[ الأسرآر ]فهد المسآعد{..قصأئد _مكتوبه..}

..{ تمنيت موتـك }..


اللي بقا لـي فـي غيابـك .. سكوتـك
واللي فقدتـه مـن غيابـك .. حنانـك
عـذرك معـك لوخبـرونـي بمـوتـك
وحقي عليك ان كـان عـذرك زمانـك
ماكان موعد .. وأعـذرك لـو يفوتـك
أنـا انتظـرت العمـر كلـه عشـانـك
غبت ورضيت .. وبعدها .. غاب صوتك
وأبطيت أكذب .. من يقولـون : خانـك
بالله كيـف تحـس فـي طعـم قوتـك
لامن ذكرت إنسان .. خنته .. وصانـك
ماكـن قلبـه واحـد مــن بيـوتـك
من تحت سقفه كـم شعـرت بأمانـك؟
وراك خليتـه .. لعتـمـة سكـوتـك؟
وأنا مـا غيـر أعشمـه فـي حنانـك
فـي غيبتـك ياكـم تمنيـت مـوتـك
أقل شـي .. أرتـاح وأعـرف مكانـك

★

..{ صلاه وعناقيـد }..





عدّى عمر .. ياليت الأعمار تنعـاد
وأرجع بلا شيـب وبليـا تجاعيـد

أرجع وأضم أبوي وأقـول: لا عـاد
تموت وتتركني مثـل ليلـة العيـد


يوم اسألوا عنـك الصبايـا والأولاد
وقلت:أمي تقول انه مسافـر بعيـد


بكيـت ليلتهـا وناديت..مـا فــاد
وظليت أصوت لك .. وأناديك وأعيد


عوّد يا بوي وجب لي ثيـاب جـداد
يا كثر ما تنسى يا بـوي المواعيـد


بكيتك لحالـي وأنـا كنـت معتـاد
تكف دمعـي بإيـد وتضمنـي بإيـد


كم كنت محتاجك تجـي كنّـك رقـاد
تمطر من كفوفـك صـلاة وعناقيـد


احتجت لك طفلٍ كسر قلب الأعيـاد
واحتجت لك طيش وشباب وتناهيـد


واحتجت لك شاعر له أحباب وأضداد
واحتجت لك رجال يخشـى المناقيـد


احتجت لك .. واحتاج لك ظل وسناد
العمر ينقص واحتياجي لـك يزيـد

★


[ صالات المطار] } ماهي من نفس الألبوم ...



إحدى أروع ما كتبته وخطته أنامله





قبل اسافر كنت جالـس فـي زمـان الأنتظـار



ارتشف هم المكـان .. و كـل همـي حاجتيـن



كنت خايف من يباس .. و كنت خايف من خضار


كنت اخاف انك تجين و كنت خايف مـا تجيـن


لين شفتـك مـن ورا بيبـان صـالات المطـار


مقبله من كثر شوقك .. كنت اشوفـك تركضيـن


مرةٍٍ ركضـك يميـن و نظـرة عيونـك يسـار


و مرةٍٍ ركضك يسـار و نظـرة عيونـك يميـن


تايهة .. ما كنـك الا ضحكـةٍ وسـط انكسـار


ساكتـه .. ماكنـك الا دمعـةٍ فيـهـا حنـيـن


خايفة .. وجلة .. حزينة .. يعني كنتي بأختصار


تشرحين لكل جاهل معنـى كلمـة ( عاشقيـن )



بعدهـا جيتـك ولـدّت عينـك و دار الـحـوار



من كفوفـي دمعتيـن و مـن كفوفـك دمعتيـن


كنت اصد و كنتي انتـي ثايـره مثـل الشـرار


ماعلى لتغة لسانك غير كلمة ( وين ؟ ويـن ؟ )


واذكر اني رحت قبل ابـدي لـك ايّـة اعتـذار


رحت حتى قبل اطيّـب خاطـرك فـي كلمتيـن


لكن انتي عارفتني زيـن واللـي صـار صـار


سامحينـي واذكرينـي قـدّ ماانتـي تقـدريـن



اذكريني لاانتهت للشمـس رحلـه مـع نهـار



واذكرينـي لاصحـى للصبـح ورد الياسمـيـن


واذكريني لا لمحتـي فـي ليالـي البـرد نـار


واذكريني لا سمعتـي للمطـر صـوت ٍ حزيـن


اذكرينـي واذكرينـي واذكرينـي .. بأختصـار

||موقع الاسرار||
http://www.asrarfahad.com/
اعجبني ونقلتوه
I Hope you like it
سلـآآآم

روووووووووعة .. روووووووووعة .. رووووووووعة







ما شاء الله تبارك الله . مجهود جدا جد جميل ..





اثريتي همس القوافي .. بعذوبة الطرح أختي ..





فراشــــة فسفوريــــة ..





الابدآع .. وجميل الطرح .. وفن الاختيـــآر






قليل من الناس.. يتقنـــوه .. هنيــــئآ لنا بتواجدك





شكــــرا من الاعمــــآق .. أختي ..







على روعة الاختيـــــآر ..










يحفظك الرحمن .. ويسعدك دنيـــآ وآخرة ..










كــــل الـــود والإحتـــرام







ـآلـوِفآ طَبعِيے

رائع .. تمتعني جدآ مفرداته وموسيقى
افكاره .. سلمت يمناكـ ].
ولكِ ودي ووردي فراشه فسفوريه لطرحك العذب لاعدمناك
بأنتظار جديدكـ بشغف ~
\

بياض الثلج

دآئـمـاً استمد الابدآع والرقيّ من اعضاء هذا المنتدى
نورتوو