,،,،:,،،،وللحب قصص اخـــرى,،,،:,،،،من تاليفي

الجزء الثالث



*

غلا:الله سبع مكالمات
فتحتها لقتها كلها من منال
غلا:الله يعيني عليها خلني اشوف المسج بعد
لقته بعد من منال(((غلا يالدبه وينك ادق ما تردين والا من شاف احبابه نسى اصحابه؟؟؟!على العموم متى ما فضيتي دقي)))

هههههههههههههههههههههههه تضحك غلا
يا حليلها تحسبني سافهتها

ام وليد:منهي ذي
غلا:منال صديقتي
ام وليد:صليتي؟؟؟؟
غلا:لا ما صليت بقوم الحين بس اشوف جوالي
ام وليد:ابد سابهك هالجوال

قامت غلا تصلي بعدها جا ابوها

غلا:هلا يبه وش اخبارك
ابو ليد:هلا بالغلا وش اخبارك؟ الحين
غلا(بدلع):الحمد الله زينه ما تشوفني قايمه من الظهر
ام وليد:ايه يازينك.. ياليت يقومون الباقين بعد... ما يجلس الا انا وابوك في الظهر انا اصلح الغدا وهو يقرا الجريده
غلا:ان شاء الله انتم كل يوم كذا على ذا الروتين
ابو وليد:ايه وش فيه ..وراك تقولينها مستغربه
غلا:لا وع يا زين النوم..بس في الظهر ..لا تحس بالحر ولاشي..اليوم اول يوم واخر يوم ان شاء الله
ام وليد:افااااااااا..ما امداني اتكلم
غلا وابو وليد يضحكون

ام وليد:غلا وش كنتي تبين بابوك
وغلا ساكته الانها تكتب مسج بالجوال لمنال الانها دقت عليها ولقت الجوال مقفل..فقررت ترسل لها مسج

ام وليد:غلا.غلا وصمخ
غلا:يمه تو شو حلاتك تدلعيني..امدا تخربين السالفه
ابو وليد:هههههههههههههههه ابو طبيع ما يجوز عن طبعه
ام وليد:عاد استلموني انت وبنتك ما عندكم شغل..
ابو وليد: لا عاد كل شي الا انتي ..انتي العزيزه والغاليه ما لنا غناة عنك
وانتي وش كنتي تبين وانا ابوك مني

غلا انتبهت:ايه يبه بسالك وش صار على حفلة تخرجي وين اسويها فيه؟؟
ام وليد:احسب عندك سالفه ..اقوم اكمل غداي احسن
غلا:يمه وهاذي سالفه مهمه بالنسبه لي
ام وليد:خلي النسب تطلع بعدها يصير خير
غلا:ان شاء الله بتطلع..هاه وش قلت يبه؟؟؟
ابو وليد:اللي تبينه انا حاظر فصلي وانا البس
غلا وهي تحب راس ابوها:فديتك يا احلى ابو في الدنيا
ابو وليد:متى بتطلع نسبكم؟؟؟
غلا:اممممممممم اليوم وشو
ابو وليد:امدا تنسين توك معطله
غلا:ههههههههههههههههههه وش اسوي كرفت كرف في الدارسه نستني اسمي
ابو وليد:الحمد الله عدت على خير وانا ابوك
غلا:الله يجيب النسبه العاليه بس
ابو وليد:وش اخبار كتفك بس ؟؟
غلا:ماعليه احسن..شفت يبه قايله لك ما ابي اروح بس ما تسمع كلامي هاه الحين وش استفدت من ولد اخوك ذا
ابو وليد:هذا اللي مكتوب لك انك تطحيين...وولد اخوي ماله شغل وراك ماسكه عليه من امس مسيكين
غلا في نفسها جعله السكين طبعا من ورا قلبها الانه مهما كان ولد عمها:هو اللي مقترح علينا نركب دبابات
ابو وليد:والله ما مسكك غصب من يدك وقال اركبي
غلا:خلاص خلاص سكر الموضوع اصلا كلكم واقفين معه هذا وانا بنتكم
ابو وليد:انا واقف مع الحق ..وهذا الحق انه ماله شغل

