تحذير من برنامج هوز هير للأيفون whos here

مساء / صباح الخير جميع

مثل مانتم عارفين انتشرت جوالات الايفون والجالكسي واللي تشغل برامج على الاندرويد وغالبيه البرامج عباره عن شاتات وصوتي إلخ

وهذا موضوع لقيت فيه فائده النقل للتنبيه والحرص والعبره

عسى ان يكون ذلك سببا في منع ماهو خطر على اخواتنا

على لسان صاحب الموضوع يقول فيه

مانزلت الموضوع إلا من زود خوفي ..
ولأني اعرف ان نسبة كبيرة ماتدري ..

بالفترة الاخيرة لقيت إن كمية من البنات يحطون صورهم ..
واقول في نفسي ياربي معقول البنت تدري ان وجهها كله باين ووبرنامج زي كذا ماتعرفين من فيه وعادي عندها ؟؟!

اخذت جهاز وحدة من البنات وحطيت صوره ..
ولقيت انها تطلع كاملة بالضبط زي ماهي مصورة ..

واكتشفت إن البنات يحسبون إن البرنامج يقص الصورة زي البي بي ويطلعها جزء .. مثلا لو ابي عيوني بس تطلع اسوي زوم على عيوني واسوي تشوز وحفظ .. طلع لا يطلعها كاملة حتى لو حط لك حدود كروب ويعنني يقص .. مايقصها ويعرضها للناس كاملة ..



الصبح واجهت وحدة حاطه صورتها ومعاه 3 من صاحباتها وبلبس البحر .. كتبت لها تدرين وجيهم طالعه .. ؟! قالت لي منجدك قلت والله .. ومن الصبح للحين مادخلت المسكينة وحذفت برفايلها .. ولاحظو ماتسببت على نفسها بس ! تسببت على 3 معها .. وماتدري ..

والحين تو دخلت الا اشوف صور وبنات كثير ..
مريت على اسم لقيت وحده احس الصورة صورتها ..

شوفوا ايدرون ..



[/COLOR]ماصدقتني اضطريت اصور لها البروفايل حقها كيف يستعرض الصورة كاملة[/I]




صديقتك وثقت فيك وعطتك صورها ليه تعرضينها ؟؟


بنات .. لحد يتساهل بالصور .. الصور اسرع شي ممكن ينتشر ..
فما بالك لو تتساهلين بشي مو لك .. ؟ يعني بجد حرام .. !!



وهذا تحذير آخر لنفس البرنامَج

تحذير مهم لمستخدمي الايفون‏ من برنامج هوز هير - برنامج WhosHere - بالعربي من هنا ؟ iPhone


WhosHere

السلام عليكم ورحمة الله وبركاته


تحذير مهم لمستخدمي الايفون

فيه برنامج اسمه WhosHere

بالعربي للتأكيد ((هوزهير)) ( يعني : مَن هنا ؟ )

هذا اخطر برنامج موجود عـ الآيفون وظيفته هي شات طبعا هو مو شات بس لكن الهدف هو التجسس على الآيفون بالكامل من ارقام وحسابات وبيانات

والاخطر من كذا انه يقدر انه يشغل الكاميرا من دون محد يحس والتقاط الصور

وهذي قصه حاصله عند الشيخ عادل المقبل رئيس مكتب هيئة الفاروق.

يقول الشيخ : قبل فترة اتصلت علي فتاة تبكي بحرقه تقول انها كانت تستخدم الآيفون من فتره وتعرفت على برنامج (هوزهير) وصرت استخدم البرنامج ، واحيانا اصحى الصباح والبرنامج شغال ، ولا كنت اعرف مخاطره

ومرت الايام ، ثم دخل علي شخص عن طريق البرنامج يناديني بأسمي فاستغربت فقلت اكيد هذا يعرفني

فقلت له من معي قال مالك دخل ، فصار يعطيني معلومات عني وعن صديقاتي

ويعطيني وش كنت البس باليوم الفلاني ، فاستغربت منه وشكيت بأحد اخواني

وخفت اقول لهم تكبر المشكله ، وبعد اسبوعين صار يرسل لي صوري

فجن جنوني منه وقمت بتذكيره بيوم الحساب ، لعله يخاف لكن ماعبرني

والاخطر من هذا كله حدد وين مكان بيتنا عن طريق البرنامج

وقام يصور البيت ويرسله لييقول لي يا تطلعين الحين او ارسلهم لاخوانك وهذي ارقامهم .... فوالله ياشيخ مالي الا الله ثم انت وحنا من عائله معروفه ومحافظه ..

يقول الشيخ اخذت وصف بيت البنت وقلت لها اتفقي تطلعين معه بشرط انه يمسح صورك عشان مايشك انه مراقب !؟

فاتفقت معه وجاء وطلعت معه وتمت مداهمتهم

ومصادرة الجوال وتحويله الى هيئة التحقيق والادعاء العام

لكن المصيبه مو هنا ؟؟!!

المصيبه انه نشر صور البنت ولا هامه احد اتعضو يابنات اتعضو يابنات

والان تتم تتبع الصور حتى تحذف من الشبكه العنكبوتيه

ارجو الا تقف هذه الرسالة عندك مررها حتى يمكن معالجة المشكله قبل وقوع الفأس بالرأس ... انشرها واحتسب الاجر فيها اكيد فيه بنات غافلات ومانبي إلا ننصحهن بدل ماهن غافلات لاهيات الوحده نجحت واشترى لها ابوها ولا اخوها آيفون وهي مهي مصدقه ما نامت من يوم أشتروه لها



ومو غريبة عـ الآيفون بعد ما اخذت جائزة أفضل جهاز تجسس




للأمانه منقول لتعم الفائده والعظه للجميع

نسأل الله السلامَه

مودتِي

لا حولا ولا قوة الا بالله
اللهم احفظ بنات المسلمين يارب
الله يكفينا الشر ويستر علينا
يرزقك الله الفردوس الاعلى ياسر على التنبيه
الله يعطيك العافية يارب

ياساتر الله يحمينا ويحفظ بنات وشباب المسلمين

وهذي مشكلتنا تجرفنا الموضة حتى لو كانت التقنيه اكبر من فهمنا

انا اعرف بنات كثييير معاهم الايفون وهم والله يجهلونه جهل ... الله يستر عليهم ..

ياسر مشكور تسلم يدك على التنوية ..

الله يجزاك كل خير ع التنبه..

ويكفينا شر هالاجهزة

ياسرر ,,

تسلم يارب من كل شرر ,,
والله يكتبلك الخيرر ع هل الإنتقاء وربي شي يجهل الكثير
لو انها بالأساس وضع الصوره خطير بس كلَ يحاسب لوحدهَ

خالص التقدير لك