شريـــحه وجوالـــــ

هذي قصيدة واحد مسيكين حظه ردي

كان يعرف وحده ..... وانقلب الحال ......اليكم القصييييييييييييده

يقول:

بــعدلفقر حطت شريحه وجوال.........يسعد مسا جوالها والشريحه

كانت تجيني تشتكي قلت المال...........وتصيح لاجا طاري الفقر صيحه

تقول ابوي دايم الدوم رحال............وامي كبيره سن دايم طريحه

وانت الوحيد اللي لك القلب ميال.........دايم تصارحني وانا لك صريحه

طفله وانا معشوقها بين الاطفال........جريح حب وطاح له في جريحه

كنا سوى نرسم على التربه امال........واحلام تقتلها الحياة الشحيحه

كم دمعة كانت على الخد تنهال.........واذا انزلت ضاقت علي الفسيحه

الله كم صرخة وهمسه وموال...........الله كم جادت علي القريحه

الله كم بيت كتبناه بحبنا يختال...........واقول انا ضيدان وانتي مليحه

نخيل لو ما فالسما برق وخيال...........و نكذب الايام لو هي صحيحه

تقول لاحطيت لك بشت وعقال..........وسخر لك الرحمن عيشه مريحه

اخاف تتركني على عشرة الفال.........للفقر ووجيه الحياة القبيحه

وجيتها بين الخلايق والازوال..........حب يطول الوقت محدن يزيحه

وسلمتها قلب تباريه الاأهوال........... وطاح الخفوق وطيحة القلب طيحه

راحت وخلتني مع القيل والقال...........شاعر صواريف الدهر تستبيحه

ودار الزمن وغير الحال بالحال..........وجاها الزمن بكل ورده وشيحه

فله وخدامه ولكزس وجوال.............وانا عجزت ادفع رسوم الشريحه


وسلامتكم.............