عشر فوارق بين الشباب السعودي ++ والشاب الأوربي

بسم الله الرحمن الرحيم




الفروق العشره بين الشاب السعودي والشاب الاوربي000
أولا :الطفل السعودي من صغره يعني في عمر أربع سنين يلعب بالتراب ويتراجم بالحصى ...بينما الطفل الأوروبي يلعب بالثلج ويسوي رجل الثلج واذا بيلعب مع ربعه يرشهم بالموية ...

• ثانيا :الطفل السعودي اذا بدا يروح للمدرسة يصحى وهو يصيح ويصارخ وما يرضى الا يعطونه بسكوت كل شوي ..بينما الطفل الأوروبي يا حياتي أول يوم يروح للمدرسة وهو يضحك ويغني ومبتسم ..ويرجع يعلم أهله وش سوى في المدرسة

• ثالثا: الطفل السعودي في سن عشر سنين جاحد أم البنت ومشكل بجدتها ..يا يلعب كورة يا يلعب بالشروخة ..واذا جت البنت يا حياتي تبي تشاركه صارخ في وجهها ( وخري هذي لعبة أولاد مو لعبة بنات روحي العبي بعرايسك ) بينما الطفل الأوروبي في سن عشر سنين يحسب حساب البنت معه قبل أي شي ... ولا عمره يقول لها روحي العبي بعرايسك

• رابعا : في سن 16- 20 الشاب الاوروبي اذا اعجبته بنت يروح يعطيها وردة ولا قطعة شوكولاته يعني كرمز للأعجاب..بينما الشاب السعودي اذا فرضنا أنه أعجبته بنت مع أنه ما يشوف الا عباية ما يندرى وش تحتها ..يعطيها ورقة مشقوقة ..ما يندرى وش عقبه ..مكتوب عليها رقم >>>قمة الرومانسية

• خامسا : الشاب الأوروبي اذا حب بنت يقوم يعلم أهله وناسه أن فلانة حبيبته ويصير ما يروح ولا يجي الا معاها ..بينما الشاب السعودي اذا حب واحدة يكتم الامر ليه مو علشان التقاليد لا علشان يقدر يغازل غيرها ..واذا علم أحد يعلم ربعه الجحلط يعني انني مطيح بنات

• سادسا : الشاب الأوروبي اذا ذبحته الرومانسية خذ حبيبته في قارب على النهر وقام يجدف ويطالع فيها .. بينما الشاب السعودي اذا ازعجوه ربعه بأنه نصاب ولا يعرف بنات يصير همه يركب حبيبته في سيارة ويمر بها من شارع مظلم ويوقف عند بقاله كل أخوياه مسنترين هناك يعني شوفوني مركب بنت ...وعلى فكرة بعضهم يركبون شغالاتهم ويلبسونوهم عبايات الشكوى لله المظاهر خداعة .

• سابعا: الشاب الأوروبي يجيب لحبيبته هدايا يا ورد يا ساعة يا عطر أو لعبة ...ويفرح اذا شاف حبيبته تستخدمهم ..بينما الشاب السعودي ما يعطي البنت الا قطعة الورقة اللي قلنا عنها من أول ( الرقم ) وبعدين يصير ياخذ منها وهي على نياتها تحط له كل يومين هدية في محل باسمه وهو يجي ياخذها .

• ثامنا: الشاب الأوروبي لا سمح الله لو تزاعل هو خويته ولا تفارقوا تلقاه يحلطم ويبكي ويقول أنا السبب انا اللي ماعرفت أصونها بينما الشاب السعودي ..اذا خويته انخطبت ولا طنشته وهو أصلا ماعنده نية يتزوجها يبدا يهدد ترى بأنشر رقمك ترى بأفضحك ..غير الازعاجات كل يوم وكل ليلة ..على جوال الضعيفة.

• تاسعا : الشاب الأوروبي دايما يسئل حبيبته ..حبيبتي وش رأيك أسوي كذا ولا أشتغل كذا ولا أدرس كذا بينما المحروس الشاب السعودي ما يسئل البنت الا سؤالين ..تحبيني ولا لا ...والسؤال الأبيخ ..صديقي يبي يتعرف على بنت ما عندك واحدة من خوياتك أعرفها على خويي ...تراه رهيب.

• عاشرا:.وآخرا وليس أخيرا: الشاب الأوروبي ينهي علاقته بالفتاة اللي يحبها بالزواج ويكونون أسرة سعيدة ... بينما الشاب السعودي ..لا يمكن و مستحيل وسابع المعجزات يحب بنت كان يعرفها الا يشطب على اسم عايلتها من البشرية ...ما بقى الا هي يتزوج بنت كانت تعرف عيال ...

هههههههههههههههههههههههههههه


مشكور اخوي يا حليلهم هالاوربيين قمه الرومنسيه



والاخيره رقم 10 ) آخرا وليس اخيرا غلط هههههههههههههه


المفروض اخيرا وليس آخرا

هههههههههههههههههه صح يارمز

مشكورين على المرور

بالعكس اخووي لو ان العرب مثل الغرب

. لو بناتنا يطلعن .........وصارو الشباب يختلطون بالبنات عادي مثل الاوروبيين سيكون هناك نوع من التبادل مثل تبادل الحب او الصداقه العاديه ولاراح يكوون هناك مثل ماذكرت ابدا

صحيح الان توجد فوارق ....ولكن فوارق للشهوات فقط او التفكير بالعلاقات

ولكن الفوارق اللتي بيننا وبينهم من ناحيه العقل والدين والفكر

اعتقد نحن احسن منهم

مشكور اخوي على الموضوع وتقبل مروري