(والله الجفا برد....وقل الوفا برد...)

صباحكم / مساؤكم نور ودفا شعور



][ مـــــــــــــدخل ][

حضر الشتاء بكل هيبته، وفرض علينا التزام السكون

قد يكون الشتاء بالنسبة لكثيرين فصل الكآبة والبرد والبقاء

في البيت دون القيام بأي نشاط ،

إلا أنه لدى آخرين فصل العائلة والدفء والفرح ..






البرد يخلي الواحــد يمشي وهو مغير يتنافض ويقول

(( أدددددد )) << كنايهـ عن التجمد

ويخليك أربع وعشرين ساعه ( تخلقن)

خلاقين وتمشي..

مالك خلق تكشخ وتلبس.. ولو حصلك ماتتروش عادي

>>> قرف

حتى مالك خلق تطلع من البيت ولا لك خلق تقوم من النوم

ولا لك خلق تروح الدوام / المدرسه/ وكل شي مالك خلقهـ.

بس ودك تشرب شاهي ولا حليب وتناظر التلفزيون

وتسولف مع اهلك مع ان مافيه سوالف كلها سماجه


وثقل دمــ وطقاق


المهم نرجع لمحور حديثنا اللي هو الشتا وجوه

فيهـ ناس ماشاء اللهـ عليهم الشتا عندهم مهما تنخفض

درجهـ الحرارهـ يكون زي مـــــاهو..!



ماتتقلص عضلات الرقــبه حقته ولا يتنافض ويلبس ويسوي

زحمه ولا يتجمد ويخرب موده .. والوضع عنده (إيزي)..!!
.

.

ونـــــــاس من يسمع.. او يشمـ.. او يحس بــالشتــاء ..


وهو علطول يتلبس ويتدفى .. ومايمشي الا بشريريبات

(( شراب )).., وسراويل .. وفنايل وحوسهـ وقلق

كنهـ (شايب أو عجوز).. وفازلين وفقس

وغايص في زاويهـ ومتلحف ..

وعلطول يمرض وخشمهـ يحمر.. وحرارته ترتفع


واصابعه تزرق وحاااااله ..
.
.
.


انتم ياحلوين وش اوضاعــكم في الشتاء..؟ ومن أي نوع

وأي فصيله تنتمون مما ذكر ؟ هههه



][ الملابس والشتا ][


سؤال للشباب /

هل أنت من النوع اللي يماشي موضهـ ( ثياب الشتاء) ..

يعني تلبس ثوب شتوي وتكشخ ولا مثل بعض الشباب


اللي يحبون الثوب الابيض في كل موسمـ بس اللّهم يلبس

( جاكيت/ فروهـ .. ) فوق الثوب الابيض وخلصنا..!؟

ولا وش نوع لبسك ..؟ تحب البدل و( الترنقات ).. ولا ايش..؟

.

وأيضا سؤال للصبايا /


اللي ماعندهم مثلنا ( ثوب شتوي \ صيفي) ..

لذلك يكون السؤال

وش نوع لبسك في موسم الشتاااء ؟..

وفي البيت وش تلبسون..؟

وهل عندك فروهـ ( نسائيهـ) ..؟ هههه

وسؤاال للجميع >>> ياكثر الأسئله

وش أغرب الطقوس اللي تسويها في هالمــــــوسمــ..؟



][ ياشتاي ][

جمعـت الهـم .. على حملـي
وبعثـرته
على باقي العـمر لاجلـك.
ولابـي
تسـوي شي لاجـلي
رضيت اتحمـّل الضيقه ..عشـان القاك تضحك لـي
عجزت احيى لاجل نفسي
ولاقدر أذكرك بالخـير .. ولاني قادرٍ أمحيـك
أنا ماني أنا .. ولانـي لي
ولاتحسب بقول اني .. أعيش انسان منـك وفيك
أنا حزن وبقايا اشياء
أنا اشلاء
نتايج جـــرْح
مجـّرد ضحكـه وذبلت
على وهم الهنا والفرح
..
مجـّرد صبـْح
يعــرْف أن وقته المحدود
مصيره لاحضر
ليـلي ,, ولاغابت بعـَد شمـسي
ولاني لي .. عجزت احيى لاجل نفسي
شتـاي إنت .. وبـرود شعـور
وانا بركـان .. تعبت آثـور
شتـاي
عجزت آنـام
شتـاي
عجـزت اهنا
تعبت آونّ واتعنــّا
تعبت آلآم
شتـاي
تـرا مابـه
بقايـا إنسـان
مــَ غيـر أحـزان
ولابـه قـلب ينبض لي
مجـّرد جلد فوق عظـام
و( ذكـرى ) مـوالفـه روحـي .
وجفن محـال يغمض ليّ
وروحـي
ودفتـر يرسـمك صـوره ..
وحبر وونــّه
وأقــــلام
وحملٍ يحملـه كتفـي
وجروحـي
على رفــّي .. ومعاها بعض اشيائي
أنا حزن وبقايا اشياء
أنا أشلاء
تعـال وجمـّـع أشلائــي ..





][ البراااان .. ترم ترم .. شو حلوين ترم ترم ترم ][

>>> على وزن ذاك المقطع اللي يقول البزران ..

شو حلوين .. عم بيدورو حول الناقهـ مبسوطين..!!

ههههه

الزبده ..

في الشتاء وفي دولتنا الموقرهـ ..

