الله يجازي من يسوي سواتك !!!

(بـــــــــــسم الله الرحمن الـــرحيم )


الســـلام عليكم ورحمـــــهـ الله وبركاته :



هذي قصيده من روائع الشاعر * محمد بن فطيس




الله يجازي من يسوّي سواتك ..::.. وبذنوب من سوّى سواتك يجازيك

مشيت درب الثقل وتحب ذاتك ..::.. ماتدري إنه للمهالك يوّديك

غرّك جمالك ياخسارة حلاتك ..::.. ماتدري ماغير طبعك يحليك

أتقول زينك يشفع لـ سيئاتك ؟!! ..::.. الحسن ماهو عن وفا الحب يعفيك

لو التواضع والوفا من سماتك ! ..::.. بعت الحبايب كلهم دين وأشريك

لكن عجزت أغيّرك ياجراتك ..::.. على الغياب اللي بلا عذر ينجيك

خطأي في توضيح وشـ هي غلاتك ..::.. وخطاك في توضيح وشـ هو تغلّيك

وشلون توصيني وتنسى وصاتك ..::.. وتصد عن صوت(ن) تقطع يناديك

مافادك التجريح والعذر فاتك ..::.. تبغي رضاي الحين ماعاد يمديك

صحيح أحبك بس هذي جزاتك ..::.. بعلمك درس(ن) يفيدك ويحييك

تدري وش أبيض من خفوقك ؟؟ عباتك ..::.. وتدري وش اللي غرني؟ نظرتي فيك

أدري بتستغرب تصبر وجاتك ..::.. قصيدةٍ من واحدٍ كان يبغيك

وتبغي تناظر وأنت عايش مماتك ..::.. شوف وحدتك والناس تجلس حواليك

وتبغي تشوف أشجع رجل في حياتك ؟! ..::.. شفني وأنا مقّفي على كثر ما أغليك

قصيده ولا أروع للمبدع محمد بن فطيس
يعطيك العافيه وننتظر جديدك

اشـــــــــــــكـــــــــــرك ع المرور اخوي

صحيح أحبك بس هذي جزاتك ..::.. بعلمك درس(ن) يفيدك ويحييك

تدري وش أبيض من خفوقك ؟؟ عباتك ..::.. وتدري وش اللي غرني؟ نظرتي فيك

أدري بتستغرب تصبر وجاتك ..::.. قصيدةٍ من واحدٍ كان يبغيك




رأئعه


تسلم يمينك


بأنتظار جديدك