غلا سكتت الانه عارفه ابوها حقاني ولو على نفسه ومستحيل تقنعه مهما كانت دلوعته
*
*
*
*
*
*
*
*
في بيت ابو فواز(عبدالعزيز)
الكل على الغداء
ابرار:وش رايكم اليوم نروح بيت عمي عبدالرحمن نسلم على غلا
ساره:ايه صح خلونا نروح اليوم وش رايك يمه
ام فواز:انا معزومه على زراج تبون تروحون كيفكم
ابرار :ايه نروح وش ورانا؟؟
ابو عبد العزيز:وش اخبارها غلا عقب الطيحه؟؟
ساره:مسكينه تعرج ما تقدر تمشي زين وكله بسبة بنتك ابرار
فواز:وابرار وش دخلها؟؟؟
ابرار:ايه شنو دخلني انا؟؟!
ساره:لا والله من قال بنتسابق؟؟
ابرار:انا بس ما قلت لها..طيحي؟بعدين لا تناظرين كذا
ابو عبد العزيز:اصلا من قالكم تطلعون الدبابات بدون ولي عليكم ولا تعلبون في الظلام
ساره:فواز قاله وش رايكم
فواز(عصب): وانا وش دخلني انا اقترحت عليكم وانتم وافقتوا ..هذا جزا المعروف سبع كفوف
ابو عبد العزيز:المفروض ما طلعتها...لو ما طلعتها كان ما صار اللي صار
فواز:لااااااااااااااه...قولو بعد غلا طاحت بسبتك
ابرار(تبي تفك نفسها):اكيد انت ..مو انت اللي مقترح علينا
فواز:اقول اسكتي انتي لا ادخل هالملعقه في فمك
ساره:ههههههههههههههههههههههههههههههههههه ه حلوه منك فواز
فواز:شوفو لو اسمع انكم قايلين فواز هو السبب يا ويلكم
ابرار:يعني نخبي الحقيقه
فواز:حقيقه في عينك ..لا ترمين بلاويك علي..انا سمعت مشاري يقول انكم زهقانين قلت ارفه عنكم شوي..وسمعت ان بعض ناس جايين غصب
ابرار:اكيد زهقانين ..الناس يسافرون وانتم مزرعه
ساره:ههههههههههههههههههههههههههههههههههه ه ليه ما تدرين ان هاذي الموضه
ابرار:مالت عليها من موضه ما ابيها
ام عبدالعزيز:منهم اللي جاين غصب؟؟؟؟؟
فواز:ناس وبس
ساره :انا ما قلت
ابرار: ولا انا..يمكن سهى
ساره:يالفقاشه اصلا هي ما راحت معنا بس تظلمينها
ابو عبد العزيز:بنتكم سهى ذي وينها ما اشوفها
ابرار:هههههههههههههههههههههههههههههههه حلوه بنتكم يبه..كنها مو بنتك
ام عبد العزيز:نامت عند اختي اسماء..تعرف ان اختي اسماء مرضعتها يعني ما في غطاء ورجل اختي يصير ابوها
ساره:اقول ما لقاها الا سهى؟؟
فواز:ليش ان شاء الله
ابرار:وتسال بعد انت وخشتك؟؟؟ياخي فله مع عيال خالتي اسماء قمه الوناسه ليتني بعد انا اختهم
فواز:احسن من خشتك ..وش رايك يتبنونك بس
ابرار:يصير..عادي يعني ..ابوي ترضى؟؟؟؟؟؟؟؟؟؟؟
ابو عبد العزيز:في احد يبيع بنته؟؟
ابرار :فديت ابوي يحبني ما يبيعني
فواز:لا هو وده ...بس الانه عارف ومتاكد وباصم بعد لو باع عشره من اشكالك ما جبتوا ليه ريال
الكل ضحك على سوالفهم
*
*
*
*
*
8
*
*
*

في بنت عبير

تقوم عيالها عشان يتغدون
عبير(الام) ام محمد:شوووووووووووووووووووق.........شوووو ووووووووووق
شوق:يمه فيني النوم خليني
ام محمد:قومي شوفي غلا طايحه ومتكسره
شوق(متفاجئه):قامت وجلست على السرير وهي تفرك عيونها:غلا شو فيها
ام محمد: هههههههههههههههه ما يجيبك الا غلا
شوق:بترجع تكمل نومها:يوووووووه على بالي فيها شي
ام محمد:قووووووووووووووووومي..فيها شي
شوق:طيب وش فيها
ام محمد:قومي واعلمك

قامت شوق وغسلت وجهها وجت للصاله
شوق:السلام عليكم
الكل:وعليكم السلام
شوق:يمه وش فيها غلا
ام محمد:ابد امس في المزرعه ركبت الدباب وتقلبت
شوق:جاها شي؟؟؟؟
ام محمد: لا الحمد الله بس كسور وجرح في ركبتها
ابو محمد: يالله الحمد الله على سلامتها
ام محمد: الله يسلمك
شوق: يمه لازم اروح لها يوم
ام محمد:لا انا معزومه على زواج اليوم
شوق:عادي انتي روحي وانا بروح لهم .بيت خالي عادي
ام محمد:حتى امها معزومه وش يوديك؟؟؟

