•• { •• أفــتـ ح قـلـمڲ •• } ••

يا الله يا اللي عالم ما جرالي
يارب طه وربي ورب البيت

يا الواحد المعبود يا عز والي
يا للي تميت الحي ثم تحيي الميت

الطف بعبد غربلته الليالي
زود على الهوجاس حيرة وتشتيت

باسباب علم أحسب إنه خيالي
أثره حقيقة والحقيقة تشقيت

من يومها لليوم ما ارتاح بالي
وقلبي تفتت بين الأضلاع تفتيت

على الذي تسوى جميع الغوالي
هي دنيتي ما غيرها اللي تمنيت

قالوا توفت قلت واعز تالي
يا ليتني من دون نورة توفيت

وش عاد من بعد العزيزة بقا لي
عز الله إني بعدها ما تهنيت

جالس مع العالم وكني لحالي
دوم أتذكر جلسة أمي بها البيت

مره هنا تجلس ومرة قبالي
ومرة تجي جنبي ومرات لاجيت

البيت كنه عقبها كوخ خالي
والحال كنه عقبها عود كبريت

والدمع سال ولا بقالي مجالي
غير أزعج الونات لأصبحت وأمسيت

قالوا تصبر كلنا للزوالي
لابد يجيلك يوم ويقال قفيت

قلت الصبر عيا يطيق احتمالي
حاولت أنا أصبر دونها لكن أزريت

وشلون أبا أنسى عمري اللي غدالي
نور يوجهني ليا تهت واخطيت

ثم طاح سيفي وانكسر كل عالي
في ليلة الاثنين لو ما تشكيت

في ليلةٍ حكم القدر فيه مالي
ليل على قلبي قضى بالتناهيت

لا عاده الله للحبايب ولا لي
يوم خذا نورة حفظته ولا نسيت

قبلتها قبلة موادع لغالي
عقب الضما من دمع عيني ترويت

ودعيت ربي يا عزيز الجلالي
بعطفك ولطفك ترحم أمي وصديت

وأيقنت في نفسي وقلبي قرا لي
من صفحة أيام الزمن لو تناسيت

إن البشر للتراب والجسم بالي
واليوم ماتت هي وبكرة أنا ميت


,,,


صح لسان الشاعر اللي كتبها .. وعسى الله يرحم أموات المسلمين

ســآفرت وســآفرت شمسك ..

وغـآبت لياليك عن عيني ..



البــآرحه شاقني همسك ..

بحـآت شوقك تنـآديني ..



عودت كفي على لمسك ..

والحين وينك عن ايديني ؟!



العــآم كنه غدا امسك ..

وباكر نقول اربع سنيني ..



ياطول بــآلي على حمسك ..

كم لك بهـآلنار تكويني ..



حبل الوصل دآيم بخمسك ..

تشـدني ونوب ترخيني ..



ســآفرت وسافرت شمسك ..

وغـآبت ولآ غبت عن عيني ..



..



فــآيز بن جبيل ..

مــآ اخاف الصبح يقعد ...يلقى ان الليل نـآيم
انا اخاف ... من الالم
لآمن وصل حـد القلم !!

تبي سر ؟؟

تبي سر ../عمري ماقلته لاحد ؟!

بس تكفى ...لاترد العلم عني !!

ياخي ....../ ملييييت مني !!

كل ماكتب شعر ..
اكتشف كم كنت كآفر !!

تدري ليه ؟!!

شم اصابع اي شاعر / بعد مايكتب قصيـده
ان سلمت من الاصابع / ماسلمت من الاظــآفر !!

..

عن حبك رحلت ..
ولحبك وصلت ..
وهذي سوالف رحلتي ..
سافرت .. في كل التراب
سافرت .. لديار السحاب
وهربت من ليل اللقاء .. وسهر الغياب
وأنتي بداية رحلتي وكنتي النهايه ..
ودعتك وغصب علي خذتك معايه ..
يا طول هالرحله.. لو هي المسافه والزمن
يا قصر هالرحله .. سافرت من جرح الشجن
يا طولها .. يا قصرها
تصوري إني نسيت
بس الأكيد إني بكيت
لين الدموع تكدست .. أوراق
عن حبك رحلت
ولحبك وصلت
وهذي سوالف رحلتي

^

دايم ذووق

,,,,,



مشكلتنا يوم جينا للحياه ~

مالقينا قلوب تفهمنا أبد ..

العمر رمضا ونمشيها حفاة ..

والألم والحزن حبلٍ من مسد ~

كل درب أمشيه القى به حصاه ..

وكل جميل أفعله , به غيري جحد ..