قصة قصيده منقوله

سلام عليكم

والله من زمان ودي اكتب شي في هالقسم ولو بسيط اشارك فيه

لكن المشكله ماعندي شي مكتوب وفي نفس الوقت ماحب انقل قصايد يعني احيانا تجي ابيات في

البال وتطير في ساعتها بدون لا اسجلها وانا دايم ما احرص اني اسجل شي

هالقصيده اللي بكتبها الان هي الوحيده المحفوظه بالجهاز وقصتها فيها شوية طرافه

هذا يا اخوان قبل شهرين او شهر ماني متذكر بظبط دخلت قوقل ادورلي حاجه لقيتها في احد المنتديات

وبعدها فريت بالمنتدى واعجبني وقمت وسجلت عضويه فيه وفريت شوي يمين يسار ودخلت اخر شي

قسم الشعر لاني متاكد انه مليان قصايد من نوعية احبها وحبتني وخنتها يوم خانتني وفعلا لقيت هالقصايد

ودخلت على موضوع قصيده ولقيت وحده كاتبه قصيده وحاطه صوره خادشه للحيا يسمونها رومنسيه

وكتبت رد بيتين طلعت في بالي وحطيتها ولاعلقت عليها هي

وطمر واحد ماله دعوه ودخل على الخط واقتبس بطريقه غير مباشره وكتب ابيات طويله من ضمنها اللي اذكره هالابيات

ياصغير لاتفلسف منت قد الارتجال

لو وصلت لبرج بابل في ديار الرافدين

أظغط انتر في جهازك ينكتبلك حرف دال

حط لام وحط خا وأظغط انتر مرتين

يطلع اسمك اكتروني دلخ اقرب احتمال

وكان تسمع بالذهانه يالذكي طحت بكمين

كتب تحتها راقت لي بقوه

انا ماشفت راقت لي

الصراحه الابيات قويه

جلست شوي وقريتها مره ومرتين ولا هي قويه لازم ارد

فتحت ملف وورد وقلت الله يعين لاني ماحب المحاوره صراحه احب اسمعها بس ماحب اكتبها

كتبت اربع ابيات وبعدها شفت كلمة راقت لي ؟؟

واحترت شوي وقمت وكتبت ابياته في قوقل ولقيتها ماليه المنتديات

وتاكدت انه ناقلها ويبي يسوي فزعه

قلت بس خلوها

من علامات الصغير حب قيل وحب قال
طايع(ن) وقته يحسبه كل يوم(ن) له يزين

دام قوله رايق (ن) له عندنا له احتمال
اكتب الـغـا قبل بي وأظغط انتر مرتين

ماعترضتك وانتقصتك ليه كل الانفعال
قلت قولي وارتجلته لاتسوي لي فطين

الكمين اللي حفرته ماتطيح به الجمال
لاتفلسف به علينا من يسار ومن يمين

لو كتبتبه من يمينك جتك ضربه بالعقال
دون رحمه مانفكك لين تنسى الوالدين

لاتسوي لي محامي عند هذاك الغزال
انتفك بالقاف شعره واعجنك بين العجين

ثم اطلعك بحرافه واغسلك بالارتجال
مير بعد عن طريقي لانكفر بك يمين

الخطا ابد(ن) ماحبه والجدل واهل الجدال
العن الشيطان واركد كلبونا مسلمين

ياولد هاذي نصيحه لاتحقر بالرجال
واعمل بدنياك حسنه اخرتها ميتين

وكان قولي لك مسوي جرح فيه الدم سال
اغســلــه بالــمــا وعــقبه ادهـنـه بالعايدين

من ثلاث شهور ادور منتدى في اعتدال
مالقيت اللي طلبته ليت ربي لي يعين

دام هاذي البدايه بتركه لاهل الشمال
وارجع لقوقل لعلي القى فيه اهل اليمين

وسلامتكم

المشاركة الأصلية كتبت بواسطة zyzoom من ثلاث شهور ادور منتدى في اعتدال مالقيت اللي طلبته ليت ربي لي يعين دام هاذي البدايه بتركه لاهل الشمال وارجع لقوقل لعلي القى فيه اهل اليمين

.. مــا شاء الله تبـارك الله ,, صــح لــسانك , وراائعـــه القصيدهـ بكل بيت فيهآ ..
.. وبأذن الله تــلاقي بمنتديآت هيـبه ملك الأعتدال الي تدور عليه بقوقل ..
, زيزوم / دائمـا جميل وراقي بــفكرك العميق .,

.
تقيييم /

لك مني أرقى تحيه

صحُ إلساااااااااااااااااااانــــــــُك

يالنشميُ

رديتلهُ سوط من حميمُ بليآ جدالُ

علمتهُ الدرسُ وعلوم المرجله علم اليقيُن

وإمتثالكُ وترويُك وإعتدالك وقتُ الإنفعآلُ

ماهوُ إلآ علمُ يدرسُ في مدارسُ الاوليُن

كفيت ووفيُت يامعتدلُ وقتُ الميُال

وأنتُ رجل(ن) نفتخربهُ وهذب حبةُ فوق الجبيُن



سلمُُت وسلمُ قآفكُ

كثر الله أمثالكُ


وأحلا تقييُم


تقديُري وإحترآميُ

المشاركة الأصلية كتبت بواسطة الهدوء الساحر .. مــا شاء الله تبـارك الله ,, صــح لــسانك , وراائعـــه القصيدهـ بكل بيت فيهآ .. .. وبأذن الله تــلاقي بمنتديآت هيـبه ملك الأعتدال الي تدور عليه بقوقل .. , زيزوم / دائمـا جميل وراقي بــفكرك العميق ., . تقيييم / لك مني أرقى تحيه

لا ابشرك لقيت فيه المطلوب ولله الحمد

بس ترا مالقيته في قوقل

لقيته عند اللي صممه


شكرا الهدوء على متابعتك الدائمه

المشاركة الأصلية كتبت بواسطة ]ǁ[يـآإْسُـرٍ]ǁ[ صحُ إلساااااااااااااااااااانــــــــُك يالنشميُ رديتلهُ سوط من حميمُ بليآ جدالُ علمتهُ الدرسُ وعلوم المرجله علم اليقيُن وإمتثالكُ وترويُك وإعتدالك وقتُ الإنفعآلُ ماهوُ إلآ علمُ يدرسُ في مدارسُ الاوليُن كفيت ووفيُت يامعتدلُ وقتُ الميُال وأنتُ رجل(ن) نفتخربهُ وهذب حبةُ فوق الجبيُن سلمُُت وسلمُ قآفكُ كثر الله أمثالكُ وأحلا تقييُم تقديُري وإحترآميُ

بارك الله فيك اخي ياسر على هذة الكلمات الجميله

فعلا اسعدتني اشادتك ومرورك الجميل

اشكرك جزيل الشكر