حقق شهرة كبيرة على مستوى العالم وصار حديث الناس بالفضايح,انتو شرايكم؟

حقق شهرة كبيره على مستوى العالم وصار حديث الناس بالفضايح.انتوا شرايكم؟
هـــــــــــــــــــــــــاااي
شلونكم شخباركم ؟ انشالله تمام !
اكيد كلكم نفسكم تعرفون عن اي مسلسل او فيلم او برنامج انا قاعده اتكلم عنه!
اهو برنامج بدأ ينعرض من فتره على قناة ام بي سي 4 يمكن عرفتوه
اهو برنامج ( ذا مومنت اوف تروث ) (the Moment Of Truth)
البرنامج مسوي ازمه اعلاميه بامريكا بسبب قوانين اللعبه واهي انك تجاوب على واحد وعشرين سؤال بصراحه وبدون كذب وطبعا هالأسأله راح يسألونها بعد ما يمرون كل المشتركين بأختبار لكشف الكذب وينسألون 50 سؤال ويكون اختيار الواحد وعشرين سؤال منهم
مع ان الاجوبه بس (نعم او لا ) لكنها تكون بنفس الوقت تكشف اسرار خاصه جدا وفضايح كبيره
والاسأله واايد شخصيه وتكون عن حياة المشترك الخاصه جدا جدا
والي يفوز ياخذ نص مليون دولار بس للحين محد قدر يفوز بهالمبلغ لان الكل يستسلم على 100 الف دولار ومنهم هدموا بيوتهم وكشفوا اسرارهم وخياناتهم ومع استمرار الاسأله واصرارهم بالفوز بالمبلغ الكامل على سؤال بسيط يخسرون المبلغ بالكامل لان الكذبه الواحده تخسر فيها كل شي واكثر واكثر من جذي
بصراحه البرنامج واايد حلو واحب اشوفه كل اربعاء مادري شنو السبب يمكن فضول بس مادري ليش....!
وفي مشتركه كانت من اكثر المشتركات صراحه وكشفت عن خياناتها لزوجها وعن كرهها لناس واجد وبصراحه انا كرهتها وبعد عرض الحلقه بفتره طلعت على برنامج انسايدر الي يطلع على نفس القناة قالت ان زوجها يبي ينفصل عنها وقالت انها صارت مكروهه وكل الناس ما يحبونها ومحد حتى يحب يبيعها شي وانا بصراحه اشوف انها تستاهل لان اجوبتها كانت صريحه وجريئه ووقحه بعد وانا اشوف ان الي مثلها جذي عنده اسرار وبلاوي ما يشارك واذا شارك يتحمل الي بيصير له
وازيدكم من الشعر بيت بيسوون له نسخه عربيه وقاعدين يعلننون ان الي يبي يشارك يدق عيهم ومن هالحجي لكن المشكله عن شنو راح تكون الاسأله واحنا بمجتمع محافظ شلون بنتقبل نسمع اسرار غيرنا
مادري منو الي بايعها وبيشارك ...........
انتوا شرايكم ؟؟
منو فيكم مستعد يشترك ببرنامج مثل جذي ويتكلم عن اسراره الخاصه ويمكن يهدم بيته عشان الفلوس؟؟؟
ابي رايكم ؟انتوا مستعدين تشاركون؟ وليش؟
انتظر ردودكم

عسولة الكوويت

انا مدري عن البرنامج
لا متى يعرض ولا شي
عشان كذا ماا اقدر اتكلم في حاجه ما اعرفها

تسلمي اختي


كاااااااايدهم

هلا والله عسوله

البرنامج حلو اذا نبي نشوفه

بس اذا حطيت نفسي على كرسي الاعتراف

اكيد مو شي

في اشياء تقولينها بينج وبين نفسج ما تبين احد يعرفها

ولا ابي حتى اجرح احد او اخسر وظيفتي على حساب الفلوس

وشكرا

يسلمووو كايدهم وينوتة على طلتكم الجميلة

كايدهم اهوا ينعرض على MBC4والمشكلة انهم بطلعون

منه نسخة عربية فتخيل الفضااايح اللي تيي ورى

بعضها عن الشاب او الفتاة العربية ,,,

انا دايم اسمع عن البرنامج بس ما حاولت اشوفة وما اعتقد ان الواحد يهدم اسرار فضائحية وتخرب بيوت عشان نص مليون دولار هي مغرية بس ما في شي يغني عن الاهل شكرا لكي اختي "عسولةالكويت " على الموضوع التوضيحي هذا بانتظار المزيد