شوق:يمه الله يعافيك دايم اروح لها وش جاي اليوم يعني
ام محمد:ما جا شي ...بس البنت تعبانه
شوق:عادي انا امون عليها ؟؟ما ابي بروح
ام محمد:عاد انتي ما لك الا رايك؟؟؟
ابو محمد: ايه ما تنلام هاذي صديقه عمرها من يوم كانو صغار
شوق:شفتي يمه؟؟؟؟؟؟؟
ام محمد:اذا تكلمت وزاة الخارجيه انا اسكت بعد
شوق:ههههههههههههههههه حلوه منك
*
*
*
*
*


في بيت منال

قامت منال العصر وفتحت جوالها ولقت مسج غلا
(((((صح النوم ...اسفه قلبو ما دخلت بس صارت لي امس سالفه بالمزرعه ما خلتني ادخل اذا قمتي دقي علي اقولك))))))

يووووووووووه وش السالفه تحمست الله يقلعها...
اكيد عن فواز...


ونزلت تحت ولقت اهلها كلهم متجمعين
منال:السلام عليكم
كلهم :وعليكم السلام

منال(بدلع):بابا
ابو تركي:سمي .. امري..لبيه
منال:سم الله عدوك...ما يامر عليك عدو..لبيت بمنى
تركي ..الله الله..وش ذا كله
منال:قول ماشاء الله لا تنظلني
طلال:وش ينظلك عليه..على غفله السيد طلال
منال:اقول اسفط على جنب شوي ابي ابوي
طلال:مكاني خير
منال:طيب ما قلنا شي بس اسفط شوي ..يعني وخر ما تفهم
منار:لا ما يفهم كلام العرابجه ذا
منال:خير انتي..مستلمتني..بعدين شوفي(تفك شعرها)كلي نعومه
تركي:تصدقين لو شعرك بوي كان قلت ولد
منال:بابا شفهم
ابو تركي:ههههههههههههههههههههههههههههههههه ما عليك منهم..امري وش تبين
منال:ابي اروح لبيت غلا صديقتي..مشتاقه لها
طلال:توك مخلصه اختبارات ما امدا تشتاقين
منال: انت ما عندك احساس..يوميا تشوف اخوياك عند باب الشارع.. حتى خليتني افكر حط سريرك عند الباب
كلهم ضحكوا
منال:هاه بابا وش قلت
ابو تركي:خلاص موافق
منال:حلوووووووووووووو..يعني ما بقى الا امي..امي وينها
تركي:ومن بيوديك ان شاء الله
منال:السواق
منار:السواق يقولك بااااااااااااي منول ..........سافر
منال(متفاجئه)لا عاد متى؟؟؟!!!وليش هالسفره المفاجئه ما لقاها الا في العطله
ابو تركي:امس راح يقول امه تعبانه
منال:وما لقا تتعب الا الحين في العطله
تركي:رحمة ولدها منك ومن طلباتك
منار:ههههههههههههههههههههههههههههه اتوقع كذا
تركي:وانتي مسويه برئيه..حتى انتي طلباتك كثيره
طلال:وانت مسوي هادي,,,,, حتى انت دايم تقوله ..ودي ثوبي للغسال.. جب ثوبي للغسال
منال:هههههههههههههههه وانت مسوي مؤدب..دايم تقوله بروح اجيب اشرطه بلاي ستشين من عيال عمي

ابو تركي:ههههههههههههههههههههههههههههههههههه هههههه(ميت ضحك عليهم) احسن ما فيكم انكم فضحتوا بعض

وكلهم ضحكوا
دخلت عليهم ام تركي
ام تركي:وش عندكم تضحكون ..ضحكوني معكم
منال:جيتي والله جابك
ام تركي: وش عندك؟؟؟؟؟؟؟؟؟؟؟
منال:ابي اروح لغلا يمه..تكفين وافقي
ام تركي:منار انتي بتروحين للزواج معي
منار:اذا راحت منال لبيت غلا وش اسوي انا
منال:ايه روحي للزواج احسن..فيه بوفيه وفله ورقص
تركي:وانتي ما يهمك الا بطنك
ابو تركي:ليه وانا ابوك ما سمعت بالمثل اللي يقول....اذا شبع البطين ضحك السنًين
طلال:هههههههههههههههههههههههه صادقين وهاذي منال
منال:خير انت وش فيك ماسك علي اليوم..لا يكون معجب بس
طلال:يوووووووووووووووووه تبين قلبي ينتحر
منال:بصير اكبر منك واسكت.....هاه يمه وش قلتي اروح.... ابوي وافق مالك عذر
ام تركي:خلاص اذا ابوك وافق خلاص..بس من يوديك
منال.وانا عندي غير ترررررررررررررررروك الله لا يخليني منه
تركي:الحين صرت تروك ؟؟!
منال:تكفى تركي لا تكون عقبه حياتي وافق
ترى انا بروح البس


