قصيده لحبيب عرف حبيبته من مشيتها ^في مكان عام^

قصيده لشاعر مجهول وهو الحبيب الذي عرف

حبيبته من مشيتها في مكان عاااام .....

بعد ثمان سنين

ويقول فيها:

::::::::::::::::::

شفتها يا (سعود ) صدفه بعد ماغابت سنين
عند قسم المختبر وسط مشفى الجامعه

جيتها ثم قلت ممكن في سؤالي تسمحين
ناظرت فيني بدهشه نظرة متواضعه

قالت آنت تحسبني من بنات صايعين
تحسبني في زماني عن طريقي ضايعه

قلت أنا ماراح أطول كل أبوها كلمتين
وأبعدت عني شويه ثم جتني راجعه

قالت آسئل واضح إنك من رجال طيبين
بس هرجك يالسنافي كان وشهو دافعهـ

قلت أنا حبيت وحده يوم كنا صغيرين
ومن ثمان سنين راحت للمواصل قاطعه

عقبها ماذقت نوم يهتنيه النايمين
ساهر في طول ليلى لين شمسي طالعهـ

أذكر أنه فيه حبه فوق ثغره من يمين
وأذكر أنه لاجرينا كن شعره تابعه

وأذكر أنه عاشق الورد والياسمين
وصار قلبي بالورود اللي عشقها زارعه

طابع آسمه بقلبي فيه ميم وفيه نون
وفيه واو وفيه راء وسط قلبي طابعه

قاطعتني بقولها سبحان رب العالمين
كررتها مره ... ومرتين ... ورابعه

قلت وش فيك وش بلاك يابنيه ترجفين
ليش عينك يابنيه من كلامي دامعه

قالت الموقف وقلبي والمحبه والحنين
كيف أشوفك بعد ماكنت عنك قانعه

قلت أنا بسالك إن كانك أنتي تذكرين
عن مواثيق ثمنها من حياتي دافعه

قالت ظروف الزمان ماتطيع العاشقين
بيعوني غصب حبك لو هو ماني بايعه

أنا في دنياي حالي كنها حال السجين
حتى لو فكو سراحه فيه شيء مانعه

زوجوني غصب واحد وحرموني حاجتين
السعاده في زماني والحياه الرائعه

واللحين أنا أم لثلاثه ريم وياسمين
والولد إسمه على ( إسمك ) والمشاعر جايعه

منقوووووووووول

من أروع ما قرأت

أبيآت رووعه وآحساسها أروع

سلمت يمينك ع النقل المبدع

لا عدمنا مثل هالذائقة الرائعة

الاروع طلتك على الموضوع

،’

ي ئلبي دخلت جو مع القصيدة
جد روووعه
ششكراً ع الإختيار الرآقي

مآننحرم~
تحيتي
جوجو:$

لا لا لا وش هل الكلمات
الله يسعدك ويسعد الجميع يارب
ابداعت في انتقائك وذائقتك ( الود طبعي
احترامي لك يالغلأـلأآآـآ
عشت ودمت بصحه وهنا
ويعطيك الف عافيه
تحياتي لك ..