غريب احساس

غريب احساس


قالت اخبرني عـــــن الحـــــــب لا هنــــــــت
أبي دروسك فيه افتح ليَ حــــــســـــــــــــاب

كل الناس تشكي منه وين مـــا رحـــــــــــت
ولا دريت من صادق ٍ به ومـــــــــن كــــذاب

غريب احساس ياخذني اذا كلــــــمـــــــــــت
انسان واحد ما ودي يبــــــتعد بجــــــــــناب

اموت ودي الا من هاتـــــفه قـــــــــــــــفـلت
ولا من رن هاتفه حســـيــــــت قلبــــي ذاب

عجل علي ارجوك قلي تراني صــــــــــــرت
محتار هذا عشق والا علي عــقــــــــــــــاب

لها قلت يا بنت خذي عني لو طـــــولـــــت
خبير الحب و وجاعـــــه و له عَــــــــــراب

عنه انشديني الحــب كل درب له جـــربــت
لغاته كلها و جبره وهندســــه وحــســــاب

أهداب العيــون لغاته اليا سـَـلهمت ذبـــــتْ
وان ماقت خذت عقلك لفوق سحـــــــــــاب

وجبر الخواطر فيه شوفه عليـــــها ولهــت
وهندسة موعد اللقيا بلا حاسد ولا رََقّــــاب

ومن المحاسب للدقايق والثـواني صحـــت
تمر و كِنها عمرك و لو عليـها عقـــــــــاب

سابر بحاره كلها وعالمـــــه جِبـــــــــــت
شِباكه كلها مزقت و فتحــت لـــــه ابـــواب

جربت صادق حساسه ومزيفــــــه ذقــــــت
قاسيت منه المراره واشربت العذاب انخـاب

و القيت فيه محاضرات ٍ ,, وفنه أنا علــــمت
مني خذ العلم في الحب ان كنت له َطـــلاب

والداء والدوا لك عــــندي اليا فصـــــلـــت
وكل سؤال لِك عندي علــــيــــه جِــــــواب

جاهز ٍللحصه تريني وقــــد حضــــــــــرت
هات الدفاتر والا لوح مــــن اخشـــــــــاب

دَقْه قديمه بدف ٍ وطبله وان تبي شــَــكلت
وان بغيتي علي هيفا وعمــــر ذيـــــــــاب

مجهز وسايلها والنـــت قد وصــــــــــــلت
ننقل الخبرات للعالم على سكـــــــــاي لاب

وكل الاقمار مجان تنــقل وقد صمـــــمــت
من سهم الاحساس نعلنها نبي طـــــــلاب


الحب اخذ وعطى واشر لا من بعــــــــــت
والكل يا خذ ما يبي من غيـــــر حســــاب

هذي علوم الحب من تجــــربه دونـــــــت
درس للي جديده ترى الـــــهوى غـــــلاب

يا من تدعي علمه وانت ما بعـــــد فِــعـت
اقول انك غرير به من جمــــــلة الطـــلاب

راجع جوابك قبل التـــــقديم ان جــــاوبت
وذاكر قبل امتحانه وإلا تكـــــون رَسّـــاب

الهوا وجد ومشاعر تشعر انك ذبــــــــــت
والجفن تسهيد بدموع ٍحاميـــــه وإلهــاب

واشواق تطفَى بضــــــم ٍعلـــــيه ولِــــفت
ونجوى علي قــــــرب ٍ وطعــــم رضـــاب

وحب ما يُبكي الحبــــــيب لا من غبـــــت
كبر عليه اربع ثم ادفــنــــــه في تـــــراب

وإلا ما سهر عليك لا مـــــــنك اتعـــــــبت
بيعه رخيص ٍ تراهـ ما يستــــــاهل عتاب

الهوا لا ما جا من الجنبيـــــــن قد خبـــت
ما هو بصادق احساس ٍ تـــــــراهـ كــذاب

هذ ا اول دروسي وبعض ما جـــــــربـــت
والدرس متواصلٍ والشـــــــراب انخــــاب

قالت اقبلني ولو في الدروس ارسبـــــــت
ودي اكون الطالبه وحدي بلا طـــــــــلاب

الدرس لي مخصوص ذا غايتي وضــحت
ما بي مزاحم في الحصـــص وغيــــــــاب

قلت ذا شرطي ولك معلوم قد بلغــــــــــت
درسي خصوصي من اول يوم في الكُتْابْ

مماراق لي

سهمـ القلوبـ ,,

انتقآء مميز وصحـ لسآنـ كآتبهآ ,,

لاعدمنآ جديدكـ وتمـ تقييمكـ ,,

المشاركة الأصلية كتبت بواسطة هيبة ملكـ سهمـ القلوبـ ,, انتقآء مميز وصحـ لسآنـ كآتبهآ ,, لاعدمنآ جديدكـ وتمـ تقييمكـ ,,

اسعدني مروركـ

وتسلـــــــم ع لتقييييييم هذا من ذوقكـ

منوووووووورني خييييو