الرومانـسيّه /.. ومسـتنقعات المّلـح الُسعــوديّه ..!!

۰•●【 السلام عليكم ورحمة الله وبركاته


:

وهديتني وردة فرجيتا لأصحابي
خبيتا بكتابي .. زرعتا ع المخدة
هديتك مزهرية لا كنت تداريها
ولا تعتني فيها تـ ضاعت الهدية


الله يافيّروز ..صوتها حنون .. تسمع صوتها ..
وتحلّق بسماءات ورديّه من حبّ /.. وشوق ../ وعتاب !
حتى لو كنت ماتحبّ..
تتمنى لو تجرّب الحب ّ .. وتعيش حالِم
وهذا اللي خلى البنات يعتقدون ان الحبّ والعشّق طعمه "فَُــرات"

هالمرّه طرى في بالي أكتب عن الحبّ يعني .. ابلعب عالهاديّ
ولاتخافون ابرجع للمواضيع الحاميّه

.




.

قيس /.. وكثيّر ..وعنتر .. وعزّ ه وليلى وعبله ..!
.. /..ميّ .. وابن لعبون ..
روميّو وجوليّت ..
والاخلينا في العرب أحسن ..!
قصص رومانسيّه عربيّه .. حدثت .. وكتب لها الخلود !

أجدادنا وجداتنا عرفوا الحبّ .. واحتمال جربوا الحبّ !
والدليل حكاويّ الحبّ الحلوه اللي نسمعها منهم قبل لانام أو في مجلس أُُنس ..!
سواء كانت بوقتهم .. أو بوقت قيس وعبله ...الخ
واحتمال لابد منه إنهم ماتوا محرومين منه ..!

كثير جرّب الحبّ بس مارسوه بصمت /..ممكن ظروفهم وممكن حكم العادات والتقاليد
وبعضهم جربه لكن ..بصوره علنيه خصوصاً مابين الأقارب
يعني : بنت العمّ وولد العمّ والعمه ..أو ابن الخال والخاله..!


اللي أبيّ أتطرق له ..
ليه الحبّ في هالوقت أصبح محرم ..!
أصبح مرادف للانحراف ..!


ليه أيّ حبّ خارج نطاق العائله عيب .. حتى لو كان بعفه وشرف
أصبح (الحبّ العذريّ ) مقموع !

خليكم معي ..
مو الفطره البنت تحب شاب .. والشاب يحب بنت !
لو تلاحظون في الوقت هذا بالذات.. وفي السعوديه عندنا بالاخص
كثرة الشذوذ مابين البنات مع بعضهم ومابين الشباب وبعضهم..!
وهذا شيّ يخالف الفطره

ماأعمّم ..!
لكن ؛ صار ينخاف على الولد من الولد /.. والبنت من البنت !!


حنا شعب عاطفيّ ونحمل قدر كبير من الرومانسيه /.. وعاطفيين
لكن الغالب منا وخصوصاً الشباب ..
لايعرف كيف يوظف هذا الحب بشكل سليم بعيد عن الغريزه والتهور والاستغلال والنزوه..!
صار يحط في باله أن أي بنت [ تحبّ ]غلط × غلط
وأنها سهله .....الخ
وأنها ممكن تقدم تنازلات في سبيل الحبّ مهما كانت غاليه !!
وهذا فعلاً .. قمة العقليه المريضه

قرأت /..بأن الانثى كلما تعمقت العلاقة ..
يزداد حبها .. وحاجتها .. وتعلقها بهذا الرجل ..
اما الرجل .. كلما تعمقت .. بدأ بالملل .. والعبث ..!!!


حنا شعب مسلم يحكمنا دينا وعادتنا وتقاليد القبيله ..!
وما أدعي الى التفلُت لاسمح الله ..
لكن أدعوا الى عدم التزّمت ..في التربيّه من الناحيه العاطفيه
يعنيّ هل الصحيح أننا؛؛نخوف ابناءنا من الحبّ
ونشوهه بشكل يؤديّ لردة فعل عكسيّه ..!
الحبّ يرقق القلب ..
ويلين عروقه .. يصير الانسان .. رحوم ورقيقّ..
وكثرت الاقوال حول هذا الامر .. ومافيه متسع ليّ بالتفصيل في هذا ..!

ابعطيكم .. مفهوم عندنا يالبنات ..
ومقتنعيّن فيه ..!

تدرون وش الحبّ اللي من الممكن يكون مضمون في هالوقت ؟
واللي نقدر نصنفه بالمضمون ..
هو حب أبناء العمومه والأقارب
لسبب واحد فقط ..أنه مستحيل يضرّ بنت عمه أو قريبته بسمعتها
حتى لو انتهى هالحبّ .. وماتوّج بالزواج !


البنت الآن بالسعوديه..
لو فكرت تحبّ حبّ حقيقيّ طاهر ونقيّ.. مو وقتيّ أو عرضيّ تفكر مليون مره ..
ولو حبت ففي بالها مزرُوعه فكرة عن نزوات الشباب وسُوء ظنهم ..
يعني مستنقع ماتقدر تتجاوزه الا بصعوبه وحظّ يكسر الصخر..!


:

سؤال .. بسيط .. لكلّ معترّض

هل باستطاعتنا التحكم بعواطفنا؟!

الرسول الكريم..وهو أفضل الخلق لم يستطع..

وقال.. "لا تلمني فيما تملك ولا أملك"
وكان يقصد..الحب والمودة القلبية !

مارأيكم بكل الحكيّ اللي ذكرته وكتبته..!

:

في حفظ الله عز وجل 】●•۰

حياتي لصمتي

لي عوده مرة اخرى

تحياتي

:×:


:

الشمـــــري

:

بإنتظارك أخي ..

:

مرورك العطر اضاء متصفحي ,,


دامت روحك الطيبه عامره بيننا ,؛,


:×:

السلام عليكم ورحمه الله وبركاته

موضوع في قمــة الـرووعــه

درجــه (( اولىآ )) لأنه يهم شريحه غاليه على المجتمع

الشبآب × البنات

القضيه الساخنـه دائما وابدا في مجتمعاتنا

بجميع مداراتهم المهنيه والاجتماعيه

قبل ان ابدأ بالحديــث

اود منك اختي حياتي لصمتي بتفسير هذه الكلـمه

ليه أيّ حبّ خارج نطاق العائله عيب .. حتى لو كان بعفه وشرف أصبح (الحبّ العذريّ ) مقموع !

ماهي الطريقه العفيفه الشريفه اللتي سيبدأ منها الحب خارج اسوار العائله

ماكنتي تقصدين بالظبط بقولك طريقة حب عفيفه خارج اسوار العائله!! ؟؟

وعند الإيضآح ستكون لي عودهـ كي لآنختلف عن المضمون اختي

ودمتي بـــــود


قص قص

موضوع جدا راق لي بإنتظار صاحبه لإكمال عجلة هذا

المحور النقاشي المـهـم