قصيده يادكــــتور لبن فطيس

السلام عليكم ورحمة الله وبركاته

مساكم الله بالخـــــــــــــير

شاعرنا لهذه الليله هو شاعر المليون هوالشاعر الرائع محمد بن فطيس المري




،؛،.. دكتور العيون ..،؛،


(يامؤمن الريفي )انا جيتك زبون..

.. جيتك على مدح اكثر الناس وعنيت



جيت وتعالى الله عمّا يشركون..

.. لولاه (يامؤمن) لطبك ما اهتديت



راضي بحكم الله علي مهما يكون..

.. عالج عيوني لو بعد طبك عميت



ودي اخاشر فالبصر من يبصرون..

.. واشوف دربي لا سرحت ولا ضويت



والى قنصت اثبت مع اللي يثبتون..

.. واشوف طيري كل ما اوميت ودعيت



ياااكثر ما يضرب خويي (الطابلون)..

.. من كثر ما اكلّته مطباات وكليت



وودي اشوف اللي علي يعرضون..

.. وبعض الليالي ودي اسري دون ليت



وااشوف ناس ٍ فالقفا ما يرحمون..

.. اما وقفت لصاحبي والا مشيت




من دون نظاره ولا هم يحزنون..

.. يااا كثر ما كسّرت كشمات وشريت



لكنٌ يا دكتور جعلك ما تهون..

.. ابغيك كلمت راس دامك ما بديت



اسمع......ولا ابغي اللي وزانك يسمعون..

.. ربي كتب يكشف لك اسراري وجيت



صورة عديل الروح عندك فالعيون..

.. واخاف تقطعها بموسك ما وعيت



ولا عليك امر..اطوها تحت الجفون..

.. وعقبه لو تقطع عيوني ما شكيت



هي راس مالي والعرب ما يدركون..

.. اني على باب الممات و ما حكيت



ياقو قلبي يوم قفن الضعون..

.. اللي على ذاك الموادع ما بكيت



ويا صبر صبري والعواذل يحسبون..

.. اني دلهت من الهوى والا سليت



اسكت عساهم من سكاتي يسكتون..

.. وانا عن اللي في ضميري ما انتهيت



وادور الفرحه مع اللي يسهرون..

.. وان ذكروني خذت فنجال وسريت



اخذت من وقتك يا دكتور العيون..

.. عالج عيوني لو بعد طبك عميت



واستر علي واللي معك لا يفطنون..

.. انت الوحيد اللي بعد ربي دريت




وســــــــــلامتكم

،

الله الله..ياخي هذا مجنوون..وهالقصيده هذي لحآآلها...


شوف لما يوصف نفسه هنا >ذكرني بنفسي وحنا نطررد الارانب ..^_^.

،
ياااكثر ما يضرب خويي (الطابلون)..

.. من كثر ما اكلّته مطباات وكليت

،



،

*_*..

^

وودي اشوف اللي علي يعرضون..

.. وبعض الليالي ودي اسري دون ليت


اي والله ابسرري دوون ليت>والله حاس فيك يابن فطيس..


،


لاكن هذا البيت عن قصايد مو قصيده..

،


وادور الفرحه مع اللي يسهرون..

.. وان ذكروني خذت فنجال وسريت

،

هنا يصمت الحكي..


شكر وتهنئه على الذووق..

،

ثملت هنا



لي عوده

قصيدهـ روووعـــــــه

تسلم لنآ أآيديآتتس يالغلَآ

ومــآننحرم من جديدتس