(( يلعن الحاجه )) لـ محمد بن فطيس

السلام عليكم ورحمة الله وبركاته


لن أطيل الكلام عليكم إحــدى قصائد الشاعر الكبير


( مــحــمــد بــن فــطــيــس الــمــري )





غيبتك لو هـي دقيقـه تعتبـر مـدّه
الوقت دونك سجن وغيابـك اسياجـه
لا تعتذر لي ترى ماعـاد فـي شـدّه
اعيد حكي ٍ يكـود الصـدر مخراجـه
دامه يوصـف بجـود ابيـك وبجـدّه
وشلون تبخل على المجروح بعلاجـه؟
ووشلون قـاوااك قلبـك رده وصـدّه
مع انه بيّن عليه الضعـف والحاجـه
ياقـو قلبـك بــرد ايميـنـك وردّه
بخلت بمصافحـه وارهيـت بحراجـه
لو ماسقى غيم عينه جرهـدي خـدّه
تراه يبكـي وقلبـه يلحـق اخلاجـه
ولو شفته يمازحك تـراه مـن جـدّه
الضحك عن درب ضيق الصدر ماعاجه
غير الغلا والوله عليـك وش حـدّه؟
يـادرب ليلـه ويامسـراه وسراجـه
كنّه يعرفـك قبـل يلقـاك مـن مـدّه
مع ان مابينـك ومـا بينـه امواجـه
هواك بـدو ٍ نـووا للقلـب بالشـدّه
ورياض قلبي لشوف البـدو محتاجـه
والوصل..بحر ٍ متى انت بتسمح ابمدّه
السيف صبري وبحرك شح بامواجـه
قصيدي اللـي قريتـه واللـي اعـدّه
قديـم لا يزعلـك معنـاه واخراجـه
وفراغ قلبي غلاك ارهى علـى سـدّه
ليتك تشوف الغلا وابراجـه وعاجـه
اقوى رياح العـذل مـا تقـدر تهـدّه
والا الجفا لو تنفـس هـدم ابراجـه
تغانـم الوصـل لـن البعـد لابــدّه
ياتيك في يوم ثـم ياخـذك بادراجـه
اللي لي انـك تليـن وتتـرك الشـدّه
واللي لك اني ما سولف بك لهراجـه
ولاني بزعلان واللـي نرتجـي مـدّه
يا باب قلبـي ويـا قفلـه ومزلاجـه
زعلة تغلي ومـن تزعلـه مـن قـدّه
ما دام كـل ٍ يبـي دربـك ومنهاجـه
غالي وتبخل علـي وتطّـول الصـدّه
الله يسامـح غـلاك ويلعـن الحاجـه





وســــلامــتــــكـــم

أولاً

صح لسااان الشاعر الكبير / محمد بن فطيس المري


ثانياً

مشكورة أختي
ليدي بنت أوسكار
على مواضيعك الحلوة

ولك تحياتي

..آلله آلله..
..(ليدي بنت اوسكار )..
..برآآق آلجزآلــه لأح في سمآآآ آلآبدآآآع..
..لآهنتي وبيض آلله وجهتس على ذآ آلجزلــه..
....

يعطيك العا فيه اختيا ر موفق