يا غبن عيني يوم أفكر بالاجيال

صبآحكمـ / مسآئكمـ .. سعادهـ


مما رآق لي أثناء تصفحي .. أبيات شاب تائب .. تلامس واقع شباب الأمه

الله يحفظ شبابنا وشباب المسلمين ..~



يا منزلٍ عمّ وفاطر والأنفال
يا واحدٍ تلهج بذكره شفاهي

اجعل لنا في جنة الخلد منزال
أنت الرجا والملتجا يا إلهي

يا رب عدل حالنا عقب ما مال
حال الشباب اللي خذته الملاهي

أحفاد أبو بكر وعمر حالهم حال
شبابنا في غفلة الوقت لاهي

يقوله اللي شاف ما شاف واهتال
المنظر اللي شفت شد انتباهي

شباب الأمة في متاهات وأهوال
شباب الأمة ضاع فكره وتاهي

يا غبن عيني يوم أفكر بالاجيال
وين أمس جيل المرجله والتباهي

دين ورجوله سلم عادات وافعال
ما هو بجيل اليوم لا وآه واهي

بين المقاهي ضاع عمره ولا زال
في زحمة الدنيا بدون اتجاهي

وش في المقاهي غير تبذير الاموال
وش في المقاهي غير شيشه وشاهي

ما ينزل الرجال من عين رجال
الا ليا من داج بين المقاهي

في صحبة الشله وفي زعمهم آل
وياما يجي تحت السواهي دواهي

دنياك يابن آدم مطيه وترحال
العمر يمضي والليالي كما هي

إلى متى والليل فيه السهر طال
إلى متى والعمر ضحكة فكاهي

شباب عودوا عودة رجال وابطال
عودوا الى الله باجتناب النواهي

وصلاة ربي عد ما هل همال
على نبي له شفاعه وجاهي



,,,


اللهم صلي على محمد وعلى آله وصحبه أجميعن

طرح رائع كروعتك اخوي
سلمت اناملك الرائعه
وماننحرم من تميز طرحك
لروحك الجوري

الله يتوبـ علينآ وعلى المسلمينـ آجمعينـ يآربـ ,,


أوسآمهـ شكراً لأختيآركـ هالقصيدهـ المؤثرهـ ,,


كلـ ودي ,,

اللهم صلي وسلم عليك يارسول الله


::

مشكور عالطرح الرائع

المشاركة الأصلية كتبت بواسطة شــهــد طرح رائع كروعتك اخوي سلمت اناملك الرائعه وماننحرم من تميز طرحك لروحك الجوري

الله يسلمك على مرورك .. الأروع