قريبا............. تشاهدون في رمضان ..!

صباحكم ومساكم ورد جوري..~ تشاهدون في رمضان طاش ماطاش17 بابا الحاره ( وش هالباب اللي عيا يقضي ) زهره وازواجهاا الخمسه ( مسلسل مصري ) عايزه اتجوز( مسلسل مصري ) ..وغيرهـــاا والكثير الكثير تشاهدونها على فضائياتكم العربيه ( انتظرونا قريبا ) شهر رمضان شهر نزول القران هذا مايحدث فيه ..؟؟؟!!! لماذا كل هذا الترويج للمسلسلات الفاضحه الماسخه العاريه في رمضان من يقف ورى هذا التوجه ؟ تابعونا ==== انتظرونا ===== رافقونا ...............في رمضان الي النار قصدهم وهم لا يعلمون غريب جدا هذا الكم من ماتدعى وتسمى دراما او كوميديا في رمضان والمصيبه انواع الاغراء في المسلسلات والعياذ بالله يعني لو تبغا تتفرج على مسلسل العصر ثق بالله انك بتفطر مو معقوله البنات اللي يجيبونهم ويتاجرون فيهم ويسمونهم فنانات ( يضحكون عليهن -- ويضحكن عليهم ) انا امس كنت في استراحه لشباب وبدون مبالغه المشرف على الاستراحه والمنسق لها حاط لوحه على الجدار كاتب فيها اسامي المسلسلات اللي يبغون يتابعونها في رمضان ووقتها لانهم مايقدرون يتابعون كل المسلسلات صعبه وبنهاية اللوحه كاتب ملاحظه اللي مايناسبه االمسلسل والوقت يتفرج على المسلسلات في بيتهم ( منعا للاحراج ) في الغرب والجميع يعرف هذا لديهم ثقافة المقاطعه لماذا لا تكون لدينا هذه الثقافه لنصرة ديننا من هؤلاء الذين يستهزؤن في الدين واكبر همهم نشر الفساد وكسب الاموال على حساب شهر رمضان المبارك ماهو برنامجك في رمضان ياابو وليد ( قبل كم يوم في الكوفي واحد يسأل خويه ) قال شوف حبيبي انا في هالسنه اجازتي كامله في رمضان يعني متفرغ تماما لمتابعة المسلسلات ويردد اغنيه يقول فيها ( لا اقعدلك عالدرب قعود ) ابغا اسهر للفجر وانام واصحى قبل المغرب بشوي (وين راحت الصلاه الله اعلم ... اشتري مستلزمات الافطار من قشطه وطحينيه ........وبعدها بطلع للمقهى اتابع طاش واضرب لي راس معسل وبعدها للاستراحه فيه فتره ميته بين صلاة التراويح وصلاة العشاء ابقضيها في داس بلوت الي مايبدا عرض المسلسلات وعلى هالحاله للفجر رمضان هذا ابغا اشبع مسلسلات ؟ لا حول ولا قوه الا بالله لك رايك الجميع ينتظره

لا تحــرمونــي من ردوودكـم ..؟؟

الله المستعان شهر القران يستعد الناس للعباده وهذه المحطات تستعد لصد الناس عن العباده ..متى نفيق من الغفله

شكرا شهد على طرحك لهذ الموضوع


جزاك الله عنا كل خير

آنرتي متصفحي ..
حضورك له لمسة رائعه

ودي وورودي لكِ ..~

. الوظايف ماتخدم التخصصات الدينيه لازم تدرس قسم علميُ .. والجامعات تخصصاتها المفيده ماديا لاوجود للدين فيها المشكله في المسلمين .. اللذين اصبحوا مسلمين بالبطاقه فقطُ انت مسلم لانك مولود ببلاد مسلمه فيها مساجد والناس تصلي فيها ماعاد فيهم وعي وثقافه لدينهم وعقيدتهم وواجباتها ومحرماتها لايحفطون الاحاديُث .. وقرآن ثلاث سور يكرروونها بكل صلاهـ وبطريقه مؤسفه اقرب متحدث من اي قناه يؤثر فيهم لان قلوبهم خاليه من الايمان الحقيقيُ اصبح الاعتقاد بوجود الله وحقيقه الرسول صلى الله عليه وسلم فقط اما عن كيفيه الامتناع وجهاد النفس عن المحرمات والمغريات لافقه فيهاُ بتاتا طبيعي لو يجي اعلان بسيط ماصخ ( اضحكوا واستانسوا ) صارت الموسيقى لهم اثارهـ والصورُ إلهامُ ومشاهدة النساء العاريات والحفلات الماجنة موضهُ لو فيه استغلال لاهداف وطموحات الناسُ ( والكل عارفها ) بطريقه دينيه لمارأينا قناه ماصخهُ تعزيز لمكانه الديُن في الدولهُ مافيهُ لاجوائز لحفظة القرآن ولاوظائف قويه ومناصب مرموقه ولاهناك إغراءات للأسف إلآ من رحم ربيُ ياولدي جيب ممتاز واعطيك سيارهـ لو يقول صلي 3 شهور ولاتغيب عن اي صلاهـ واحفظ ثلاثه اجزاء من القرآنُ واعطيك سيارهـ لكان افضلُ التربيه ثم التربيه ثم التربيُه قال -صلى الله عليه وسلم-: (( مروا أولادكم بالصلاة وهم أبناء سبع سنين، واضربوهم عليها وهم أبناء عشر سنين،)) لو كل واحدُ يخشع في صلاته حق الخشوعُ لماوجدوا العلمانيين من يستقبل سمومهمً بصدر رحبُ انتاج الابناء ونفوسهمُ وصناعتهم هيُ سرُ هذا الوضع الخطيُر والمزري لحال امتناُ شكرا شهدُ .. .