"(¯`·._.·( مع الخيل يا شقرا )·._.·´¯)"

السلام عليكم ورحمة الله وبركاته

(ظاهرة العقل الجمعي)

وبمصطلحنا العامي عشان تفهمون (مع الخيل ياشقراء) وياكثر الامثلة اللي مانعدها ولا نحصيها على حكاية المشي وراء أفكار الناس

مثل حكاية السفر لماليزيا ( خلونا نتكلم بصراحه بدون مكابره)

ملك بيتزوج شهر العسل في------------------ > ماليزيا

سباك بيتزوج شهر العسل في----------------- > ماليزيا

خباز , مهندس , مدرس ................. كله ماليزيا

هذا دليل على ظاهرة الفكر الجمعي , يعني حتى لو الواحد ما اقتنع بالسفر لماليزيا لالالالالالالالالازم يسافر , ليه ؟ لان الناس سافروا

وعشان تفهمون أكثر خلونا ندخل للظاهرة من مدخل ثاني :

حكاية بعض (وأكرر بعض) البنات اللي مايقدرون اهلهم يحطون لهم زواج كشخة , تقعد تصيح وتحن وترن على أهلها (لازم تحطون لي عرس)

لا فلانة ولا علانة احسن مني !!

طيب يابنت الحلال الوالد منتف حرام تظلمينه منين بيحطلك عرس بشىء وشويات

( اعرف بنت لها 5 سنوات متزوجه ولازالت تسدد تكاليف زواجها , ليه؟

من كثر الخرابيط والبرابيط اللي سوتها (( والله محد درى عنها)) )

لازم يحطون (البعض) زفة وكوشة وباتشي >--- -- < وبقل

وشاهي وغجر ويانسون وليمون وزنجبيل وكمون وبهارات وحليب وكابتشينو وكليجا وقرص عمر .....(هاهاها)
بالاضافة الى التمريات والسكريات والفطائر والكيك (وكل مالز وطاب )
وش بقى !!!!!!!!! ( مابقى إلا يوزعون بفك وشطه وحلاو نظارات)

هاهاهاهاهاهاهاهاهاهاهها

وهات يازعل من حكايةالبطاقات الشخصية انواع المجازرمطاقق وهواش , انا اعرف مليون حرمة متزاعلين ...والرجال متهاوشين والبزارين صار فيهم عقد وتوحد من سالفة ( ممنوع اصطحاب الاطفال ) اذا شافوها دعو على العرسان

ومارحمت إلا حارس القاعة الضعيف !!!!!!!!!!!!!!!!!!!!!!

تجي له وحده (ماإنعزمت أصلا ) ومعبيه جمس من الحريم وكلهن بيدخلن

يقول الحارس يامدام معليش لازم بوطائه مئدرش أدخلك أم العروصه منبهه علي مادخلش حد )

تقول الحرمه : (وخّر أهوه ,, هجوم يابنات ,, ويوطونه ويدخلون --------------------------------- < الى البوفيه )

طبعا البوفيه هو الهدف الرئيسي لهذي الاشكال , مقاتلات عليه كانهم عقده نمل على حلا ( ماشافو العيشه!!)

طبعا ماتشوفون إلا الغبار والجزم الطايره وتلحيس بهالصحون وشفط بهالعصيرات

وبعضهن تدخل شيك وماتكلم أحد , المكياج يلمع آخر شياكه وعزة نفس وكرامه ( ايه هين نشوف اذا جاء البوفيه ) , تروح الكرامه وتروح الكشخه وتدخل في دوامة الصراع على البوفيه , ولاتنسون السعابيل اللي تقطر

واذا انتهى العشاء يرجعون كشخه وترجع الكرامه والاتيكيت والرقة

( طبعا أعزائي هذي الظاهره منتشره نعم وبعض البنات يشهدون بكذا ولكن ليس في كل الطبقات ولا في كل الحفلات )

نجي للعروس ( اللي قلبها يدق 220 ) خوفا من فشل الحفله , تلاقيها محبوسة بغرفة مع الكوافيره (وهات ياصياح ومطاقق البنيه وش ملحها وشعرها ناعم وتبغى تسريحه حلوه مثل صوره اختارتها , وبعدين تجيك الميكانيكي ((عفوا الكوافيره)) ماتقصر تحوس الشعر وتلخبط المكياج وتقول : انتي طلبتي كده والعروس : لا انا ماطلبت كذا .............. وهات ياهواش )
الوحده احيانا تدخل محل كوافيره مبتسمه للحياة متفائله والبوك مليان فلوس

