ஐ◄███▓▒░مالذي يدفـع الفـتـاة لقـول (ياليتني ولـد...)..؟!!░▒▓███►ஐ

آلـسلآمُ عليكم ورحمه الله وبركآته |
مسسسِآئكُم جمآل . . . . وصبآحكُم ذوق ~
كيفكمٌ بنوتآتُ ؟ وش مسوين ؟






اليوم جبت موضوع اتمنى من البنات يتفاعلون معايا



ما الذى يدفع البنات لقول يا ليتني ولــــد؟





1- عندما تكون جاهزة و مستعدة للخروج و لم تجد من يوصلها لا سواق والأخوان مشغولين عندها تسمعها تقول

( يــا ليتني ولــد )

2- وأحيانا تعزم صديقاتها وتقول لهم بكل الفخر العشا علي
...لا ومن وين من احـــسن مطــعم. تتصل باخوانها فتجد
واحد مقفل جواله !!
والثاني بالبر مايوصل له الارسال !!
والثالث نايم بالملحق ولا في امل يصحى !!
والرابع بالغرفة ...وقافل على نفسه الباب ...ويقول لا احد يزعجني !!
والخامس مع عيال أخواله عندهم دورية !!
والعشا يتفركش
والاعذار تتسكت بوجبات( بتوصيل منزلي) من بيتزا هت
واول مايطلعون تسمع صرخة بالحوش

( يـا ليتني ولـد )

3- ولما تكونين جالسة على النت و تريدين الدخول على موقعك المفضل و فجاة تجد اخوها واقف امامها
يقول قفلي النت ليــــــــه؟؟؟؟؟
بس بكيفي ....وثاني مرة لا عاد تشبكينه فاهمة !!!!اوكي
وليـــه معد أشبكه؟!!!!
اولا أصرف ....ثانيا بنت ....ثالثا وشوله تشبكينه ...وش الفايدة...؟؟؟؟ماله داعي
!!!!
عطيني لاب توبك بفتشه احس فيه شئ

( يــآآ ليتـنـــــــي ولــد )



اكيد هناك العديد من المواقف التى تدفع الفتاة الى قول هذه العبارة
و ما ذكرناه سابقا ليس الا امثلة بسيطة و لكن انت ما الذى يدفعك لقول
( يــآآ ليتـنـــــــي ولــد )




اتمنـــــــى منكم تتفـــــاعلون
فمــــــا السبب؟؟؟؟؟!!!!!!!

والله شوفي

أذا نظرتي للأمر نظرة أستولكفاسيه بحته

بتجدين أن الولد أطلق من البنت بمليون مره

وله مميزات ولا مميزات بلاكبيري بولد 9000

وانتم نوكيا الساهر > بينجلد

لاحظتي معي الفرق ؟

اسمح لي ابدي اعجابي بقلمك وتميزك واسلوبك الراقي وتالقك

صح تقول البنت ياليتني ولد بس صدقيني لما تحس ان مالها حريه بالطلعه ...الخ

لكن لو جينا عند الجد والله بنت وبس ايش ابغى بالولد اللي الهم فوق راسه من يوم مايخلص الثانويه كيف يكون نفسه وكيف يفتح بيت وكيف يصرف واذا بيتزوج يتسلف لين ينشف ريقه ...الخ نومه ما يتهنى فيه الله يعينهم ويرزقهم بالزوجات الصالحات

اما انت اذا ما معاك فلوس فهم يصرفون عليك واذا معاك لك ومحد له حق ياخذه

الحمد لله اني بنت وباعلى صووووووووووووووووووووووووووووت ..

أنـا لمااقول لأبوي عطني رأس مال بفتح محل ابني فيه مجد مستقبلي .. وصرخ علي رح دورلك شغل

انت فيك ومالافيك + توبيخ وتقبيح حتى أحس اني فآشل بالحياهـ وانا توي عمري صغير

بأصرخ وباعلى صوتي بقول ياليتني بنت الكل يصرف علي من اطلع على الدنيا ولاشيل هم الريـآل !

