:: النفس بيضآء والحلم للأسف وردي ، والطيب ۶ـآدة وأنآ وِش لى بهآ الـ۶ـأإدة ! (آخر رد :O S A M A)       :: لمن لايستطيع الدخول بعضويته (آخر رد :هيبة ملكـ)       :: 🥺🥺🥺🥺عُدنا بعد 12 سنة 🥺🥺🥺 (آخر رد :O S A M A)       :: {00خطوآت ملَكيـه (آخر رد :"✿..Ʒẑƒ Ặℓ-7иĩи)       :: ❤.¸¸.❤ .. اْلِْإَحَسَاْسِـْﮯَ اْلَخِجُوَِلَْـْﮯَ .. ❤.¸¸.❤ (آخر رد :الإحساس الخجول)       :: ..مــجـرد خربشـاتـ .. علــى جدار الزمــن.. (آخر رد :فـخـامـة كـبـريـاي)       :: {00حط يَدكْ بِيدي لِين نَكْتَبْ وفآ (آخر رد :"✿..Ʒẑƒ Ặℓ-7иĩи)       :: {00 ديـوآنـيه الأعضآء (آخر رد :"✿..Ʒẑƒ Ặℓ-7иĩи)       :: وَ . وَ . وَ .! (آخر رد :"✿..Ʒẑƒ Ặℓ-7иĩи)       :: وقـــــــع ولو بكلمه (آخر رد :"✿..Ʒẑƒ Ặℓ-7иĩи)      
هذه الرسالة تفيد بأنك غير مسجل لدينا. لتسجيل الرجاء اضغط هنـا
أعلآآآآن
|[ فعاليات المنتدى ]|

مركز تحميل هيبة ملك

الـمدونـآت

الجمعيه الخيرية

( قريبآ



العودة   منتديات هيبة ملك منبع إبداع لاينضب > ◦ • ◦ فُصُل الْتَرفِيه ◦ • ◦ > نكت - ضحك - وناسة - فرفشة
نكت - ضحك - وناسة - فرفشة ㋡. نتنفس هوآء النقآوهـ بقهقهآت بريئهـ.. الزعل مرِفوض والعتب مرفوع ㋡
الإهداءات


إضافة رد
قديم 04-29-2008, 09:36 AM   #1
خـيـ&ـالـي
:+:هيبة فضي:+:


الصورة الرمزية خـيـ&ـالـي
خـيـ&ـالـي غير متواجد حالياً

بيانات اضافيه [ + ]
 رقم العضوية : 703
 تاريخ التسجيل :  Dec 2007
 العمر : 24
 أخر زيارة : 04-07-2009 (07:42 PM)
 المشاركات : 760 [ + ]
 التقييم :  50
لوني المفضل : Cadetblue
Talking ....تحفهـ العرووووس...<< روايتي الي بغت تؤدي بهلاكي..




مـــــدخـــل :-

في بلاد اليمن السعيد حيث الحلبة الجميلة والقات الرائع ,, في ديار العم علي عبدالله صالح ,, تهور الأخ علي صالح ورفع سعر البنزين ..

ما أمداه يعلن هالقرار إلا و 80 يمني مجتمعين عند قصره ، كل واحد معه عجراء أطول منه واللي جايب معه مشعاب واللي متفلت ومطلع الخنجر ناوي يقلبها خبيتي فوق راس عبدالله صالح ‍ وعياله .

داهمتهم قوات مكافحة الشغب والاستخبارات اليمنيه وتلاعنت هي وياهم ,, تلاقط الطرفين وتدابغوا وكل واحد لعن أم أم مرسول الثاني ,

انتهت المواجهة للأسف بوفاة ثلاثة من المتظاهرين وجرح 30 واحد ..

تدرون وش الطريف في الموضوع ؟ الطريف ان هالثمانين نفر اللي محتجين على رفع سعر البنزين ما فيهم الا خمسة أشخاص يملكون سيارات ..

سلموني عليهم يا شيخ شوفوا الناس اللي تعشق شيء اسمه حرش ومحارش , 75 واحد ما عنده سيارة ولا يهمه القرار ومع ذلك جاءوا يوقفون في وجه أطلق شنب في الدولة وتلاعنوا هم وياها ..

