حياتك وانت حر بحياتك

لحظه قبل لا تطلب البعد وتغيب
وتنهي معايه مرحله من حياتك


أخذ الهدايا والصور والمكاتيب
دامي خسرتك ما أبي ذكرياتك


يمكن يكون فراقنا رأيٍ مصيب
خيره .. كتبها الله جتني وجاتك

مع اني ادري انت ماعنك تجنيب
كنك موصيني وقاضب وصاتك


رح واترك بقلبي لك أربع معازيب
معزتك طاريك حبك غلاتك

وإن شفتني أجمع شتاتي .. ماهو عيب
باكر مع الأيام تجمع شتاتك

وإن شفتني شايل جروحٍ معاطيب
باكر يصير الجرح أبرز صفاتك


أكبر مصيبه في زمان العذاريب
إنّي أحبك وأنت حبك لذاتك


الطيب لو إنك تجازيه بالطيب
ماكان تالي الوقت هذي سواتك


يا صاحبي لا صرت أغلا الأصاحيب
لا تزعل بكيفك وتطلب رضاتك


أنا حبيبك مبعد الشوح مانيب
من ضيّع جهاته .. يدور جهاتك


إن كان ماعديت روس المراقيب
ماني كفو أصلاً أنام في عباتك


شفني مقدر عند عكف الأشانيب
مانيب من تومي عليه بعصاتك

رح للفراق إللي تركنا مصاويب
شمّت اعداتي قبل تشمّت أعداتك

الله معك .. رح وين ماودك تغيب
هذي حياتك .. وأنت حر بحياتك

شكرآ لك على الموضوع الرائع
كلك ذووق وبصمه مميزه
لا عدمنا جديدك يالغلا
في انتظار جديدك بــــشوق

بِـ عَطِوُر مَسّكوُبه لِـ هَمسّ .. عانَقَ الوِجَدآنْ
والرَوُحَ ..تنَتَشِيْ مِنَهآ طيِبَهآ
لآعَدِمْتّ تَوَآجُدِكُـم آلدَآئِمْ
بُوَرِكْتم

,

وإن شفتني أجمع شتاتي .. ماهو عيب باكر مع الأيام تجمع شتاتك

شـهـد ~

ما شاء الله عليك ..
ذائقتك رائعه .. وماهو غريب عليك هالإبداع

ذائقــــة رائـــعة تنــــم عن أأحســـاس كبير..


أكبر مصيبه في زمان العذاريب
إنّي أحبك وأنت حبك لذاتك


الطيب لو إنك تجازيه بالطيب
ماكان تالي الوقت هذي سواتك

يعطيــــك العـــافيــــهـ ..

ووديـ , واحتراميـ