مهما كان لكل شي مهماته وواجباته في الحياه والله سبحانه وتعالى سخر للرجل وللإنثى حاجيات الآخر

اللي اعرفه اني لما اعزم صديقاتي ( لو انا بنت ) اذوقهم طباخ البيت وأنظفه لهم واعطرهـ واستقبلهم استقبال ملوك

اما اذا الدنيا وموضتها وانحرافها الاجتماعي الصريُح مقطعه وجهي ! ساعتها بقو ليتني ولد اطلعهن بالسياره الـخ

انا عن نفسي اقولها صريحه .. البنات أقل هما وأكثر حظا من الاولآد

لو تجربون حياتنا إسبوع بس .. كان عفتوا الدنيا بمارحبت ..

شوفوا الاجانب إسالوهم ليه جايين هنا ! وايش يسوون بالبنوك كل صبحيه وحالتهم حاله

يكرفون ليل نهار ولاعمرهم انصاعوا ورى إغراءات الحياه واحلامها الهدامه

كل هذ والسبب لانهم رجال مسؤولون عن عوائلهم هناك .. تخيلو بس
اتركوا حتى وطنهم عشان يدورون الرزق اللي هم مسؤولين عنه اتجاه
عوائلهم بنات وزوجات < واهلهم وزوجاتهم رجل ع رجل بالبيت
وقهوة وشاهي كل غروب وكل شروق ..

يمكن بعضكم عمرهـ ماعرف ولاحس بطعم المسؤوليه او ماتعودوا عليها

محفوله مكفوله من تطلع على الدنيا لين ماربي ياخذ امانته سواء من اهلها او زوجها

هي بس عليها تنام وتاكل وبس .. ريال واحد ماهي مسؤوله عنه أبدااا ..

اما حنا الرجال علينا كل شي .. حتى انه علينا الاهتمام فيكم أولاد وزوجات !!

اما انتم نسبة ضئيله تتحملونها في التربيه وضئيله ايضا في الزواج .. واي شي يصير لاسمح الله

على طول اللي يتحمل المسؤوليه الرجل !! الرجل هو من يقود القافله .. اذا هو امسؤول !!

ياااااماااا بالسجن مظآليـُم انحرموا سنيييين ودنين من اعمارهم والسبب الديـُن .. وليش الدين !!

لانه رجل هو من عليه الكسوه والنفقه بابنائه وزوجته واهله ان كان عائلهم الوحيُد !

طيب والمراه وش دورها ؟!

مطبخ 3 متر بـ 4 متر وثلاث وجبات رئيسيه بس ( هذا اذا مافيه خداااامه وزوجها بخيل ) والباقي امرهـ هيُن !!

تلفزيون وفضائيات عشان ماتحس بالملل من الحياه وتنتحر لما يكون الزوج بالدوام !!

هآتف ( ودولي بعد ) عشان يوميا وبشكل مستمر تجيب الكافي والحبحب وتسولف مع نهى وإبتهال

يكفي ان شروط بعضكم واغلبكم بالزواج ( سوآق + خدامه ) هذا غير اشتراك المشغل عشان استايل الشعر والميك أب

وربي حياة ملوك .. الله يحميكم



ماودي اقول ياليتني بنت .. لآ

بس احب اقول .. ليتني رخمـُه مايدري وينها الدنيآ عليُه

الرجال مسؤول عن المرأه وهو بآخر الدنيآ لو المرأه بالرياض والرجال بنيجيريا . هو المسؤول ولاغيرهـ ..

واحمدوا ربكم . والحمدلله على كل حال

وفي الاخير ان هذا النوع من عدم الرضا بالحال اللذي خلق عليه بني آدم

هو من ضعف الايمان أبعد الله عنكم الشبهات واهدى قلوبكم الى مايحب ويرضاهـ

شكرا على النقل ياسيدهـ

ودي وإمتنآني