يمكن ينط لي واحد منكم ويسأل سائل ويقول وش دخل موضوعك ياخيالي في هالسالفة .؟ اوكي راح أقوله :

انت ملقوف أولاَ ,, وحشري ودمك ثقيل على هالسؤال قسم بالله ,, وثانياَ : راح أبين لكم في نهاية الموضوع وش الرابط بين هالمدخل وبين موضوعي ,,

والآن ندرعم على الموضوع طواالي ثاني لفة يمين قبل تقاطع شارع الدوحه مع صيدلية السقاف ,

--------------------

الفصل الأول :-

شوفوا ما راح أهذر عليكم خذوا الموضوع من نسخته الأولى دون أي تعديل أكتبه لكم وانا مستعجل ,, لأن المثل يقول :

لا تكثر بربرة ترى يمّلونك , قلت وان ملوا مني ؟ قال: يحوسونك ., قلت وإذا حاسوني؟ قال أقول كمل موضوعك لألعن جدك والله انك ماتنعطى وجه !!

ذاك الأربعاء كنت طفشااان ,, من جد من جد طفشاااان ,, طفشاان وبقوة أقسم بالله يا عرب كنت طفشان (( يا شين كل تراب درينا ))

يمكن يرجع الملقوف اللي فوق ويسألني ليه كنت طفشان . أوكي راح اقول لكم :

خويي الروح بالروح "عزوز" رايح مكة عشان ياخذ عمرة الله يجزاه خير ,, مع العلم أنه كان في الاربعاء اللي قبله متكي في البحرين ,,

وخويي الثاني أبو " سويح" محتاس هو ويا اهله وبالمستشفى عند أمهم ,, الله لا يهينها أمهم شافت ماحولها أحد وهي اللي تدق في تمر السكري لين صفق السكر عندها 500 درجة فهرنهايت وطاحت عليهم ,,

إربعاء وإجازة واخوياك واحد في مكة والثاني مع أمه وش هالحظ المقرود وش السواة ياخيالي يالأطخم يازينة الشباب ؟

جلست في البيت معصب ونفسيتي قالبة وطالع وجهي كأنه وجه تيس شاف فاتورة جواله خمسة آلاف, أبد ماغير أنزل وأرقى ومن غرفة لغرفة وطفشان وكل شوي أجلد لي بزر من بزارين أخواني وأنواع الملل ,,

دخلت غرفة أبوي قعدت أبترم وأتفرج أدور شيء أكسره أو بزر أقوله وش مدخلك غرفة جدك ثم ألعن أصل أصله بس خسارة مالقيت أحد , وقفت عند مكتبة الوالد وهي عبارة عن مكتبة كبيره مليئة بالكتب (( أكيد مليئة كتب أجل مليئة عسكريم ! )) , لقيت كتاب مدحدح دبدوب على الرف باين أن ابوي قاعد يقرأ فيه لأنه مو مصفوف مع الكتب ,,

قلت ياخيالي يا وجه العنز ما عمرك قريت في حياتك الا جريدة االرياض تدخل على الصفحات الرياضيه ثم كاركتير الهليل وبس ,, جرب اقر واحد من هالكتب تقرقرت مصرانك ,, وانا اللي آخذ هالكتاب الدبدوب وااناظر وش اسمه واتفاجاأ ان اسمه /

تحفة العروس 

عرس , عروس , معرسة , أي وحده من هالمصطلحات دورني عندها تلقاني ,, قلت هلا والله واطمر لغرفتي ومعي الكتاب ,,


-----------------


الفصل الثاني :-


فتحت الكتاب وقعدت أقرأ ,, أم الكتاب الخاثر يا شيخ ,, يا إني رحت غلطة يوم قريت هالكتاب ,, نصفه عن آداب الزواج والنصف الثاني عن ليلة الدخلة ونصايح وبلاوي تخلي الراس يشيب ,,

أخبر أني كنت أقرأ المقدمة حقت الكتاب وشوي الا وانا واصل الفهرس وخاتم الكتاب ,, يا إني والله مسكت خط معه وخشيت جو ,,

خذوا مثال :

في الصفحة السابعة والسبعين بعد الألف يقول المؤلف الله يجزاه خير : " ... على الرجل أن يكون رقيقاً في تعامله مع زوجته فلا يندفع نحوها بقوة وقسوة ,, بل يبادرها بلطف ويقبلها بكل حنان ومودة و (( ... طوط طوط كلام مشفر... )) ثم إذا أحس أن زوجته بدأت تتقبل عواطفه ومالت إليه وقتها يجب عليه أن ((... كلام مشفر ألعن من اللي قبل .... )) ... "

في الصفحة الثمانون بعد المئة قرأت من زود قرادتي : " .. تفاعل المرأة مع زوجها في ( .... ... ) يجعله يحبها أكثر وأكثر , فعليها أن تبادله الـ ( ... مقطع داشر... ) و أن ( ... طوط طوط استغفر الله بس !! ) وتبادله الآهات و( ___ ) ثم إذا وصلوا إلى(( ذاك وذاك)) فعليه أن لايقوم من عندها إلا وهي ( .... من جد كلام واطي!! .. )) .. "!!

