•• { •• أفــتـ ح قـلـمڲ •• } ••

ليه لاجلك مات صوتي من كسر ظهر الكلام ؟
ليه يزعجني ملامي وانا دايم في يديك !
واللي سوّاك بعيوني من كثر جور الملام ..
انا حتى في عتابي ينفطر قلبي عليك !!
ماغدت عندي مسافه ولا رحل فيني زحام
ولاذبل وجد الاماني وانا دايم ارتجيك

ياخوي والله كل ابوهم (حقاره )
تجي ســوالفهم اليامنــي اقفيت

كل همهم حالي يكب اعتباره
وينبت بجرحي ملح كل ماتعافيت

باتت امانيهم عطاشى خساره
وانا شربت الفوز الاول وشفيت

طبعي وطبعي مايعرف الجساره
ماهي شطاره بس انا شفت واخفيت

عمري قضى وقته يطارد مساره
وجمري غضى ناره طفت بي وطفيت

شديت لك حبل مضى ساق ثاره
وعناد طفل قال : لاماتصافيت

من يوم كنا صغار ذقنا المراااره
والحين شوف كبرنا دام ضفيت

ارقى تعب واجمع بقايا انتثاره
واسقي مشاوير العنا كاني اهفيت

حاولت ابكي ليل يضحك سماره
واشفي قليله بأكثري ثار واشفيت

حلم بسما عيني يفك انتصاره
ورفعت كفي للاماني ورفيت

من طيش قلبي سكرته وانتحاره
والعمر خليته وفا .. لاتوفيت

اخوك شامخ مايعيش انكساره
اشبهك وافخربك ولافيك كفيت


وفيت لك مثل الضيا في نهاره
وكفيت ماكفيت .. وانا ميت اوفيت

..

تعال ..} *

تعال .. وينطفي شمع العتب .. واسهر على نورك
تعال .. ويختفي صمــت القصيد .. ولاتعب حيلي

ايام رآحت بي ورآحت على خير .
مرت على عمري مرور ( الثواني ) .

ايام كانت غير .. في ذمتي غير .
احيت يباس عروق ذيك المحاني .

( قبل الوداع ) قبل طوي المشاوير .
ماكنت احس بقيمته لو جفاني .

ويوم افترقنا .. والحزن جاني امغير .
عرفت وش معنى ( ضياع الآماني ) .

ماعاد لك ياحزن .. حشمه وتقدير .
من يوم جيت وجبت لي ( جرح ثاني ) .

وماعاد بيدي شي .. دام المقادير .
وفت وعدها .. وسلبتني زماني .

سليت بفراقه دموع المعاذير .
حتى خشع موج ( الغلا ) للمواني .

ومديت للقيا كفوف التباشير .
ومدت لي الفرقا كفوف التهاني .

ودي آفضفض بس وين التعابير ؟!.
ودي اعبر بس وين المعاني ؟!.

حاولت ابرر صمتي بأي تبرير .
وعجزت آبرر صمتي اللي غشاني .

ياصمتي اللي مالقا له تفآسير .
ليت الذي وداه .. يمه خذاني .

( ياحيله الله ) وش بقا ؟! وش يبي يصير ؟!.
دام المكان اليوم مآهو مكاني .

الغيت من بعده جميع المحآذير .
وارخصت عمري دام هالعمر فاني .

بعده .. تراها تهون كل المخاسير .
يعني وش اكبر من خسارة كياني ؟!.

لو قلت مآل ( لبعده ) اليوم ... تأثير .
تفضحني عيوني .. ويكذب لساني ..


..

على رصيف الوجع .. يرتاح صوت الغياب
............... اللي ورى لحظة اللقيـا .. حفـت نبرتـه

علّق أماني يديييييه بـ / كل درفه .. وباب
............... ومن كل درفه وبـاب .. يعـوّد بـعبرتـه

باكر يطيح الربيـع .. ويستريـح العتـاب
............... وباكر له ( أربع سنين ) ولا بـدت جرتـه

يطرد فلول الاماني .. مثل طرد السـراب
............... حتى تضيع الاماني / فـي كنـف غبرتـه

ليته ذكرني قبـل يرحـل / بكومـة تـراب
............... أو خيّط جروح من فارق .. بـ/ سلْك أبرته

ولا تركني عمى .. بين السهر / والعذاب
............... أمسي على نظرته .. وأصبح على نظـرته

..