وقار وزريه..

صبــآح / مسآء الخير..

انتقيت لكم وحده من قصآيد اخوي..
اتمنى تصل لذآئقتكم..

،



كثرة وانا مابين هذي وهذيك..
حاولت اقللها وكثرة عليه..


ليلة عوى ذيب وليله عوى ديك..
وكلٍ نوى عسر الليالي بنيه..


هذا تبع مسراك وهذا مسريك..
وهذا ورى درربك يحث المطيه..


ياشينها لاصار وقتك معاديك..
حظك ردي وليلتك سرمديه..


من اول ضاقت بعينك مساعيك
لالك بها روحات ولا مجيه..


واليوم اشوفك ضايعٍ في مماشيك..
لا الدرب دربك ولا الحذيه حذيه..


والعبره اللي بالحنايا تناديك..
اسمع رعدها مثل وسم برديه..


سحابةً فيها جروحك مباريك..
تبي الظلوع المعشبه والنديه..


عيا رعدها ياعيوني يبكيك..
يالعين ماباقي وقار وزريه..


هلي على جفنٍ تعنى يناجيك..
لو مرةً خلي وقارك شكيه..


ماعمرنا يالعين شفنا شكاويك..
ولاشك مانتي من جروحك خليه..


الصبر ماهو دايم الدووم بيديك..
واخاف انه ينفلت من يديه..


معك على مووتي موقع على شيك..
نبصم قبل ناطى حياض المنيه..


وكانه على قبري تراني مخاويك..
الخوف ماعقب قلوبٍ قويه..


الموت ماهو جاهلٍ بي ومغديك..
الموت لاصارت حياتك شقيه..


وياحلم ماني واقفٍ في محاريك..
ويالعين اظناك السهر والخطيه..


وياقلب ماني شايف من يسليك..
منته خوي اللي سرا عن خويه..


وياجرح ماظن الدوى اليوم يشفيك..
لاصار مقصدنا دروبٍ نبيه..


لابد ماناطى حفوف وشرابيك..
هالدرب شايك والخطاوي حفيه..


الكل سامك من يبيعك ويشريك..
كنك بعين البينه والخفيه..


الحيل طايح وابتدى ليلها فيك..
لا الصبح صبح ولا المسيه مسيه..


طيبك وعيبك ماتخلي مباديك..
والناس شحت بالوجيه الوفيه.


واليوم شفتك بين هذي وهذيك..
من وين نبدا يالدررووب الرديه..



،

فآيز بن جبيل..

.


الكل سامك من يبيعك ويشريك..
كنك بعين البينه والخفيه..

الحيل طايح وابتدى ليلها فيك..
لا الصبح صبح ولا المسيه مسيه..

طيبك وعيبك ماتخلي مباديك..
والناس شحت بالوجيه الوفيه.


صبآح باذخ بعذوبة حرفك ..
قصيدة للجمال نصيب منها


دمت كما تحب

الموت ماهو جاهلٍ بي ومغديك..
الموت لاصارت حياتك شقيه..


تســـلم وصــــح السان قايلها

وننتظر جديد ابن جبيل هنا ..

،،


يسلمكم ربي على المرور.. الاهم انه رآقت لكم..


لـ قلوبكم .. ود ووررد..~

₪₪

.’،
¬» ماعمرنا يالعين شفنا شكاويك..

ولاشك مانتي من جروحك خليه..

الصبر ماهو دايم الدووم بيديك..
واخاف انه ينفلت من يديه..¬»

..بآذخه .. رغم سلاسه الحروف ..
كم المعاني فيها واضحه ..

حمى الله آخـآك و حمـآك ..
آمتعنـآ بـ ترآنيم حرفك دوماً ..

لا عدمنا .. مبسم الحرف منك ..
دمت بخ ـير و سعاده ..
تقديري و آحترامي لشخصك الطيب ..

»

.’،

ღ اْلآحَسَاْسـْﮯ اْلَخِجُولْـﮯْ ღ








₪₪