•• { •• أفــتـ ح قـلـمڲ •• } ••

،























الناس ذوّيقة وللذوق مقدار
والنفس تتبع كل حاجة ثمينة


والشعر لو ماله طواريق شعّار
يبقى مسمّى له صداه ورنينه


لله درّ الشعر لو صار ما صار
عبّر عن طعون الصدور الضغينة


كنّه نفَس ما بين سيقان الأشجار
وزنه محيطه .. والشعور اكسجينه


وفعالمي الشعري هواجيس بحّار
قضّى حياته في سواحل مدينة


ماهو بكيفه لين ساقته الأقدار
وفبحر مسحوبه يقود السفينة


ايقودها عند المعاني .. والأفكار
اللي مراسيها تخايل فعينه


هاجوسها ياخذك لحدود الأعصار
وناموسها .. يسبق طواري سنينه


ويحل عند اللي تتومس بالاخيار
تستقبله .. والحال كنها حزينة


يا مرحبا ترحيبة الجار للجار
اللي من أوّل عام ما شاف بينه


اعداد ماقالوا فهالأرض اشعار
وعداد جيلً راح حسّه رهينة


تقول يا ...... لوّح للأقطار
أمّنتك فشعرً يوصّل فحينه


وانا باقول اللي تأمّنت بجهار
من دون تقصيرً بنفسي الأمينة


يارب لطفك من صواديف الأقدار
أنا ألتجي لك من شعور الغبينة


العام من كثر الأصاحيب محتار
واليوم حالي ما اسمع ألا ونينه


أقولها .. والوقت له همّ يندار
على الخليقة .. بين حرب وسكينة


من لاخذا الأيّام عبرة وانذار
بيجيه يومً ما يدلّ .. المبينة


في ساحة الأياّم آخذت مشوار
عرفت منها جيم فكري .. وسينه


يا سامعي لو كان بالصدر أسرار
أحسن لك تخلي علومك دفينة


أغلب مشاكلنا .. معادة بتكرار
مليت من قولة تبيه .. وتبينه


عمر البنادم مثل قيعان الآبار
والناس حوله مثل أرضً تزينة


ومن لا يورّدها على غير مصدار
يهجره ناسه من جدبها وشينة


الخافية تظهر معَ طول الأسفار
لو عاشت فأرض الحنايا سجينة


وانا مشيت بشوق من دار لي دار
هدّ السفر قلبي .. وبيّن كنينه


في شنطتي ما بين الأغراض تذكار
خبيتها ما بين قلبي .. وبينه


في ذكرها يا صاح عدّيت الأخطار
حبّيتها من كل عقلي .. ورزينه


أشعر معه أني تحت نوّ الأمطار
لا زاد في بلّه يزوّد .. فطينه


ولاّ شعور الصبح .. في بهو الأزهار
أليا تعانق عطرها .. مع يدينه


ولاّ شعور البرد .. مع شبّة النار
مع دافي الأشواق يرجف حنينه


في ذكرها يا صاح .. مانيب مختار
ببقى على الذكرى ولو هي حزينة


أفضل .. من شعورً تخالط بالأعذار
اللي تسلّى به حبيب فضنينه


لو جارت الأيام ما انساه لو جار
يا كيف ينظر رجل من دون عينه ؟؟!!





















،

صح اللسانك يالغلا
لاخلا ولاعدم

.



كان السعاده [ شمس ] تشرق على الناس ..

......................... أنا سحاب الهمّ .. عنّي حجبها ..


يلين ضاق الصدر وأصبحت منحاس ..


........................ والروح شافت من زماني عجبها .!!



جرايم الأحزان في قلب حسّاس ..

.................... سود النوايا .. والزمان .. إرتكبها ..


مدري سببها قلّ تفكير وقياس ..

...................... وإلا .. سواد الليل .. يكفل سببها



وإذا تشب النار ياوقت الأنجاس ..

................... بالله زوّد يازماني .. حطبها .. !!!


ماعاد باقي شي .. لا روح .. لا باس ..

.................. ولا طموح إنسان راسه طلبها ..

>



مات وتركـني ..والهموم اعترتني
واصبحت كـني ..للمواجع أسيره





ليت الليالي خلته وقبرتني..
يفداه عمري والأهل والعشيره..





ولا.. خذتنا كلنا ماتركتني
من بعده الدنيا بعيني صغيره..





له صورةً في غرفتي عذبتني
اشم فيها مابقى من عبيره





اضمها من حرقـتي لاخذتني
لأيامنا من قبل لعرف مصيره





دنياي غداره حشا منصفتني
والـ صُبح قفى به عجاج الظهيره





قالوا الصبر بلسم وياما انصحتني
ناس اعتبرها في المحبه ضريره





لو طال صبري والهموم ارهقتني
والله مايسكن حناياي غيره

إهداء ... لـ إللي يعشقون إيذائي
_________ طعناتكم [ وسط الصدر ] مزدحمه

يا وارثيني .... قسموا .... أجزائي
_________ والقلب [ عادي ] لو كليتوا لحمه

ماطحت ودموعي [ تعز ] أجوائي
_________ وإن كنت أبي أجرح أحد .. أقتحمه

يشبه غيابي الموت عند أعضائي
_________ واحد .. عيون الناس به ملتحمه

الروحه روحه وإبشروا ، يا أعدائي
_________ الجرح هذا لي ... رصاصة رحمه

يكفيني | إنكم تحفظون ، أشيائي |
_________ شاعر سطع نجمي بـ رغم الزحمه

أحمد الصـآنع

،