تركي:تمون الاخت على طول على بالها وافقت!!!!!!!!!!!
ابو تركي:ودها وانا ابوك هالمره عشاني ..تراها مسكينه
منار:راعو نفسيتها ترى النسبه طلوعها بدا يقرب
تركي:عاد تكلمت محاميه منال

*
*
*
*
*
*
*


*
*
*
*
*
*
*


في بيت ابو وليد
اخر العصر
غلا تناظر التلفزيون مع وليد اخوها

غلا وش رايك هذا الفستان والا هذا؟؟

كانت هاذي ام وليد تسال بنتها عن أي فستان تلبس الانه معزومه في الزواج يقرب لهم اللي كلهم معزومين فيه ام فواز وعمتهم عبير وغدير وجدتهم وام تركي بعد بس ام تركي من جهة العروس وهم من جهة المعرس


غلا:كلهم حلوات ..بس الاحمر مع الاسود احلى
وليد:لا يمه ...الاخضر احلى شجعي المنتخب
غلا:هههههههههههههههه حلوه منك اخ وليد..بس لا تعيدها..لا الاحمر والاسود اكشخ
او وليد:يعني البس هذا وبس
غلا:انتي لو تروحين بجلابيتك حلوه
ام وليد:لا تجاملين وش البس؟؟؟
غلا:لا يمه صدق والله..بس البسي الاحمر والاسود احلى
وليد: انا قلت رايي كيفك؟؟

راحت او وليد تكمل كشختها

*
*
*
*
وليد:غلا
غلا:نعم...
وليد:تصدقين بنات عمي كبروا
غلا(رافعه حاجبها):ليه متى شفتهم
وليد:امس وانتي طايحه
غلا:وانا طايحه وانت تتقزز بنات عمي

غلا في نفسها :هذا واختك هي اللي طايحه قعدت تشوفهم..اجل اكيد فواز شافني وهو بعد مقرب مني...
ياربي يا ليت ما يكون شا فني... بس هذولي الشباب مستحيل غيروون طبعهم..

وليد:هييييييي يغلا وين رحتي..لا تفهمين غلط.
غلا:وش افهم شفتهم وش بعد تبي
وليد:لا بس اقول ماشاء الله كبروا
غلا:ايه عمي جاب لهم واسطه عشان يكبرون بسرعه
وليد(يرمي عليها المخده):تستهبلين انتي وخشتك....هههههههههههههههههه بس حلوه واسطه..
غلا:انا ادري عنك ,,,كل العالم كبروا محد يوقف ...واحنا الحين جالسين نكبر دقايق

وليد:بدت فلسفه عاد........اقول وش صار كبرهم
غلا:ساره ثاني جامعه..وابرار راحت لثالث ثانوي

وليد:ماشاء الله...يالله عقبال نسبتك
غلا:ااااااااااااااااااااااااه ,,,,جيت على الجرح يا خوي
وليد:والله ما جيت جرحك شوي يدي وشفي رجلك
غلا:هههههههههههههههههههههههههههههههههههه هه ااااااااااااه هههههههههههههههههههههههههههههههههههههههه ههه بمووووووووووووووت ضحك
ووليد كل وجه علامات تعجب وش فيها؟؟؟؟؟؟؟؟؟؟؟؟؟؟؟؟؟؟؟؟؟؟
وليد:خير عسى ما شر قلت نكته؟؟؟؟
غلا:هههههههههههههههههههههههههههههههه ما يحتاج تقول نكته الانه ههههههههههههههههههههههههههههه انت كلك نكته ههههههههههههههههههههههههههههه
وليد:احترمي اخوك الكبير ..خير وش نكتته
غلا:هههههههههههههههههه انا اقصد جيت على جرح طاري النسبه مو جرح رجلي
وليد:ههههههههههههههههههههههههههههههههههه ههههههههههههه يا حليلي ههههههههههههههههههههههههههه وانا مصدق نفسي خايف على رجلك....
غلا: يا حليلي بس انا...


الجرس يرن

غلا:انتكيا ..انتكيا..افتحي الباب
وليد لا انا بروح,, يمكن يكون واحد من اخوياي
غلا: ايه مو الله
*
*
*
*
الكل اتفق انه يروح لبيت غلا
من تتوقعون يكون عند الباب؟؟
وش راح يصير في جمعة البنات
وليش سال وليد عن بنات عمه تتوقعون في باله شي؟؟؟؟؟؟؟
كل هذا بنعرفه في الجزء الرابع
*