كله كوم والصفحات الأخيرة كوم ثاني , يقول المؤلف حسبي الله عليه ياهو أجرم فيني

"... عليه احتضان زوجته والرفق بها والهمس في أذنها برفق ولا مانع من ( ...... .... ) وعليها ان تتدلل له وتتغنج أمامه وتلبس له ما يجعله ( ........ آلله ابوك كتاب ... ) ثم قام المؤلف يشرح الغسل وكيفيته عقب ما خلص شارح الأشياء اللي قبل الغسل (( والله يا هو غسل مخي بعد ))


طبعاَ فيه فصل كامل في الكتاب خاص بطريقة ( الـ ... ) ودي أحدثكم عنه بس اخاف يطير نكي, وتروح سمعتي في قلاقل


وفيه خمس صفحات في الكتاب لو قلتها لكم يمكن بعدها ماتدخلون موضوعي هذا الا ببروكسي لأنه بيصير محجوب ولايمكن الوصول له !


صكيت الكتاب ,, قعدت أدور في غرفتي وانا مندهش منلحس منفرش منبرش وأقول : يا حظ اللي عنده حرمه أخ بس يا حظ اللي عنده حرمه والله لو عندي حرمه الحين إن كان , إن كان .. إن كان لعبنا أونو !! ,, تصدقون حسيت بأشياء غريبه وانا أقرأ الكتاب :-

أحسست وانا قاعد اقرأ بمغص في بطني ,, قلت الله يستر ياخيالي لايكون هذا اللي يسمونه الطلق اللي يجي قبل الولاده , , والله اللي نكبت عفش اهلي لو صرت أم وأنا مابعد أعرست (( قام يهلوس !! ))

أحسست برغبة جامحه في الزواج خلاص أبي أعرس يعني أبي أعرس وأطبق الكتاب حرفياَ ,, انهبلت قعدت أناظر الدولاب حق غرفتي نظرات غير بريئة ,, الله ياخذك ياعزوز ليتك ما رحت مكة كان الحين جالسين في الشوارع ندور ولا قريت هالكتاب البثر .


والله يا إخواتي الجميلات ويااخواني الشطار ادري انه كتاب ديني وأدري أنه مفيد للي مقبلين على زواج , لكن أنا عمري طوط سنة ولاعندي ولا فلس ولا حولي عرس وش أسوي ؟ أشق هدومي أو أشق هدومي ولاّ أشق هدومي (( انثبر تراك جبت العيد: ))

طق ,, طق ,, سمعت الباب يطق :

فتحت الباب ودخلت علي الغرفة شغالتنا الشبه عبده. الشينه الجديده الوكاله ستي . اعرفوا انها تسلم علي في اليوم 17 مره ماادري حب ولا وش السالفه.,, معها كاس شاهي لي ,, حطته جنبي وديورت تبي تطلع ,

مدري وش سويت وتهورت!! وصرخت ستي علي وسطرتني كف ( العن بليس والله تهزأت يا قدعان ) قالت : واللهي ياخيالي إنتاا هوماار كبير وطلعت زعلانه ( الله يلعنتس يا باسكال اقلبي وجهتس بس ! )


على طول قمت ورجعت الكتاب لغرفة الوالد وقعدت أسبوع كامل أهوجس في العرس ونفسيتي صارت زفت ودمار صدقي !

-----------------------------

الفصل الثالث :-


بعد إسبوع من قرائتي للكتاب المطرطع,, دخلت غرفة ابوي عشان أسرق الكتاب واقراه ثانيه ( اعنبوا بليسك لوه قرآن ما حرصت عليه هالحرص ! ) , لقيت أبوي منسدح الله لايهينه وماسك له كتاب ويقرأ بتركيز شديد وماهوب يمي ,,

قعدت ادور كتاب تحفة العروس مالقيته في المكتبه ,, قمت بإلتفاته سريعه نحو أبي وإذا بي أتفاجأ أن الكتاب الزاحف مع ابوي ,,

ناظرت أبوي بنظرات مثل هذا الوجه الخاالع >> (فيس واحد مميل عقاله ويناظر بخبث) !!

