قصة واقعية.. تمووووووووت ضحك بالقصيم

بسم الله الرحمن الرحيم

اليوم جايبه لكم قصة واقعية تموووووووت ضحك..

هذا واحد توه معرس وخلصت الزفة والأمور اللي في القصر ..

أخينا في الله شغل يعني أخذ حرمته وركبوا في السيارة.. ودعس للقصيم (يعني أهل العروسة في الرياض وهو ساكن بالقصيم)

والبنية تستحي ومبرطمة طول الطريق والرجال ماغير يسولف ويهذر والبنية ساااااكته.. ما حولك أحد

الرجال يأس من البنت انها تتكلم،، وقال:ياولد ما وراها هذرة أشغل المسجل وامسك الخط..

في الوقت نفسه البنت كانت (حسرانه) ومتوهقه انها بس تتكلم عشان تقوله أبي الحمام (الله يكرمكم)

عاد هي طمرت على المرتبة اللي ورا عشان تنسدح عشان يخف عليها الوجع الين يوصلون محطة..

المهم الرجال ما وعى إلا هذيك المحطة ويصفط عندها وينزل عند البقالة وياخذ له كيس فصفص وكم بيبسي حق الطريق

البنت على نزلة زوجها إلا وتقز هذيك الحمامات حقت الحريم اللي عند المسجد اللي جنب البقالة

قالت يابنت بيمديني أطمر وأخلص وأرجع قبل لا يرجع هو من البقالة..

المهم المسكينة راحت وأخذت وقتها.. أخينا في هالوقت قد رجع للسيارة وعلى باله مرته في المرتبة اللي ورا..

وخبركم عباية سوداء وآخر الليل ما انتبه انها مهيب في السيارة وهو شغل ودعسسسسسسسسسسس

البنية المسيكينة طلعت وهي مرتااااااحة ونقص من وزنها كم من كيلوووو وتناظر يا بنت وين السيارة؟؟

وتتلتفت ما تشوف غير الهنود حقين المحطة وأبو يمن حق البقالة عاد تخيلو الصدمة يوم عرفت إن زوجها دق سلف ومشى!!

البنت المسكينة حتى في نفسها مهيب راضية تصدق إنه مشى..جالسة تتأمل يمكن انه راح منا وإلا منا وبيرجع شوي..

ما وعت إلا ............................


ما وعت إلا ذاك الجمس اللي مقبل يوم وقفوا عند البقالة اللي جنبها..

وتقز الحريم اللي في الجمس .. قالت زين عائلة وتروح ترمي روحها على الحرمه اللي قدام

وهي أم العائلة وتقول لها: خالتي أنا داخلة على الله ثم عليك (وهذي قصتي) والعجوز مسكت راسها وقالت:

يابنيتي أنتي تعرفين سيارة زوجك؟ قالت: ايه أعرفها، قالت:قومي اطمري نلحق على زوجك ويعبون بنزين ويدعسون وراه..

نعود الآن لصاحب الفصفص أخينا في الله مريح وماشي بعد ما لقوه في الخط على بعد نص ساعة!!

راعي الجمس وراه يكبس بالنور بشكل مخيف،، أخينا دعسسسسسسسسسسسسس قال ياولد هذولا مهابيل بيضروني ومعي عروستي

ويااا فشيلة إذا انطقينا،، والجمس وراه داعس يحاول معه إنه يوقف.. المهم الذهين اللي يسوق الجمس عرف وش يسوي

فقام يولع نور الجمس اللي في الداخل عشان العريس يشوف ان اللي في الجمس عائلة..

وأخيرااااااااااا انتبه ووقف.. قال:وش عنده ذا؟ ونزل وهو معصب ؛؛ عاد من اللي متوهق في هالموقف؟؟ أكيد هو

راعي الجمس يقول في نفسه وشلون أقوله إن مرته معنا؟ يبي يجيبها بأسلوب تدريجي عشان العريس ما ينصدم

خبركم مثل هالموقف وش بيقولون عنه أهل العروسة؟ أخذ بنتنا وضيعها وااله تلزق فيه السالفة طول عمره والعالم يمشون ولا عندهم سالفة غيره..

يصير علك دائم الحلى ولا يصف عند علك أبو سهم.. يتشمتون فيه..

المهم/ راعي الجمس سلم وقال له: أخوي ما كأنك مضيع لك شيء؟

قال له العريس: لا والله ما ضيعت شيء، قال له: تأكد ، قال العريس: وشلون؟

قال راعي الجمس: رح طل في سيارتك شف في شي ناقص لك؟

العريس قام يوسوس المـــشــكلة مرته ما جت على باله..

المهم راح ودخل خشته داخل السيارة وقال: يا مــــره فيه شيء طاح منن وحنا في المحطة؟ .. محد رد عليه..



ويوم لـوووووووون وجهه بدا يميل للكرت الأحمر..

وووووووووووووين راحت المرة؟؟ ورجع لراعي الجمس وقال هات السالفة..

قال ياولد مرتك لقيناها عند المحطة أنا وأهلي وقالت لنا إنها نزلت للحمام وأنت مشيت ولا دريت عنها!!

عاد العريس كل أنواع النفاضات نزلت عليه.. تلعثم ولا قدر يتكلم.. المهم راعي الجمس راح وقال للعروسة:

يلا طسسسسسسسي عند زوجك شوفيه متصوووووومع عليك..

المهم العروسة ركبت مع زوجها في السيارة وانطلق لسانها اللي كان مربوط وقامت تعتذر له..

وتقول: لا تزعل مني كنت مستحية إني أقول لك إني طول الخط وأن حسرانة..

وأنت ما شاء الله عليك ركبت السيارة وانطلقت..

عاد انقلب الوضع صار العريس هو اللي مبرطم طول الطريق

والعروسة اللي قاعدة تبربر ما بقى إلا إنها هي اللي تسووووووق

عشان الأخ مرتااااااااااع من اللي صااااااار

وسلامتكم

إن شاء الله تعجبكم



تحياتي
صادقة الاحساس

مشكوووره على القصه

والله هذا اللي ماعنده غيره ابد

والبنت ليش ماقالتله اني ابروح لـــ؟؟

يعطيك العافيه على االنقل

تقبلي مروري

لو اني منه كان انهبلت زوجتي ونحاشت شسوي

صادقة الاحساس

الله يعطيك العافيه على النقل

والبنت محظووظه وربي ’,,

والحمدلله انها لقت العائله وربك حلها

وشاكرلك على الطرح ,,

ودمت بود ,,

ابو شروق

الامبراطور ,,,

مشكوووووور ع المرور الحلو

لاعدمناك ,,,

,,,Na1s1sr

يسلموووووو ع المرور العطر

نورت الصفحة ,,,


ابو شروق ,,,

مشكووور ع المرور الحلو

لاعدمناك ,,,