ينبسط أغلب الشعب السعودي هنا وهناك في

الطلعه للبران والتمتع في الشتا اللي


يخلي عظام الواحد (( كنه ددسن قديم ))..

ويحدث صريرا ً مزعج كــصرير الباب المصديّ..

بـــــذمتكم في أحــــد فـــهم شي...؟؟؟
.
.

اخي واختي

هل تحــــــب البران ..؟ وليش تحبها..؟

وماهي طقوسكم عند الطلعهـ للبران..؟

هل تفضلها مخــيــّــم مستقر..؟ ولا كل مرهـ في مكان ..

][ شتـــاؤنا والامراض ][




..>>> الصوره معبره والا شرايكم هههه


تنتشر أمراض الجهاز التنفسي الهامة أثناء الشتاءبسبب

التغيرات التي تحدث في الجو و تعرض الإنسان لموجات

متفاوتة من البرد والحر أثناء تنقله من البيت إلى السيارة

إلى العمل فتختلف درجة حرارة الشعب الهوائية و تتغير


مقاومتها للأمراض و تصبح أكثر عرضة للإصابة بالفيروسات

التي تنتشر فيمثل هذه الأجواء بسبب الجفاف الذي يطرأ

عليها من تأثير الجوالبارد ..

تتعدد هذه الأمراض ما بين الرشح " الزكام " إلى الأنفلونزا

و التهاب الحنجرة والبلعوم والتهابات الشعب الهوائية الحادة .

ويعتبر " الرشح " أكثر الأمراض انتشارا و ينتشر بين الأطفال

أكثر من الكباربسبب ضعف مقاومتهم للأمراض و فرص

اختلاطهم بأطفال آخرين مصابين بالزكام أكثر من الكبار ،

و يمكن أن يصاب الطفل بالزكام أكثر من مرة في السنة قد تصل

إلى ست أو ثماني مرات .

و يسبب الزكام عدة فيروسات و ليس فيروسا واحدا تصل

أعدادها إلى 200 فيروس تقريبا ..

وللوقاية من امراض الزكام عليكم بالتالي :

- على المصاب بالزكام غسل اليدين بصورة منتظمة .

- على المصاب بالزكام عدم لمس أنفه أو عينيه .

- على المصاب بالزكام الالتزام بتغطية أنفه

و فمه عند السعال أو العطاس .

- تجنب التعرض للهواء البارد .

- تجنب مخالطة المصابين بالزكام لمدة طويلة .

- الابتعاد عن الأماكن المزدحمة قدر المستطاع .

- المحافظة على نظافة اليدين بشكل عام

و تجنب ملامستها للأغشية المبطنة للعين و الأنف .

- توفير مرطب للهواء في غرفة النوم و المكتب

و غرفة المعيشة لترطيب أغشية الأنف و البلعوم و الحنجرة .

- عدم التعرض للهواء البارد والساخن في وقت قصير .

- الامتناع عن التدخين .

- عدم مجالسة المدخنين .

- الالتزام بتغطية الجسم بشكل جيد أثناء الخروج إلى الهواء

البارد و خاصة منطقة الرأس إذ يفقد الإنسان (30 % )

من الحرارة الداخلية للجسم عن طريق الرأس فقط



][ قفله ][

والله الجفا برد .. وقلّ الوفا برد
والموعد المهجــور ماينبت الورد ..
ياحبي المغرور .. ياللي دفاك شعور ..
رد القمر للنور وباقي العمر في وعد ..
بردااان.. بردان انا تكفى .. ابااحترق بادفى ..
لعيونك التحنان وفعيونك المنفى ..

منقووول

و الله حنا ساكنين في جدة
و هاذا الشهر مكنسل من عندنا
يعني لبسنا عاتي جدا و ما يتغير << نكسر الخاطر


طرح رآئع وموفق ..
طرح يحمل مضموناً جميلاً ..
أنتظر أجمل جديدك ..
دمتِ بروعة طرحك ...
مشاعر انسانهـ...

المشاركة الأصلية كتبت بواسطة مشاعر انسانهـ و الله حنا ساكنين في جدة و هاذا الشهر مكنسل من عندنا يعني لبسنا عاتي جدا و ما يتغير << نكسر الخاطر طرح رآئع وموفق .. طرح يحمل مضموناً جميلاً .. أنتظر أجمل جديدك .. دمتِ بروعة طرحك ... مشاعر انسانهـ...

اختى الكريمة مشاعر انسانه
ما اجمل اشراقتكِ هنا
اسعدنى حقاً تواجدكِ كونكِ الأولى متواجده
وأسعدني أيضاً عبير قلمكِ وردك الجميل
وان شاء الله هذي السنه يجيكم البرد الي تحبونه

الله يعيننا من البرد........مع اني افضله م الحر..لكن العام الماضي غير بروده قاسيه جدا...عن السنوات الماضيه..

تمنياتي لك اخوي سعووود ببرد على كيف كيفك..

تقبل تحياتي

المشاركة الأصلية كتبت بواسطة عذب الكلام الله يعيننا من البرد........مع اني افضله م الحر..لكن العام الماضي غير بروده قاسيه جدا...عن السنوات الماضيه.. تمنياتي لك اخوي سعووود ببرد على كيف كيفك.. تقبل تحياتي

مشكووووووره اختي على الدعوه لاني احب البرد والتخييم
أسعدني أيضاً عبير قلمكِ وردك الجميل
تقبلي تحياتي وشكري