اخوي اسمه على اسمك

أقارن فيك هالعالم و أحس محَّد يُقارن فيك.
"يَ" أندر شخص أنا أحبِّك و توصل غيرتي لأمًّك



أحاول قد ما أقدر عن عيون البشر أخفيك.
أحاول قد ما أقدر أكون الأولى في دمِّك.


فلا تستغرب أكتبلك كثر أهلي أنا أغليك.
أو إنِّي بيوم كنت أحفظ مثل اسمي أنا رقمك.


إذا بتقول مآهمِّك ترا الله لازم بيعميك.
عن اللِّي دوم يهمُّونك و أصير بروحي آهمِّك.


لأنِّي أكثر إنسانة.....صحت من نومها تناديك.
لأنِّي أكثر إنسانة.....سقت شريانها سمِّك.



عطيني أيِّ شي منِّك.....لو أبسط شي من ماضيك.
عطيني صورتك يمكن أعرف اللي سكن جسمك.


على فكرة أنا حلمي قبل لا آنام أحط إيديك.
على قلبي.....و أبي أسأل شنو يا صاحبي حلمك؟!.


أعرف أكبر حلم عندك تلاقي واحد يحاتيك.
و أنا لعلمك إذا بيدي بشيل أحلامك و همِّك.


أنا اللِّي ما عطت غيرك مراية صدقها و اتجيك.
بعد مدَّة و عن أحزانك من إيدين العنا تلمِّك.


أنا اللِّي تعيش بعظامي جميع أسرارك و باريك.
كتمت السِّر و أدري إنِّه طلع كل شي من عظمك.


بعد جرحي أبطمَّن إذا بعدي أنا يدفِّيك؟!.
و أنا اللِّي ما يدفِّيني سوى إنِّي بحضني آضمِّك.


بعد دمعي أبتأكَّد إذا هذا الجفا يرضيك؟!.
و أنا اللِّي قلت أقص إيدي عن جفاك و خطأ فهمك.


من آخر يوم به شفتك و أنا أتنفَّس هوا طاريك.
أسلِّي نفسي بطيفك و أنام و عقلي برسمك.


تعال و دقِّق بوزني.....ترا من يومها أبكيك.
ضعفت أكثر من اللاَّزم مع إنِّك زدت في لحمك.


إذا انته زوجتك قدرت عن احساس الوفا تنهيك
أنا "شِ" اللِّي ينسِّيني و أخوي اسمه على اسمك ؟!.






كل المحبه لكل من مر

على فكرة أنا حلمي قبل لا آنام أحط إيديك. على قلبي.....و أبي أسأل شنو يا صاحبي حلمك؟!.

• • مرآآآ الييييم ..
  • صعبة المنـآأل ..
  • ذآئئقه عذبه لـآحرمنـآ /

صح لسانـك ولسـان الشاعر قصيدة روعـة وكان ودي أعـرف أسم الشاعر ؟؟

تسلمين على نقل القصيدة وننتظر جديدك ..|~

المشاركة الأصلية كتبت بواسطة وصايف الغلا مرآآآ الييييم .. صعبة المنـآأل .. ذآئئقه عذبه لـآحرمنـآ /

شكرا لمرورك على موضوعي وهذا شرف لي ووسام على صدري

المشاركة الأصلية كتبت بواسطة أحساس الكلمة صح لسانـك ولسـان الشاعر قصيدة روعـة وكان ودي أعـرف أسم الشاعر ؟؟ تسلمين على نقل القصيدة وننتظر جديدك ..|~

صح بدنك يسلمو ع المرور العطر