|
محاوره بين الشاعر وسيارته
^&)§¤°^°§°^°¤§(&^محاورة بين الشاعر / خالد عقلا الحميد الضويحي الخالدي وسيارته القديمة .^&)§¤°^°§°^°¤§(&^
هي : يابن حميد اشوف بالك علـي شيـن
متغيّـر(ن) طبعـك علـى غيـر عــاده
هو : لامنظر(ن) طيّب ولامركب(ن) زيـن
وارد عـراوي صــار مـاهـو بــراده
هي : بالعكس شوف الناس حتى الوراعين
تسـوق بالشـارع علـى غـيـر تــاده
هو : وش بك من الطمعات عساك تلويـن
قديمـة(ن) والـنـاس عـافـت جــداده
هي : ياخذ بي البنزيـن مـدة اسبوعيـن
يـوم المواتـر صرفـهـا بــه زيــاده
هو : مار البلا بارض الدعث وش تسوين
تغديـن مثـل اللـي قصيـر(ن) قـيـاده
هي : يعجبك مشيي خارج الرمل والطيـن
الـى مشيـت بجرهـد(ن) مـن حـمـاده
هو : واليا مشيتي بالسهـل وش تشيليـن
ياللـي حديـدك مثـل ريـش الـجـراده
هي : كم حملـة(ن) مثمونهـا بالملاييـن
وصلتهـا واسـأل عبـيـد(ن) وســاره
هـو : أظننـا نرجـع لعهـد البعـاريـن
كـان الجـدا انتـي فارقتـنـا السـعـاده
هـي : لامـا حصلـك غيرنـا يامسيكيـن
أي البـيـاض أخـيـر والا ســـواده؟
هو : لاتطثرين الهرج انا حالف(ن) ديـن
وارد عـراوي مالـنـا بــه اعــواده
هي : وقّف وعلمنـي بقصتـك ذا الحيـن
وش عوّفـك مـن دون بـاقـي عـبـاده
قلت اسمعي قصـدي ( بستـه وسبعيـن )
ركابـهـا ماغـيـر خمـسـة عــداده
صغيـرة(ن) تـوّه علـى حـد تمـريـن
تـو الوكـالـه جابـتـه مــن بــلاده
هـذا طويـل العمـر ريـف الضعافـيـن
أمــر بتأميـنـه وصــار اعـتـمـاده
الله يمتـع بـه علـى الـحـق والـديـن
فـتّـال حــلال(ن) بــراي وســداده
سمـح المحيّـا عامـل النـاس باللـيـن
ومن حال ممرور(ن) وصعـب(ن) مقـاده
لاجـالـه المحـتـاج مـاقـال بعـديـن
يعطـيـه مــال ولايحّـسـب نـفــاده
قالت هذاك امـره علـى الـراس والعيـن
احلـف علـى ماقلـت واشهـد شـهـاده
ويشهد علـى ماقلـت نـاس(ن) كثيريـن
ذيـك اسـرة(ن) ربــي حمـاهـا وزاده
شيوخ(ن) علـى درب الجـدود القديميـن
احمـد بنـا لـه قصـر عـز(ن) وشـاده
|
|[ فعاليات المنتدى ]| 
العرض العادي
