رمضان مع مجلس هيبة ملك أحلا ..~

سلام عليكم يا شباب و بنات ..

كيف حالكم ؟


وبخصوص موضوعك يا رحال اتوقع بالسعوديه حوالي 90 الف و لا 85 تاخذها وكاله وكاش ..
عاد مادري بكم تاخذها اذا على قسط . . انت ادفع مقدم اللي تقدر
واخذها والاكورد من افضل السيارات وبعدين تبي نصيحةة اخ اخذ لك شفروليه كروز 2012 والله يوفقكك فيهآ ويعطيك خيرها ويكفيك شرهآ

اذا انت راعي خَط متكرر ؟ عليك بالكورد وانت مغمِض

اذا خطِك مابين راحه وراحات وقلبك يبيه خلك على جيبِك

لكِن ترى الكورد الجديده تجملك مع الخط وخفيفَه وأنت مجنون سرعَه

شف طلبت الرآي وانا قلتلك السفر قطعه من عذاب وانا اخوك

اذا الخط لاعب فيك؟؟ أهم شئ صحتك خذها وماجاك علِي

والجيب ملحوق عليه دام فالعمر بقيات عساك لطولته

قصدهم مريح بس تأكد مايتراكم؟ يعني يرتفع كل ست شهور مثلأآ؟

اذا بيدوم سعر هالقصد تراه عرض ممتاز

والكورد عزالله موتر يجمِل .. شكل ومضمون وصبر ورفاهيَه وماركَه ..

موفَق

و كنت بقولك بخصوص الجيب .. بيع الجيب على الطلب .. احسن لك ولو ان ماتبي تبيعه بس بيع انت اللي بترتاح

اهلين رحال

يارجال اشتر اكورد وتوكل على الله حلوة مع الخط

وعليكم السـلام ورحمة الله وبركاته ،، ياهلا بماعاااد تفرق ..

والله ياخووك رايك طيب بس الامريكي مالي به مرره .. وعز الله انها سياره الكروز ،، على تجربة واحد من اخوياي يمدحها بالحيل ..

لآكن راااغب الاكورد بالحيل الله يكتب اللي به الخير ويعطططيك العافيه


ياهلاا بياسسر ،، اششهد بالله انه قطعه من الموت
يارجل كل اسبوع مسافر ،، اربع ايام وارجع المشكله الديره لاهي اللي بعيده ولا تروح
ولاهي اللي قريبه .. معلق حول 450 كم كل اسبوع رايح راد : (

الجيب مالي غنا عنه خص والشتاء جااي .. لآكن على قولتك باخذ الاكورد والربع ماهي مكله احطه بالديره .. والله الاكورد تريح ،، لو تشوفني كل اسبوع وانا على ظهر الجيب القزاز مايقفل مع هالحر .. والمسجل مايشغل .. ماغير كل مارحت وجيت مشاريع واحداث ولانعست هيجنت .. وخذ لك .. والله صرت مانتبه إلآ اني اسولف مع روحي بصوت عالي .. الافكار على اللسان .. ارني ماططول واشيب

والله باستخير هاليومين الجايات وإن راد الله بطقها ..

>جالس يتحممس

عااازف تقولهااا .. !!

يالخط انا وياك صرنا اصدقا ..
والجيب خوته بر ماهو حر !!

بالصيف نبيعه ونجيبه شتا
مالك عن الاكورد ياقلبي مفر ..

>>