رحت انا لعنيـــزه بـ(يوم الوطن

[align=center][tabletext="width:90%;background-image:url('http://www.hebat-malek.com/vb/backgrounds/24.gif');background-color:black;"][cell="filter:;"][align=center]مساااا/ صباااح
الشعر وهمس القوافي
وابيات تملؤها الحب والرومنسيه
القصيده ذي لشاعر ملقب نفسه بعسل بريده
وبصراااحه القصدية بالحيل راااقتلي
واتمني انها ترقي لذائقتكمـ
:
:
من غرامـ(ن) دآخل عروقي سكن
مستقــر(ن) بين شريآن ووريد
ومن قلم يكتب لكـ حروفه شجن
اخضعت لك .. فيه أبيات القصيد
ومن دموع وصبر وآهات وحزن
وانتظار(ن) وآقعه جرحـ(ن) شديد
غـآب (مظنوني) عن عيوني زمن
وعشت وقتي صمت .. رغم إني وحيد
وصرت للذكرى أسيـر(ن) مُرتهـن
تحمـل أيامي عبارة ( لا جديد ) !!
ذكرياتي تسـألن كل يوم عـن !!
موقفـ(ن) يسوى بقلبي ألف عيد
رحت أنا لـ(عنيزة) بـ(ـيوم الوطن)
آعتقدت إني مع العالم سعيد !!
قلت أنا بنسى الجروح اللي بقن
وابتعد .. حتى يقال إني بعيد
فرحة وجمعة وأصواتـ(ن) وفـن
من (محمد عبده) .. لـ(ـعبدالمجيد)
(فوق هام السحب) .. في أطرب لحن
وضحكة (محمد .. ونواف .. ووليد)
لكـن (الذكـرى) على قلبي تحـن !!
في مكانـ(ن) عشت به ماضـ(ن) تليد
جــدّد اللي داخـل أعماقي أكــن
(للحبيب) اللي له أشواقي تزيد
وعشت مع (خـلّي) بليلـ(ن) مستجـن
سـرت به في مركب العيش الرغيد
اطـلـبـي يا نـور عيني والجفــن
اطـلـبـي ياللـي لتـاج الزين سِـيـْد
اطـلـبـي ياللي بـك القـلب انـفـتـن
اطـلـبـي يادرة العـقـد الـفـريــد
دامك لـ(ـخالد) بــلاده والمــدن !!
ذوّبـي قلبـ(ن) مغـطـيه الجـليـد
يالعيون اللي به أصناف الحسن
قــرّبي لـي ياعسى عمرك مديد
لك حبيبـ(ن) ماطلب حبّه إذن !!
ينتظـرك تصافحينه إيـد بإيــد
عاش بك لحظاته ب(ـأغـلى ثمـن) !!
خـافـقه لك (شيك مفتوح الرصيد) !!
اسـتـتـب بخافـقـه كـل الأمـن
يـوم حـس براحتك هـذا الأكيد
كنت غارق بالليالي اللي مضـن !!
وفجأة استيقظت مع صوت النشيد !!
حس بي (نواف) وعيوني اغرقـن
وقالـّي وش فيك في جهد(ن) جهيد ؟
كـنت أنـادي لك ووضعك حيّـرن ؟؟!!
استعـذ من كل شيطانـ(ن) مريد
قلت له (نوااااااااف) وين اللي حضن ؟؟
خـافـقـي .. أرجـوك قـلي يالعضيد ؟؟
كــان قـبـل شـوي بيده ماسكن !!
ليـه فجـــأة يختفي قـلـّي المفيد ؟؟
قال يا (خااااالد) من اللي لك فتن ؟؟
عيّـشـك في حلم بالوضع الشديد !!
أعتقدتـك مـن بعـد هـذا تجــــن !!
وأنت رجلـ(ن) تملك العقل الرشيد
بعــدها أيقـنـت إني في وهن !!
يشقـي اللـي كـان في مهـده وليد !!
وانـدهشت بما جرالي وأدهشن !!!
كيف أنا استسلمت للـ(ـعهد العـتيد) ؟؟؟
كل هذا من هوى(ن) سـم البدن !!
لـه يـذوب الجسـم لو إنه حديد !!
و (ياهل عنيزة) غـــلاكم .. ما أظن !!
إنــه بينقص .. حشى داااايم يزيد !!
الغــلا مرهون فـي قلبي رهـن
واعتذاري يحمله (ساعي البريد) !!
ماحصل من خافـقي ((يوم الوطن)) !!
ظرف حزنـ(ن) كنت أظن .. إنه سعيد
::
/[/align][/cell][/tabletext][/align]