قابليني ان لقيتي ربع حبي

قابليني ان لقيتي ربع حبي
.... ... او ربع ربع الربع ياجافيــــه

الشباب كثار وبامكانك تحبي
...... مثل حبي ما انت انت لاقيـــه

باكر تحنين لعناقي وقربي
...... يبتدي سكب الدموع الحاميــــه

وقتها تتذكري يومك بجنبي
... ... قبل ماتكوني جحوده قاسيـــه

لو رجعتي لا تضنيني البّي
... ... اي دعوه او لقا يا الطاغيـــه

ريّحي بالك انا انسان متربي
... ... مجمل اسرارك بتبقى خافيـــه

الجفا ما اشكل عليه لا وربي
... ... طالما انك بالتجافي الباديــــه

شي واحد موجع روحي وقلبي
... ... انك اول حب لي والتاليـــه

رغم هجرانك ونكرانك لحبي
....... اتمنّى لك دوام العافيـــه