوج الوساعي

جيته ويسرلي عسيـر المواضيـع
وخلاخفايا خاطـري لـه وسـاعـي

معرفته ماهـي معرفـة طماميـع
ماتنتـج الاالغطرسـه والضياعـي









لكم أحترامي وتقديري ....

اللي على الرفقـه يسوقـه دوافيـع
هـذاك تشـرى رفقتـه ماتباعـي

امايشجعني علـى الطيـب تشجيـع
والايعلمنـي حمـيـد المسـاعـي


قصـــيدهــ ولاا أروع ..
ترتيـــــب..وابــــداع..
تسلم ايدس .. وصح لساان كــأأتبــــهـــا ..

صح لسانه
ويسلم ذوووق
انتقاهاااا

الله يسلمكم يارب من كل شر

شاكرهـ لكم مروركم الرائع

لاخلا ولاعدم ...

منقول ولا أحلى

مع التحايا ,,,