يـا كبـر حـظ النـوم

يـا كبـر حـظ النـوم .. لازار عيـنـك !!
يكفيه من عينك .. ( معانقـة الاهـداب ) !!


مالوم .. لـو دنّـق .. وقبّـل .. جبينـك !!
لنّه .. مثـل قلبـي .. علـى ضمتـك ذاب !!


مانيب قايل : من ضنا الشوق .. ( وينك ) !!
لنّك .. بنيت بداخل الصـدر ( محـراب ) !!


قلبي .. وعيني .. من غـلا .. محتوينـك !!
وروح الغلا .. تهديك .. ( حله وجلبـاب ) !!


كن ّ .. الشهـد مسكـوب فـي شفتينـك !!
شوف .. النحل .. وشلون من حوله احزاب !!


سلهامة عيونـك .. ( فضيحـة كنينـك ) !!
فكت .. علـى خافـي معاليقـك .. البـاب !!


حتـى عرفـت انـك : تبـادل رهينـك ..!!
نفس المشاعر والغـلا .. قلـب واحبـاب !!


شوف الغلا .. وشلـون بينـي وبينـك .. !!
يكتب .. على نبض المعاليـق .. ترحـاب !!


غنيت له : من صـادق الـود .. لينـك .. !!
قمت .. اترنم لي .. على صوت الاعجـاب !!


غمّض عيونـك .. ثـم قـرّب يدينـك .. !!
من صدري اللي كـن يصـلاه .. شبـاب !!


ابيك تشعـر .. كيـف يشعـر .. ضنينـك !!
لا دورك .. بيـن المحانـي .. والاهـداب !!

يـا كبـر حـظ النـوم .. لازار عيـنـك !! يكفيه من عينك .. ( معانقـة الاهـداب ) !! مالوم .. لـو دنّـق .. وقبّـل .. جبينـك !! لنّه .. مثـل قلبـي .. علـى ضمتـك ذاب !!

تسلم ياذوووووق وهاشت فيافي احاسيسُك


كل التقديُر

الناس اجناس

كلمات جميلة ولا أحلى .. ولا تبخل علينا بالجديد

مع التحايا ,,,

أل أغر

يا أل أغر
تسلم
يـ ع ـطيك الـ ع ـافية على الرد

ياسر
تسلم على الطله والله إنت الذوووواق يوم دخلت القصيده
تحياتي

نس نس

كن ّ .. الشهـد مسكـوب فـي شفتينـك !! شوف .. النحل .. وشلون من حوله احزاب !!

الله على الذووق الرآقي

يعطيك العافيه نس نس

ولآ عدمنا جديدك