قصة نصراوي تائب بعنوان ( سنوات الضياع ) .. !!

يع يع

السلام عليكم ورحمة الله

أخباركم يا حلوين ؟؟

إن شاء الله بخير

ـــ

الصراحة هذي قصة مؤثرة جدا

وأنا لأني أحبكم حبيت أنقلها لكم

عشان الواحد يستفيد وياخذ العبرة والعظه

ما ودي أطول عليكم

أتركم مع القصة

على لسان صاحبها

( قصة نصراوي تائب بعنوان " سـنـواتـ الــضـــيــاع " )

vvvvvvv
vvvvvv
vvvvv
vvvv
vvv
vv
v

وانا صغير مثل كل المراهقين كان يجذبني اللون البراق ..

ونسي والدي ان يخبرني ان ليس كل مايلمع ذهباً ..
انشغال والدي بتجارته ووالدتي بتربية اخواني جعلني فريسه سهله لكل من في نفسه مرض ..

هكذا عرفت النصر ..

اصدقاء السوء لم يتركوا لي مجالاً للتفكير...

ماجد محيسن الهريفي شوف الكوبري ياروحي يابو عبدالله اييييه ..

اعتقدت ان هذه هي الكوره وهذا منتهى الفن ..

عشر سنوات

من الضياع والتعب النفسي الناس تاخذ بطولات وانا امدح ماجد ومحيسن ..

يقولون لي فريقك ماجاب الدوري اقول ايه بس ماجد جاب كوبري ..

يقولون فريقك مهدد بالهبوط اقول ايه بس ماجد لاعب القرن ..

اشوف النصر ينهزم واردد مايقوله الريس عن التحكيم ..

عشر سنوات ..

وانا اذا دخلت مجلس اتحاشا اقول اني نصراوي ..

تعبت نفسياً واصدقاء السوء راحوا مع اللي راح بعد مازرعوا في نفسي كوره غلط في غلط ..

وكالعاده بعد ماغادرت مدرجات ملعب الملز منكس الراس وفريقي مهزوم ..

خليت السياره ورحت امشي حول الملعب اخفف من الوجع ..

وافكر في نفسي ..

وصدفه قابلت زميل ك ان معانا في الحاره ماشفته من 20 سنه ..

كنت اكرهه لسبب واحد كان هلالي ..

شافني وسلم علي والسعاده واضحه في ملامحه عرف قصتي يوم شافني ماسك العلم النصراوي ..

كان مؤدب ولا حارشني قال بأدب الله يعينك الى هالحين نصراوي ..

بغيت ابكي وخفت يعلم العيال عني ..

ماقدرت اطالع عينه .. عرف جوابي ..

مشى جنبي ساكت يوم وصلنا السياره عطاني شريطين للهلال وقال اذا شفت نفسك فاضي طالع هالشريطين ..

وعطاني رقم جواله ..

وصلت البيت ..

رميت الاشرطه وقلت ماناقص الا اطالع مباريات الهلال ..

حاولت انام وكل ماتذكرت ترتيب النصر في الدوري طار النوم ..

رحت امشي في الحوش وانا اقول الدخان والنصر واحد منهم راح يقضي عليَ ..

رجعت الملحق اقلب في الدش ملل..

وشفت الاشرطه اللي عطانياهم صديقي الهلالي ..

قلت وش أنا خسران بدال ها لطفش خلني أشوف الهلا ل واضحك عليهم ..

بديت أطالع الاشرطه ..

شي من الهدوء والسكينة بدا يتسلل إلى نفسي ..

شفت شي عكس اللي كانوا أصدقائي يقولونه ..

شفت فن .. شفت كوره حقيقية ..

شفت بطولات من كل شكل ونوع ..

الحين عرفت ليش جمهور الهلال أكثر سكينه وهدوء مني..

عشر سنوات من التخبط والضياع ..

توني أشوف الكوره الصح ..

كل ما خلص الشريط رجعته من الأول اللين نمت ..

صحيت الصبح وكلمت صديقي الهلالي طلبت منه أشرطه ثانيه وثالثه ورابعه ..

ما هو عيب إني عشت ضايع العيب استمر ضايع ..

عرفت الفن ..عرفت الكوره ..

عمري اللي راح في القهر والتعب والمجادلة الكذابة ..

انضميت لشباب هلاليين علمتهم بقصتي ..

اخذوا بيدي ساعدوني..

خفت اضعف وارجع لاصدقاء السوء ..

كل ماضعفت رجعت شغلت واحد من الاشرطه وهدأت نفسي واطمأنت ..

لي سنتين من يوم اهتديت ..

أهلي فرحانين بالتغير اللي طرأ على شخصيتي صرت أكثر هدوء وأكثر روقان ..

تحسنت إنتاجيتي في عملي وهذا شي طبيعي ..

صرت إذا جلست في مجلس وقلت إني هلالي ما عاد احد يتجرأ يتحرش فيني ..

الأرقام تتكلم .. والمنصات تشهد ..

هذي قصتي .. اهديها لكل نصراوي في غفلة ..

الأيام تمضي والسنين تركض ..

العمر واحد حرام نقضيه في ذل وتعب وقهر..

سعادتي اكبر من إني أحطها رهينة أقدام حلوي وجهوي ..

إلى كل نصراوي اهدي قصتي لتكن عبره وعضه ..

لعل الله ينفع بها احد التائهين ..

ـــــ

وتوتا توتا خلصت الحتوته

إن شاء الله أعجبتكم القصه

ملاحظة :-

لا أحد يفكر إني حاط القصة للشماته بالنصراويين

لا أنا حاطها للعبره والعضه فـــقـــط .

لا تنسوني من الردود

تحياتي...

ههههههههههههههههههههههههههههههههههحلوه منك مشكوووووور والله موضوع اكثر من رائع

يع يع


الحلو مرووورك لبى قلبك


نورت يالغلا


تحياتي...

اتمنى ينحذف الموضوع

واتمنى ماتزعل مني ياكوكتيل

بس موضوعك فيه تجريح كبييير للنصراويين
مع اني ماني نصراوي

بس ماله داعي الكلام ذا
على الاقل قدر انك كنت نصراوي!!!


ع العموم هذي وجهة نظري اتمنى تحترمها

المشاركة الأصلية كتبت بواسطة wolf اتمنى ينحذف الموضوع واتمنى ماتزعل مني ياكوكتيل بس موضوعك فيه تجريح كبييير للنصراويين مع اني ماني نصراوي بس ماله داعي الكلام ذا على الاقل قدر انك كنت نصراوي!!! ع العموم هذي وجهة نظري اتمنى تحترمها

يع يع


هلالاه قلبي


وجهة نظر أحترمها


لكن يا عزيزي

أنا ما كتبت الموضوع عشان التجريح أو الشماته


أنا كتبت الموضوع للعضة والعبرة


فـــــــــــــقـــــــــــــــط




يعطيك العافيه ع المرور


تحياتي...