قال خير يا الهيس الأربد وش تبي .؟ قلت وانا ابتسم بخبث : أبي الكتاب اللي معك

قال: وش كتابه وانا ابوك هذا علاج لو تشربه نعلم عليك الدكتور ثم يدقك ابرة (( والله يا هالأبو عليه تصريفات ! )) ,, قلت وانا ابتسم بخبث ماكر :

دكتور مين وعلاج مين هذا كتاب يا حلو مو علاج وش شايفني بزر قدامك تصرفني !

تلخبط الوالد وحس أنه جاب العيد قال وهو يزين طاقيته : ههه ايييه الله يقطع سوالفك ياولدي هذا كتاب فتح القدير لتفسير القرآن العظيم ما يصلح لك قم وانا ابوك خلني أقرأ واغنم الأجر .

فقعت امها ضحك وقلت بكل ميانة : فتح القدير أجل هههه ترى بأفتح جبهتك هاته بس وخل عنك الخرط ( ذب الميانه الثور ! )

ما أمداني أخلص جملتي الا والكتاب جايني يمشي مليون ويخبطني مع خشتي وانا اللي أطيح فاقد الوعي ,

قمت وصوبت نظراتي نحو والدي ! أخذ يناظر فيني مستغرب وامتدت النظرات لدقيقة كامله ,,

فجأة :-

اغرورقت عيني بالدمع ,, براطمي أخذت تتعرفط وقمت أهز برأسي يمينا ويسارا وتدحرجت دمعتي على خدي وانا أنظر لأبي ,, أحسست أن والدي بدأ يرحمني فـ همست قائلا له :

أبتاه لا تحاول خداعي لقد قرأت الكتاب يا أبي وانا الآن أعيش قمة العذاب .. وبكيت بحرقة ،، تأثر أبوي واقترب مني وقال :

قريته يا ولدي ؟ رميت نفسي على كتفه في مشهد مصري وحظنته وأخذت أمسح خشمي ودموعي بطرف كمه وأخذت أشاهق وأبكي بصوت عالي وأردد :

يبه ايه قريته وانا مامعي ولا قرش والى الان وانا طالب وأبي اعرس تكفى دبرني . وقعدت أنحط وأصيح .

قال: يا ولدي من اللي يبيك وانت الله يصلحك سمعتك في الحضيض وطفران ولا عندك بيت وانا يابوك متعلق في سوق الاسهم ,

قلت: تكفى ترى بأموت ان ما أعرست ، كله من كتابك وذمتي في رقبتك انت والمؤلف ,,

وطلعت من عنده ورحت غرفتي وقعدت أصيح لحالي ( بذمتكم مارحمتوني )

-----------------

الفصل الأخير:-


من بكرة اجتمع أبوي مع أخواني الكبار وقاموا يدرسون مشكلتي ويدورون لها حلول وأخيراَ لقوا لي حل ,,

قرروا أنهم يزوجوني ستي الاندونيسيه ,, منها أعرس وأفكهم من صجتي ومنها أصلح غلطتي معها يوم أخطيت عليها ,,

قالوا لي هاه موافق ؟ ستي الاندونيسيه تبيها ؟ قلت : الله يبارك فيكم وعقبالكم ايه موافق وين كروكي الاستراحة حقت العرس؟ قالوا يا الثور ماهنا استراحة. العرس سكاتي الله يفضحك .. موافق على الشغاله؟ قلت : تم , تم . تم . دم دم الساعه كم ؟ (( من زود الوناسه قام ينكت ))


عاد حددنا العرس الاسبوع الجاي والعرس ( سكاتي ) مافيه طقطقه ولا معازيم كثار ,, ولا عندي اغلى منكم يا أهل هذا المنتدى الرائع أبيكم تشرفوني في عرسي ترى ما فيه أجناب ,, ماغير أخو ستي اللي يشتغل سباك في المربع وخالها راعي الدشوش اللي في سلطانه (( حمولتن طيبة ))

الله يحييكم والغايب يعلم الحاضر !

