صور البنات في البلاك بيري والفيس بوك

هذيُ سخافـَه وسذاجَه لأبعد الحدودُ ولن تكونُ غير ذلِك إطلاقَا

والله مشكله لاصاروا الكبار يحتاجون رعايه ومتابعَه !

أقصد العقد الثاني وبدايه الثالث من العمر .. والبلاك بيري برنامج محادثات لاغيُر

جابولنا اجهزهـ بين اليدين وحنا جالسين وطقطقه .. طيب وبعدين وش بينفعنا فيه .. تسليه مثلا؟

طيب اخوانك واخواتك ليش ماتتسلى وياهم وين راحت العاب زمان اللي كلها ألفه ومحبَه وتجمعك وياهم على طول

كل واحد في ركن واغلب وقته ساكت ومنزل راسه .. بالله وش يحسون فيه ؟

ميخالف اجمع فيه اقاربي واصحاب المدرسه واخليه تواصل بيني وبينهم وقت الحاجه

أما كل وقتي امسك فيه .. ياخي مشكلتنا لانزل شي جديد لعبنا فيه لعب وهذا أكبر خطأ

الواحد مايصدق يالله لك الحمد

الحمدلله لابلاك ولاخرابيط الحمدلله والشكر ..

والبنات اللي تطرقتيلهم بالموضوع هذولي ناقصات عقل ويحسون بنقص بشخصيتهم ولايملكون الثقه بأنفسهم والموضوع لفت انتباهـ ويبون راي الناس فيهم وهم والله وثم والله إنهم بهالطريقه يرخصون انفسهم ولاعندهم حشمه ولافيهم بركه

الحين ابوك واخوك وجماعتك يحافظون على بركة عفتك يدرون انك ماحولك احد ولاتفهمين بهالقيمه وانتي تضربين كل اهتمامهم عرض الحائط

الصراحَه بنات هالايام مدري وش قصتهم ؟

يازين ايام زمان بس الوحده من تشوف طرف ثوب رجال راحت ركض وتغطت وتخبت

ياقلبي عليها حياء وخجل وإحترام هذي والله الي تستاهل كنوز الدنيا

اما بنات الوقت (الاغلبيه ) لو ماتوخر عن طريقها صدمتك وعينها ماتروح عنك يادافع البلا

حتى غالبيه شباب الوقت مافيه خير .. الجيل بأكمله مايبشر بخير أبد نسال الله السلامه

والعالم أشغلت انفسها بهالدنيا ماكأن فيه آخرهـ استغفر الله

سواقه حريم وحقوق هنا وهنا والقلم يكتب وهذا يصدر وهذا يؤلف

ياعالم اعملوا لآخرتكم الدنيا مابها خير

مشكورهـ ملكه وموضوعك مهم جدا واهنيك عليه

فـ مان الله