تطلع مفلسة وشعرها حوسة ومنتف ( تتمنى عزرائيل ذيك اللحظه )

وبعدين تجي (بعض المصورات النصابات ) , تلهف ألوفات وتقول هذي عشان تصيري حلوه طبعا تصويرنا مو أي تصوير(شعارنا السرية وعنواننا الخصوصية) , ومن بكره صوره البنت وزوجها واصله سكان الآسكا وزحل !! ( وهذا عند بعض الاستوديهات )

وراعين الكوشات علومهم علوم (بعضهم متخصص وفنان) لكن البعض الاخر لاعب على هالضعوفه , تشوف البنت كوشه وش حلاتها واذا جاء التنفيذ شىء اخر تماما , مثلا :

تبغى البنت كوشه على شكل اهرامات , يجيب لها الاخ كراتين تايد وقراطيس أولكر ويقول هذي أهرامات (إيه أهلين أهرامات)

وبنت تبغى كوشه ثلج يقطع لها كم قطنه من شنطه الاسعافات الاوليه ويقول هذا ثلج !!!!!!!!!!!

وبنت تبغى كوشة أدغال (البنيه شايفتها بعرس وعاجبتها ) يقوم يسرق لها من اقرب حديقه كم شجره ونبته ونمر بلاستيك من ألعاب ولده وقماش منقط من ابو هلله وربع ويقول يالله ايديك على 40 ألف , أما لو يحط لي احد مثل هالكوشه ليلة عرسي والله لأنهبل وأكمل المهزلة وألبس مثل طرزان وانزل على الناس بحبل ( آآآآآآآآآآآ آآآآآآآآآآآآآ آآآآآآ ) عشان اسوي حركه جديده ...

أما عن الكبوس ( أقصد العيون) المسلطه على العروس المسكينة نتناول اذا أصابت البنت عين كاملة :

فهي من الكوشه الى العنايه المركزه (طاااااااااازه من الفرن الى المائده) في حاله اصابت البنت بنص العين

أو تجي ثاني يوم الشعر متقصف , والرموش منتفه وعيونها مفقوشة متهاوشة هي وأبو الشباب من قنابل الحريم ......

وأم العروس حكايتها حكاية من كثرة مشاكل الحريم , تجيها (متلازمه داون) ما راحت ذيك الليله على خير , الكل ناشب في حلقها هذي تجي تصيح دخلي ولدي تراه عند الباب حرام عليتس ماعنده احد بالبيت , والثانيه تقعد هي وبناتها عند الباب (كانهم شحادات , لانهم غير مدعوين ) ويقولون اللي جابنا راااااح ( حيله قديمه ومغبره ,, طيب مو مشكله خوذو تاكسي
وارجعو بيتكم (( وحده نذله )) )

وإلا حكايه الحضور أكثر من الكراسي تسألون لييييش ؟؟

عن طريق التزوير في البطاقات والهجوم بعنف على البواب المسكين

وإلا مشكله اللي تنشب بحلق (ام العروس ) ياأخية حرام عليك الطق حرام

( وطبعا انا قاعده اتكلم عن الناس اللي يحطون دف بدون موسيقى وين الحرام

في كذا !!!!!!!! )

وتقوم تهاوش وتأخذ الميكرفون وتذكر بالموت والقبر والنار ....

( احنا ماقلنا شىء عساكم على القوة انشاء الله و الدعوة اشرف رسالة لكن لها أصول واعتبارات واماكن , الناس جايه تفرح بعرسانهم

قال تعالى " وادعو الى سبيل ربك بالحكمة والموعظة الحسنة "

وفيه بعض الحريم هداها الله تشوه صورة الملتزمات والداعيات المحترمات وتجي للعرس وهي عارفة انه فيه طق وتقعد عند الباب وتقول حرام عليكم ولا حظو تراها عارفة بحكاية الطق وياليته مع موسيقى مجرد دف عادي ,,
والرسول عليه الصلاة والسلام اباح الدف للنساء في الزواج

(إقعدي بالبيت احسن وإلا قولي أنا على بلاطه جايه للبوفيه !! )) )

وإلا عاد الحضور انواع واشكال :

حريم تقعد على الطاوله تلف الحلا كله وتدف وراه الفطائر (هذا غير المسروق بالشنطه !! ) وتشفط كل ترامس القهوه والشاي

ونوع يسجلون كل الاحداث ( حتى مايرمشون من التركيز ) لزوم الحش ( والتحليل الرياضي اذا رجعو للبيت ) , والحسنات رايحه جايه ......

