كح كح أنواع من الحلى دايم أصلحها بالصور (مرامــ)

مساء الحب مساء الرضاء .. كيفكم صبايا.. اليوم حبيت أقدم لكم شي خيال لمين؟؟ طبعاًلمدمنين القهوه ويحبون الحلى ( مثلي) كح كح <<< بسم الله علي عموما نرجع راح اجيب لكم أصناف حلى أنا سويتها ومجربتها وبجد خيال لاتفوتكم طبعاً اخواني الشباب قولوا لأخواتكم او أمهاتكم أو خدامتكم يصلحونه لكم حتى ماتحوسون الدنيا إنتظروني مع اصنافي المختاره المميزه دمتم في صحه وعافيه مـــــــــــــــــــــــرام

(بسبوسه محشيه بالتوفي) ماتحتاج شيره>>>شايفين كيف سهله اول شي نجهز مقادير التوفي(وفيه توفي جاهز ) 2 بياله سكر وعلبه قشطه دافيه سويهم مثل التوفي العادي اللي طريقته ...قومي كرملي السكر عالنار بعدين اضيفي القشطه وحركيهم لما تذوب التكتلات واذا جهز خليه على جنب مقادير البسبوسه.... 2 بيضه فانيللا كاس سكر كاس سميد نص كاس زيت نص كاس جوز هند علبه زبادي ملعقه كبيره Bp اخلطيهم سوا زين بالخلاط ولا بالويسك اللي تحبين انا عن نفسي حركتمهم بملعقة الويسك بعدين جيبي صينيه البايركس>>>اكبر شي وادهنيها بزييت ثم اسكبي فيها نص الخليط ودخليها فرن محمى قبل بــ10 دقايق خليها خمس دقايق ثم خلي النار هاديه اذا احمرت من تحت او اشقرت طلعيها وادهنيها بالتوفي اللي جهزتيه>>>بيصير كانه مربى ادهنيه عليها بالكامل بعدين يادبى جيبي باقي الخليط وصبيه فوق التوفي ثم زينيها بالمكسرات ودخليها في الفرن مره ثانيه وخليه مشغل من تحت لاكثر من خمس دقايق حتى اللي فوق شغليه خليه يحمر بس حطي بالك عليه لايحترق والا وياليت النار اللي من فوق تكون خفيفه عشان ماتشقر بسرعه قبل ماتستوي وطلعيها وخليها تبرد قبل تقطعينها ولاتحتاج شيره ولاشي هذي هي الغلا وبالعافيه على فكره سويتها كثير وعجبت اللي معاي ..

((حلى الاقماع +حلى التشيز كيك )) حلى الأقماع شوكلاته خام يذوب وناخذ الشكولاته بالملعقه ويصب بالكأس وعلى الجوانب يدخل الفريزر حتى يجمد الحشوه بسكوت اولكر ساندوتش يكسر كاس حليب بودره محموس شعيريه باكستانيه محموسه>>تقريبا نصها 1بسكوت جوزه مطحون حليب نستله للعجن<< لا تكثرين عشان ما تصير لينه مره او حاليه نطلع الاقماع من الفريزر ونحشيها بعدين نسكرها بالشوكلاته.. >>سوري مالقيت صوره لأقماع الورق اللي استخدمت ************ حلى التشيز كيك الطبقه الاولى 3 بسكوت شاهي مطحون - 1ونص اصبع زبده يخلط بالملعقه ويرص بالصينيه واذا صارت الزبده شويه اخلطي معه شوي قشطه الطبقه الثانيه 1 علبة زبادي - 6 فناجيل حليب جاف - 3 فناجيل سكر يخلط بالخلاط ويصب فوق الطبقه الاولى ويرش فوقه الدارسين ويدخل الفرن حتى تجمد الطبقه <<من دون تحمير وبس ..

((حلى البيف باستري)) الَيوم الحلى مقـاديره سهلة وقليَلة وغير مكلفة وإنا دايمـاً متعودين على البف باستري المالــح وابد مــايـكلف ولا ياخذ ربع ســاعـه مو كـاني كثرت حكي نبــدأ :: المقــادير .. نبــدأ :: طـبعـاَ الـكيُري ممكـن تحشـين بعضـها بالـكيرياو كـبديـل عن الجالكــسي نبدا نحشـي البف بــاَستري بالجـَالكـسي طــبعا لكل شَريحـة بف قطعة جالكسي ونرصـها بالصينية وندهـنهـا } بالبيـض / الحليب / الزيــت وندخـلها الفررن وبس تــكون جــاهزة نطلعها من الفرن ونصب عليها نستله ونرش قـْـرفـة ع حسَب الرغـبة

واو روعة
يعطيك الف عافية
ان شاء الله بجربها
بانتظار جديدك لروحك ما تتمنى