---------------


ما يستفاد من موضوعي الفاشل :-

1- إذا كنت عزوبي فـ انحش عن هالكتاب , وإذا كنت متزوج فداوم عليه وطبق كلامه حرفياَ صدقني راح تدعي لي انت والمدام .

2- إذا كنت عزوبي وقرأت هالكتاب فـ من حقك أن ترفع قضيه على المؤلف الله يرحمه وإن شاء الله راح تكسبها خابرن لك محامي مصري صلعته أكبر من راسه فتيت قضايا !

3- إذا رأيت نيوب الليث باسمة ,, فلا تحسبن الليث يبتسمُ <<< تنقطنا بسكاتك ؟ !

4- رجاءا لا أحد يغلط على الاندونسيين تراهم منا وفينا

5- قسم بالله إني مستعجل وآسف إن كان خنبقت عليكم ,

6- قال وش حدك على المر يا شريم قال ما من برطم والقناعة كنز لا يفنى .!


------------

نقطة استدراك :-

ارجعوا للمدخل اللي فوق حق أبو يمن , فيه واحد سألني قال وش علاقته بالموضوع وقلت له في نهاية الموضوع راح أعلمك ,.

تبون الصدق؟ قسم بالله عجزت ألقى رابط يجمعهم حاولت أنصب عليكم وأجيب رابط من راسي بس ماااش من جد ما له سنع


---------------

قفلة :-
ستي , حبيبتي ,, إني قادمُ ُ إليكِ يا فتاتي لنرقص على سطح القمر ونغني ونقول :

بالروح بالدم نفديكي يااندونيسيا






آسف للإطاله والسلام عليكم ورحمة الله وبركاته واندونيسيا في قلوبنا:a2a1170: وياخيالي بمن حضر


 

رد مع اقتباس
قديم 04-30-2008, 07:14 PM   #2
الإحساس الخجول
+:[ عضوية ذهبية ]:+


الصورة الرمزية الإحساس الخجول
الإحساس الخجول غير متواجد حالياً

بيانات اضافيه [ + ]
 رقم العضوية : 977
 تاريخ التسجيل :  Feb 2008
 أخر زيارة : 03-04-2024 (06:45 PM)
 المشاركات : 12,658 [ + ]
 التقييم :  3652
لوني المفضل : Cadetblue
افتراضي







هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههه








ياااااااااااااااااااااااا شيخ عدمت عيووووووووووووووووووووووووني وانا اقرأ ..





اما عليكـ امثلهـ <<< تتذكر نفسها دايم يموتون ضحكـ لا جت تقول مثل خخخخخخخخخخخخخ






قسماً بالله مت ضحكـ ..



ميرووووووووووووووووووووووووووووووووووووو وووكـ ... .. ترى في طقاقات هنا في المنتدى .. احجز .. ترى بنسوي لكـ خصم .. دامكـ منا وفينا خخخخخخخخخخخخخخخخخخخخخخخخخخخخخخخخ

وشو لهـ سكاتي ..





ورقي رقاصهـ خخخخخخخخخخخخخخخخخخخخخخخخ








وننتظركـ دووووووووووووووووووووووووووووووووووووووو م بالمضحكـ انت رواياتكـ .. الشيطانيهـ ..






هههههههههههههههههههههه


 
 توقيع : الإحساس الخجول

ღ أنت آلزآئر لموآضيـ ع ـي رقم ღ


رد مع اقتباس
قديم 05-01-2008, 03:25 AM   #3
$$الامبراطور$$
:+[ VIp ]+:


الصورة الرمزية $$الامبراطور$$
$$الامبراطور$$ غير متواجد حالياً

بيانات اضافيه [ + ]
 رقم العضوية : 13
 تاريخ التسجيل :  Jul 2007
 أخر زيارة : 05-10-2009 (02:17 AM)
 المشاركات : 17,001 [ + ]
 التقييم :  50
لوني المفضل : Cadetblue
افتراضي



هههههههههههههههههههههههههههههههههههههه

هههههههههههههههههههههه

ههههههههههه



خيالي الله يقطع ابليسكـــ من جد موووتني من الضحكــ والله ياعليك امثله وتعليقاات يالدب



خخخخخخخخخخخخخخخخخخخخخخخخخخخخخخخخخ

خخخخخخخخخخخخخخ



بس تعااااال انت اخذت الاندنوسيه <<<يسويها



طيب احجزلي اختهااا تراهم يمدحوون الاندنوسيااات ورخيصااات بالحيل

هههههههههههههههههههههههههههه



سلملي على ابوووك عقب ماخبط الكتاااب عليكــ ههههههههههههههههههههه




بانتضارك ياحبي


دمت بووود


 