وفيه نوع مهذب مؤدب راقي محترم يحضر بأدب وينصرف بأدب وهذا هو الغالب

( وطبعا تتراوح هذه النسب مابين خفيفة الى متوسطة الى غائمة جزئيا حسب مستوى الحضور)

وياويل البنت اللي شعرها حلو (تكتب على شعرها السلام) اذا حدث ونجت بأعجوبة , فانها تطلع من العرس وشعرها مثل شعر ولد عبدالله السدحان في حلقة ( آباء نت ) , وفيه بعض الحريم المشاكسات واللي شايفات انفسهم تشوفها من بعيد لابسة طقم يهبل أقل شىء 50 ألف ( ألماز يقنن يأخواتي )

وإذا تبقشت العلوم تلاقيه على بسطات الحريم مع الصواريخ والفشا فيش

(تنويه : احنا مانخاف العين وأنما نؤمن بها ونتوكل على الله لان العين حق)


وفي الختام يابنات ياحلوين (يابعد قلبي انتو ) القادرة منكم مافيه مانع تحط اللي تبيه , لكن اللي ماتقدر لاتحمل نفسها واهلها وعريسها مالا يطيقون

والله ماأحد داري عنك أنتي عايشه بنعيم ,والا عذاب مقيم

والناس مايفيد فيهم والله لو تحطينهم بافخم قاعه وتقدمين لهم المن والسلوى وإلا باستراحه والطق بتنكه وتقدمين حلاو بقر وتانج

(خلو البساط احمدي) ----- < يعني خلونا صريحين

حكاية الطنازة ماراح تخلصون منها , الناس مثل العلك تشيله من أيدك يلزق بشعرك.......... والله حالة

عشان كذا خلو زيادة المصاريف بشهر عسل زي العسل , تنبسطين فيه انتي وزوجك وبس والباقي خس



ومقدما مبرووك لكل اللي بيتزوجون في إجازة العيد ولا تنسون أنه هدفنا الطرح الهادف وليس مجرد التهكم والضحك وكل هذا من واقعنا والله ما جبنا شىء من الخيال ............






تحياتي وتقديري لكل من مر من هنـــــــا

مع محبتي


كبـــــــــــــــريائي

مشكور اختي موضوع اكثر من رائع

مشكوره اختي عالموضوع الحلو



بخصوص السفر لماليزيا



تدرين ليه الناس كلهم يسافرون لها ؟؟؟؟



لانها رخيصه كل شي فيها رخيص فجميع طبقات المجتمع تسافر من اغنى واحد الى اطفر واحد




واتفق معك عالباقي



لانه مشكله ان بنت على قد حالها تسوي عرس فوق ميزانيتها وقد يحرجها ويحرج زوجها ويحرج اهلها



وتتحمل ديون هي ما هي في حاجه لها وقد تستفيد مستقبلا من الفلوس الي تسددها للدين



وما ازيد على كلامك اختي



تقبلي مروري

المغالاة في المهور، وفي الحديث: (خير الصدق أيسره) الحاكم، وأكثر النكاح بركة أيسره مؤونة.

الوقوع في البدع المستحدثة في هذا العصر، كإلزام الزوج بما يسمى الشبكة، أو لبس الدبلة المنقوش عليها اسم الزوج، وكذلك تقليد الكفرة فيما يسمى بالتشريعة وهي الثياب البيضاء الطويلة والقفازات، والجوارب البيضاء.


الإصرار على إقامة حفلات الزواج في القصور والفنادق وإنفاق الأموال الكثيرة إلى درجة الإسراف، وإحضار المطربين والمطربات ورفع الصوت بالغناء والموسيقى والصيحات.

وضع منصة للعروسين (الكوشة أو المنصة) وظهور الزوج والزوجة أمام غير المحارم من الأقارب رجل ونساء وتهنئتهما بالمصافحة وما يكون من الرقص والتصوير الفوتوغرافي أو بكاميرات الفيديو

وغيرها الكثير الكثير مما حرمه الشرع والدين ،، مخالفات مخجلة يجب ان نبتعد عنهاا

اشكرك كل الشكر والتحية والتقدير لموضوعك المهم ،، الذي قمت بطرحه بطريقة متميزة جدا

ههههههههههههههههههههه

جبتيها على الجرح===ناويه تروح ماليزيا اذا تزوجت

بس هذا اللي صاير في المجتمعات وخاصة الخليجي

الله يهدي البنات بس===موبنت يعني

دمتي بود يالغلا