~×// الدمعه اللي تكابر في طرف عيني ..( صوتيه ) //×~

السلام عليكم ورحمة الله وبركاته






كلمات وأداء : احمد بن جوفان العجمي














الدمعه اللي تكابـر فـي طـرف عينـي
= يردهـا المـوق بـس الجفـن حدرهـا


سمعـت صوتـك مـع العالـم ينادينـي
= وأزريـت لا أردهـا بالعيـن وأسترهـا

وصديت مـا ودي إن النـاس توحينـي
= مثلي يمـوت ودموعـه صعـب ينثرهـا

يخنقني البـوح بـس القلـب يعصينـي
= ويبقى بوسط الصدور وفـي خواطرهـا

الحـزن لونـي خفيتـه واضـحٍ فينـي
= وارد على القلب والفرحـات صدرهـا

والبسمـة اللـي تبينـي بـس تخطينـي
= متى علـى الله يجيهـا يـوم وأظهرهـا ؟

ألاحي الـورق مـدري هـي تلاحينـي
= أون وتسـجـع وونـاتـي تكـررهـا

لبيـه يـا ذكرياتـي وأجمـل سنيـنـي
= وياقصـةٍ عايشـه لـو مـات آخرهـا

وين أنـت يـا أول غرامـي يامعنيني
= يوين أنتِ يا أغلى ذنوب القلب وأطهرهـا

أصحى و طيفـك مـعَ زولـي يبارينـي
= وأرقد وأشوفك مع أحلامـي تباشرهـا

ما أدري تناسى غصب أو أنـت ناسيني
= ما أدري عهودك وش اللي صدق غيرها ؟!

واليوم وينك بهـا الدينـا وأنـا وينـي
= طالت ليالـي الفـراق بعيـن ساهرهـا

كم قلت [ توبة ] ترى ما عـاد تعنينـي
= إن جات للنفس نفسي يمكـن أقدرهـا

واليا أظلم الوقـت هوجاسـي يسرينـي
= ويضيق صدري وكـل أيامـك أذكرهـا

وتبيني أنسـى وأنـا مـا عـاد يمدينـي
= لو شفـت حالـي قسـم بالله تعذرهـا

أصّبـر الحـال فـي قولـت بياتيـنـي=
وأنـا أدري إنـي اببطـي لـو أصبّرهـا

وقصايدي فـي غيابـك مـا تسلينـي !
=لو تطرب الناس تشكي جرح شاعرهـا !

والنفس تشكي زمانٍ صـدق مشكينـي
=حتى أنت ياغلى البشـر تبعـد وتحقرهـا

والدمعة الـي مـن الوحـده تواسينـي
=الي مـن آخـر لقـاء بالله خابرهـا ؟!

شفها تكابر وترجف فـي طـرف عينـي
=ولاني عقب شوفتـك ياالزيـن ذاخرهـا

يسلمووووووووووووو غلاااااااااااااي


مره تجنن ع الجررررررررح فديييتك
ّتقبلي مروريّّ

الله يسلمتس يالغلا

شاكره لتس مرورتس


فديت هالطله والله جعلنا ماننحرم منتس يابعدي ..

الدمعه اللي تكابـر فـي طـرف عينـي
= يردهـا المـوق بـس الجفـن حدرهـا


سمعـت صوتـك مـع العالـم ينادينـي
= وأزريـت لا أردهـا بالعيـن وأسترهـا

وصديت مـا ودي إن النـاس توحينـي
= مثلي يمـوت ودموعـه صعـب ينثرهـا

من اروع ما انتقيتيه
تستاهل فايف ستار
يعطيك العافيه

والبسمـة اللـي تبينـي بـس تخطينـي
= متى علـى الله يجيهـا يـوم وأظهرهـا ؟

ابيات ولا في الخياااال

يسلم ذوقك واختيارك خيتو

يعطيك الف عافيه