الصمت قلي وشلون .......

اببتعد عنك كثر ما تألمت
واغيب عن قلبك كثر ما هويتك


ماعاد ينفعك الندم لا تندمت
وانا اذكر اني بيوم ما قد عصيتك


اشوف جرحي فيك لا من تكلمت
يعني انا ناقص جروح ولقيتك !!!


الصمت ! قلي شلون ابصبر مع الصمت
وانا الامال اشوفها لا هجيتك


ابعذرك .. ! يمكن لاني تفهمت
ان الوفا ما قد عرف باب بيتك


انا على بيض البيارق توسمت
اسابق اشواقي وله لا طريتك


ادمح خطايا هفوتك لا تشمّت
اضميتني عطفك بعد ما رويتك !!


اهديت لك حبي ومنك تسلمت
ضيقه صدر تجتاحني من نصيتك


صدمه كبيره ! والبلا ما تعلمت
ماكل احد يوفي بكلمه " هويتك "


رح للذي فيهم لقيت وتحطمت !!
وانا " بكافح " وافتخر لا نسيتك


انا لي الله .. وانت ! لا من تكرمت
خذ طعنتك / خذ ذكرياتك / وصيتك


خلاص ابرحل !! ياكثر ما تألمت
ماني ترى ناقص جروح ولقيتك !!

قصيدة جنــــــــــــااان

تسلم يمناكـ

يااخوي ذكرى انسان

تقبل مروري

تحيـــــــــــــــــــــاتي

من قال يسلم

ذكرى إنسان..
يعطيــك العــافيه على الآبيــات الرائــعه..
لاعــدمنا جديدك..
دمـــت مــتألق..

اهديت لك حبي ومنك تسلمت
ضيقه صدر تجتاحني من نصيتك


صدمه كبيره ! والبلا ما تعلمت
ماكل احد يوفي بكلمه " هويتك "


رح للذي فيهم لقيت وتحطمت !!
وانا " بكافح " وافتخر لا نسيتك




صح لسان قايلها

وتسلم يمين ناقلها


ولاعدمناااك~