القهــــــــر

قبل كم من يو اع صيقاتي طرشت لي قصيد ع لايميل قالت لي اقريها وحبيت ا انكم تقرونها و تعطوني رايكم يوم قريتهاواااااااااايد عجبتني و مب متاكده منو الشاعر بس اظن انه الشاعر الاماراتي طارق محياس و ما بطول عليكم وااايد
...........
[align=center]القهر للحين أحبج

ليش نزلتي عيونج ؟؟ ارفعيها و طالعيني
ولا يعني انحرجتي يوم جاوبتي سؤالي؟
ليش قلتي لي أحبك؟؟ ليش كنتي تخدعيني؟؟
ليش قلتي لي حبيبي ؟؟ ليش قلتي لي يا غالي؟
كان ممكن ما أحبج كان ممكن تتركيني
كان ممكن من البدايه تخدعي غيري بدالي
ليش أنا بالذات يعني ؟؟ ليش قولي جاوبيني؟؟
بعد غدرج خبريني و قولي بس شـــ اللي بقالي
والله إني ما جرحتج ليش إنتي تجرحيني؟
هنت على قلبج حسافه و انقضت أجمل ليالي
القهر للحين أحبج و ادري انج ما تبيني
و المحبة من طرف واحد نهايتها زوالي
كان عمري في ايدينج قولي وش كان بايديني
اذكر انه من غلاتج كان قدرج فوق عالي
كنت اتجاهل و اطنش يوم نغزاتج تجيني
و كنت اقول الحب أكبر من تصرف لا مثالي
ابغي من وقتج دقيقه بس انج تمنحيني
بس ابا اقولج ثلاث اشيا و اروح و امشي لحالي
أولا فعلا أحبج و كنتي في قلبي و عيني
و كانت الدنيا بوجودج شي روعه شي خيالي
و ثانيا على اللي بدر مني دخيلج سامحيني
يمكن انه زل لساني و قلت انج راس مالي
ثالثا اسألج بالله و اطلبج لا تذكريني
احرقي كل القصايد و انسي اشواقي و وصالي
المهم اني ابا ابعد و انتي روحي و اتركيني
ارجعي له و مثلي له دور البريئة اللي تبالي
و في النهاية قبل ما انسى بقولج كلمتيني
كان هذا اللي تحبينه محمد ولد خالي
........................................ .......[/align]

و السموحه على القصور ...اذا عجبكم خبروني و اذا ما عجبكم هم قولوا