رد مع اقتباس
قديم 05-01-2008, 07:53 AM   #4
رقي أنثى
موقوف


الصورة الرمزية رقي أنثى
رقي أنثى غير متواجد حالياً

بيانات اضافيه [ + ]
 رقم العضوية : 749
 تاريخ التسجيل :  Jan 2008
 أخر زيارة : 10-27-2010 (06:08 AM)
 المشاركات : 2,764 [ + ]
 التقييم :  50
لوني المفضل : Cadetblue
افتراضي





الله ياخذ شيطانك هههههههههههههههههههههههههههههههههههه

بجد انت يبغالك جلسه انت مطرطع وظريــــــــــــــــــــــــــــــــــــ ــــــــف خخخخخخخخخخخخخخخخخخخخخخخ

عاد ماوقفت الا على الشغاله ياشيخ خذلك سعوديه احسن لك هههههههههههههههههههههههههههههه


وعلى قولت حبيبتي الاحساس لاتشيل هم الطقاقات فيه انا وياها نقوم بالمهمه ,ههههههههاي

بس حلو هذه الروايه تنبئ بقدووووم روائي سعوودي رائع يسحب الاضواء عن غازي القصيبي خخخخخخخخخخخخخ


يسلمو يعطيك ربي الف عااااافيه


 

رد مع اقتباس
قديم 05-01-2008, 08:12 AM   #5
أوعدك
:+:هيبة ذهبي:+:


الصورة الرمزية أوعدك
أوعدك غير متواجد حالياً

بيانات اضافيه [ + ]
 رقم العضوية : 364
 تاريخ التسجيل :  Oct 2007
 أخر زيارة : 11-17-2014 (09:58 AM)
 المشاركات : 1,314 [ + ]
 التقييم :  100
لوني المفضل : Cadetblue
افتراضي



هههههههههههههههههههههههههههههههههههههههه ههههههههههههههه
هههههههههههههههههههههههههههههههههههههههه ههههههههههههه
هههههههههههههههههههههههههههههههههههههههه هههههههههه
هههههههههههههههههههههههههههههههههههههههه ههههههه
هههههههههههههههههههههههههههههههههههههههه ههه
ههههههههههههههههههههههههههههههههههههههه
هههههههههههههههههههههههههههههههههههه
هههههههههههههههههههههههههههههههه
ههههههههههههههههههههههههههههه
ههههههههههههههههههههههههههه
ههههههههههههههههههههههههه
ههههههههههههههههههههه


أنت الحين من جدكـ بتتزوج أندنوسيهـ
الله يعينكـ بس لاتنسى ملي البيت أندومي عشان ماتحشش عليكـ>>ok


 

رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كيف تغير الناس دون أن تؤدي مشاعرهمُ ,, تغيب الناس تــطوير الـذات 12 01-10-2012 07:38 PM
الى كل من تنحى عن هذا القسم إرتقي بنفسك ترحال حوارات - نقاشات جادة - قضايا هامة 6 07-31-2011 07:04 AM
هنا توجد جنازة لمشاعر shooshy ♡ القسم الـعـام 3 04-14-2011 08:38 AM
أسبــآب تؤدي إلـى تعب الدمــآغ الماجد العياده الطبيه و فكـر الأطبـآء 20 10-12-2009 08:40 PM
فقط ....في كلمتين تؤيد او لا تؤيد ................] شموووخ القسم الـعـام 11 03-01-2008 05:13 PM

^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~

Preview on Feedage: %D9%85%D9%86%D8%AA%D8%AF%D9%89-%D9%87%D9%8A%D8%A8%D8%A9-%D9%85%D9%84%D9%83 Add to My Yahoo! منتدى هيبة ملك Add to Google! منتدى هيبة ملك Add to MSN منتدى هيبة ملك Subscribe in Pakeflakes منتدى هيبة ملك Add to Windows Live منتدى هيبة ملك

الساعة الآن 09:53 PM.


Powered by vBulletin Version 3.8.7
Copyright ©2000 - 2024, Jelsoft Enterprises Ltd
دعم وحماية مرسانا لخدمات الويب
HêĽм √ 3.1 BY: ! ωαнαм ! © 2010