•• { •• أفــتـ ح قـلـمڲ •• } ••

ياغايبه عني ..تـرى القلـب لسّـاع
ماهـو مصـدق فكـرة الإنقطاعـي
غبتي وغابت معك أساليـب الإقنـاع
ولا ادري متى قلبي من الحب ياعـي
لكن مصيره فآخـر الوقـت ينصـاع
يهدى هواك شوي ..واطوي شراعـي
(رحله بديناها علـى روس الأكـواع
لكنهـا بالفعـل ..رحلـة ضياعـي)
خطواتها قطعة سـرابٍ مـع القـاع
وصدفاتهـا.. ذيـبٍ تقفـاه راعــي
أيه المحبـه عرقهـا عـرق نعنـاع
ومفعولهـا ياصـل دقيـق النخاعـي
والحب عند اهل المحبـة بالاجمـاع
لابـد يضفـي للوجيـه انطبـاعـي
تكلـمـي قـولـي ولوكلـمـة وداع
بيني ثريـا ..يرتـوي منـك قاعـي
وانااتكفـل لـك بحـقـك ليـاضـاع
ويرجع لو انه فـي فمـي الأفاعـي
طبعي كـذا ماهـي قضيـة تطبـاع
وسهم الهوى يسطي بقلب الشجاعـي
وانــا لـوانـي للمقفـيـن تـبّـاع
حرام ...مايقفون بارخـص متاعـي
وهذا زمن لوطـاع ماهـو بمطـواع
والعبرة أوضح في حليب المراعي ..!
والدبله اللي والفت حضن الإصبـاع
مصيرها تحـذف بـروس التلاعـي
والغايبة قولـوا لهـا القلـب لسّـاع
مازالـت اصغـار امنياتـه مقاعـي
يرسل مع الغربـي لياهـب ذعـذاع
عطر اللقـاء الأول وكلمـة وداعـي

..


سامح الله .. من هقابي .. غير مابي .. وش عليه ..
....... حسن ظني فيه .. يجعـل سوء ظنه .. حسن نيـّه ..!!
:
مافهمتو.... !! ليه طيب ..!! مقصدي والله ً نزيه
.... أحسنو الظن بقصيدي .. تحسنون الظن فيــّه .. !!.
:
أدري ان الشعر ذنب .. وذنب شعري ( ) هاه .. إيه ..
.......... لا بغيت اعمل قضيه ..!! مستعد اعمل .. قضيه
:
فيك .. والا .. فيه .. والا فأي واحد ... مشتهيه ..!!
.... مفرد الجمع لشظــ ـ ـايا .. يابعد خشمي .. شظيـه
:
يتضح وجه التشابه .. لا انفضح وجه الشبيه ..!!
... لا تقول الشمع نار ..!! وتدري ان .. النار حيــه !!
:
يسألوني .. كل ماكتب .. هاه .. بالله .. منهي فيه ...؟؟
.... من كثر مااضحك .. كرهت الضحك من شر البليه !!
:
كرهونا الشعر كله ... ( عوع ) كله .. مانبــيه .... !!
.... ماوراه الا المغثه .. وصلخ حكـْـي .. بها الفضـيه
:

ماعلي من السلنتح .. والسقيطه .. والسفيــه .....!!
.... بس اخاف من الفهيم الياتهمني .. بالرديـّـه ..!!
:

كرم الله .. من هقابي .. غيرمابي .. وش عليه ؟؟
.... كيف انا بشره .. على اللي .. شرهته ماهي عليه ؟!!

.

مابي اسولف , وتكشف حزنـي النبـره
, .... ’ أبين أني سعيد وحزني ادرابـي

أتصنع الضحك , واكتم داخلـي عبّـره
.. سويت , لكن زماني ويش سوابي ..

خلاني الضيق , (دايم) للحـزن عِبـره
.. مدري أعاتب زماني , مدري أصحابي

،
























صـعـب لامـنـك فشلت وصعب لامنك لقيت
ان من يكره نجاحـك يدري انك ما نـجحت

امس ضقت ورحت اقلب ذكريــاتي وانتهيت
عند صورة طفل صوتة مثل صوتي لانجرحت

وش مـثـل لا والله الا هـذا انا يوم ابتديت
انطق حـروف تلعثم في لساني لا انمدحـت


هذا انا يـوم الحيـاة فـنظـري عشرين بيت
ومسجدين ومدرسةمن طين كم فيها استضحت


هـذا انا اصبحـت اتمتم هذا انا حتى بـغيت
اختنق بس القدر عيـا على موتـي وطـحـت


وصاح صوت الطفل فيني انت من وين رتميت
قلت .. انا المستقبـل اللـي فيه كم همت وطمحت


امـس كنت ابيـك تكبر بس والله لو دريـت
اني اللي عـشـت لجلة مـت عندك واسترحـت


لـو دريـت ان الزمان يجر رجلي ما عديت
ولـو دريـت ان البحـور بلا موانـئ ما سبحت


كـان دربك لي طويل وكل ما شفتك هويـت
قلـت لـك كـبـوة جـواد وما كبيت الا وجمحت


لـيـه تسمعني وتمشي ... آهـ ليتك ما مشيـت
و آهـ .. لـيـتـك من كـثـر عثراة الايــام انتصحت


ضـاعت احلامي وضل الحزن فيني واهتديت
للـطـريـق الـلـي يـوديـني على دمعي ورحت


يـا الحـزن ليتك مثل دمعي وتنزل لا رقيت
بـس اعـرفـك لـو مسحت الدمع تبقى مانمسحت


كـان حلمي في وجـود انسان يبكي لا بكيت
وصـار حـلـمـي في وجود انسان يفرح لافرحت


كنت اشوف الناس مثلي كل ما جعت وضميت
مـا دريـت ان الاوادم نـاس فـوق ونـاس تحت


اه يا اول ذكرياتي خـذنـي بحضنك نسيـت
لأسـئـلك عـن وجـه ابـوي الي معة ياما سرحت


خـذنـي بحضنك أبغفى ... يـاآهـ مبطي ماغفيت
وان لـمـحـت دمـوع عيني سـو نفسك ما لمحت


خذني بحضنك وبعثر في جروحي وان قضيت
هـز لـي كـتـفـي وقـلي ... عيب تبكي لو سمحت


اضحك وعلم زماني مـن انا ومن وين جيت
طـق بـاب الـحـزن واصـرخ فـيّ لامنّي فتحت


وضمني يـمـك وكمل ضحكتك لامن بكيـت
ودي اذكـر كـيـف كـانـت ضحكتي لامـن فرحت




















،

الشمس تشرق وتكشف ما خفى بـ الظلام
اليوم : [ وأستغفر الله ] .. ليتها ما أشرقت




تجمعت في سماي من المواجع .. غمام
صبّت عليّ التعب .. بعد آرعدت وآبرقت




أنا همومي شجر .. فيه الحمام / الملام
غصونه اليابسه .. بعد اليباس أورقت




اليوم : ليه الشفايف حار فيها الكلام ؟
وعين الوفا : ليه من زرق الدموع آغرقت ؟




أشوف فيها [ إختصار اليأس والإنهزام ] ,
والغصه إن مانزلت في الحلق والا .. رقت




أعزّي النفس .. لو ماني على ما يرام
وإن قال آحد.. لا تضيق / أقول له ما فرقت !