تبغى تضيق خاطري

*منهو نسى مشاعرك من تناساك
والله مايلقى عشير بدالك
تبغى تضيق خاطري جعله فداك
ماهو بنا الي يعاتبك في حلالك
غيبي سنه غيبي دهر أتحداك
تلقين مثل الي من الشوق جالك
قلبي واعرفه ابتلش بك وناجاك
وقلبي خلقه الله لقلبك لحالك
لا يشغلك هم البشر ودي رضاك
وكل الهموم الباقيه تنشكى لك
جتني رسالة من خفوقك من اقصاك
تطلب خفوقي يبتعد عن مجالك
حاولت اداري دمعتي واتناساك
بس المحبة تفضح الي سعى لك
اجر تالي الليل صوتي برجواك
على امل يشرق بعيني وصالك
الله واكبر ماهقيت الجفا جاك
ترى الجفا يقودني للمهالك
الحب لك من هامتك لين ماطاك
متى على الله تسألي ويش حالك
تعبت من صدك والقلب ناداك
في بحر حبك غارق في دلالك
يكفي وماظنيت تقسين وانساك
باتم احبك واتحرى هلالك
الشاعر سهر الليل
]

،




صصصح لسسسانك سهر إلليل
قصيدة جزلة تسسلم

سعيدين ب مشاركتك بقصيدة ونتطلع لجديدك

صح بنانك وبدنك يالجوديه

وتسلمين ع الاطلاله


وراح اطرح الجديد ان شا الله


تحياتي لمتابعي نزفي المتواضع

صح لسانك وعلى شانك أخوي
ماشاءالله من أول حرف لآخر حرف ممتعه

شاكرة لكْ مشاركتنا قصيدتك ,دام حرفك
وبشوق لمزيدك .

مرحبآآآ .. سهل الليل ..

أي والله وش حالك .. منورر بطلتك ..
يعطيك العافيه ع هل الكلمات ..
عشت ودمت بصحه وهنا ..
تحياتي لك ..